1 Yahwe bakadwa Jobe bakati,
2 “Apa n'ng'ong'oli unomilana na Masimbawose kene?
Iye unonyanyaidzana ne Ndzimu ngaadabile!”
3 Ipapo Jobe kashandula Yahwe eti;
4 “Bonani, anditendili watjimwe, ndingadabila nditini?
Ndobiga luboko gwangu pa nlomo koga.
5 Ndaleba kang'ompela ngono anditjowodabila,
gwe bubili, koga anditjowodwilila.”
6 Ipapo Yahwe bakadabila Jobe bali mu tjampupudze beti;
7 “Uzwilulwamise se nlume.
Ndowokubhuzwisisa, ngono undidabile.
8 Apa unowoti andizolulwama kene?
Apa unowondibona nlandu kuti iwe ube wakalulwama kene?
9 Apa una luboko gunonga gwe Ndzimu kene,
ungabomba ne hwi linonga lawo kene?
10 “Akwakajalo kee, uzwinakise nge bushe ne tjedza,
uzwiambadze gudzo ne bubuya.
11 Lakidza bushongola gugo bukulu,
ulinge mmwe ne mmwe unozwikudza ngono un'yise pasi.
12 Linga mmwe ne mmwe unozwikudza ngono un'yise pasi,
upkhwanyile babiibi pabamile.
13 Ubavukidzile mu hwuluba bose,
njiso dzabo udziyise kwadzisingowofa dzabongwa.
14 Ngono imi nge kwangu ndowoduma,
kuti luboko gugo gwe luji gungakutjidza.
15 “Bona vubu,
yandakabumba koga sekwa ndakakubumba bo.
Inofula bushwa se ng'ombe.
16 Bona masimba ayo amu thunji dzayo,
ne matatabuko ayo amu nyama dze ntumbu wayo.
17 Inomilidza mwise wayo ukasima se nti we nsida,
ne makanyu e zwidzwa zwayo akasima dhi.
18 Mafupa ayo akasima se phangula,
ne makumbo ayo akasima se butale.
19 “Ndiyo tjibumbiwa tjekutanga mu zwibumbiwa zwe Ndzimu,
wakaibumba ngaabe iye ungaizhisila thumo.
20 Matombo anoidusila zojiwa,
ipo panozanila phuka dzose dze shango.
21 Inoti ikabutha kusi kwe miti,
ikabgwata kusi kwe ishaka tje lushanga.
22 Mitutshi ye miti inoibakilila,
miti inoyi wilo yakaipoteleka.
23 Bonani, nenguba gwizi gungazhala aitogutja,
inogala yakatebama koga nenguba gwizi gungapa Jorodani gupalama nlomo wayo.
24 Apa ndiani ungaibhata yakanlinga kene?
Apa ndiani ungaipubula tjimilo nge lubambo kene?
1 Yahwe bakadwa Jobe bakati,
2 “Apa n'ng'ong'oli unomilana na Masimbawose kene?
Iye unonyanyaidzana ne Ndzimu ngaadabile!”
3 Ipapo Jobe kashandula Yahwe eti;
4 “Bonani, anditendili watjimwe, ndingadabila nditini?
Ndobiga luboko gwangu pa nlomo koga.
5 Ndaleba kang'ompela ngono anditjowodabila,
gwe bubili, koga anditjowodwilila.”
6 Ipapo Yahwe bakadabila Jobe bali mu tjampupudze beti;
7 “Uzwilulwamise se nlume.
Ndowokubhuzwisisa, ngono undidabile.
8 Apa unowoti andizolulwama kene?
Apa unowondibona nlandu kuti iwe ube wakalulwama kene?
9 Apa una luboko gunonga gwe Ndzimu kene,
ungabomba ne hwi linonga lawo kene?
10 “Akwakajalo kee, uzwinakise nge bushe ne tjedza,
uzwiambadze gudzo ne bubuya.
11 Lakidza bushongola gugo bukulu,
ulinge mmwe ne mmwe unozwikudza ngono un'yise pasi.
12 Linga mmwe ne mmwe unozwikudza ngono un'yise pasi,
upkhwanyile babiibi pabamile.
13 Ubavukidzile mu hwuluba bose,
njiso dzabo udziyise kwadzisingowofa dzabongwa.
14 Ngono imi nge kwangu ndowoduma,
kuti luboko gugo gwe luji gungakutjidza.
15 “Bona vubu,
yandakabumba koga sekwa ndakakubumba bo.
Inofula bushwa se ng'ombe.
16 Bona masimba ayo amu thunji dzayo,
ne matatabuko ayo amu nyama dze ntumbu wayo.
17 Inomilidza mwise wayo ukasima se nti we nsida,
ne makanyu e zwidzwa zwayo akasima dhi.
18 Mafupa ayo akasima se phangula,
ne makumbo ayo akasima se butale.
19 “Ndiyo tjibumbiwa tjekutanga mu zwibumbiwa zwe Ndzimu,
wakaibumba ngaabe iye ungaizhisila thumo.
20 Matombo anoidusila zojiwa,
ipo panozanila phuka dzose dze shango.
21 Inoti ikabutha kusi kwe miti,
ikabgwata kusi kwe ishaka tje lushanga.
22 Mitutshi ye miti inoibakilila,
miti inoyi wilo yakaipoteleka.
23 Bonani, nenguba gwizi gungazhala aitogutja,
inogala yakatebama koga nenguba gwizi gungapa Jorodani gupalama nlomo wayo.
24 Apa ndiani ungaibhata yakanlinga kene?
Apa ndiani ungaipubula tjimilo nge lubambo kene?