Kundiwa kwa bomambo be ku bunandzwa
1 Kwakati Jabini mambo we Hazori ehwa ngekwe zwiyitikalo izwezwi kayisa dama kuna Jobabu mambo we Madoni ne kuna mambo we Shimironi ne we Akishafa 2 ne kuna bomambo be bunandzwa ku shango ye matombo ne Araba ku burwa gwe Khinereti ku shango yakawila ne baku Dori 3 na bomambo be Bakanana baku bhezhuba ne ba kunomila zhuba nebe Baamori nebe Bahiti nebe Baperizi nebe Bajebusi bamu shango ye matombo nebe Bahivi mu ntuthu we Mizipha bakusi kwe Dombo le Hemoni. 4 Bakazha ne babhayani babo, bali banjinji ne mbizi dze ngwa ne koloyi dze ngwa njinji kwazo. Babhayani bakabe bali banji se nsetje we phili dze gungwa. 5 Bomambo bose ibaba bakazwibhatshanya ngono bakanokotokela pa vula dze Meromu kuti ndizo bagwe ne Baiziraela.
6 Koga Yahwe bakadwa Joshuwa bakati, “Usibatje, ngobe imi Yahwe ndowobabulaya bose, muna la mangwana mu tjibaka itjetji ndowobapa Baiziraela bakafa kale. Shule kwe ngwa uthubule makanyu e mbizi dzabo kakale mupise koloyi dzabo dze ngwa.”
Joshuwa unokunda bomambo
7 Joshuwa ne babhayani bose babe bakanonginilila zwita zwabo ku bukotokelo ku vula dze Meromu batjakazwikangang'wa, 8 ngono Yahwe bakathama kuti bakundiwe ne Baiziraela. Bakabakunda bakabatatamila kulekule kunoti tjose ku Sidoni Nkulu ne kunoti ku Misirefotimayimi ne kunoti ku nkuku we Mizipha kunobhuda zhuba, kukasala kusina ndodwa ne limbelimbe. 9 Joshuwa wakabathama koga sekwa akadwiwa ndi Yahwe, kathubula makanyu e mbizi dzabo kakale kapisa koloyi dzabo dze ngwa.
10 Mu tjibaka itjetjo Joshuwa ne balume babe bakashanduka bakanonginilila Hazori. Mukutanga Hazori wakabe uli nsholo we mimwe mibuso. Bakatola nzi we Hazori bakabulaya mambo wawo, 11 bakabulaya mmwe ne mmwe ne thumo. Bakalobesa nthu mmwe ne mmwe wakatongo tjila muuli kakale bakapisa nzi we Hazori. 12 Joshuwa wakatapa mizi iyeyi na bomambo bayo kababulaya nge thumo. Wakabalobesa tjoselele koga sekwa kwaakabe adwiwa ndi Mushe nlanda wa Yahwe. 13 Baiziraela akuna nzi wabakatongo pisa kuzhe kwe nzi we Hazori wakapisiwa ndi Joshuwa. 14 Baiziraela bakazwitolela thundu ne zwithuwo zwe mizi iyeyi koga bakabulaya bathu bose, bakabalobesa tjoselele, 15 koga Yahwe sekwa badwa nlanda wabo Mushe kuti athame, Mushe iye kadwa Joshuwa ngono Joshuwa kasala shule ndaulo dza Yahwe. Kathama tjimwe ne tjimwe tjaakabe adwiwa ndi Mushe.
Mituthu yakatogwa ndi Joshuwa
16 Ndizo Joshuwa katapa shango idzedzi dzose, shango ye matombo neye Negebu ne shango yose ye Gosheni ne shango yakawila neye Araba ne shango ye Iziraela ye matombo, 17 kudwa pa Dombo le Halaki linowala tjose lakalinga ku Seiri linoti tjose ku Baligadi mu nkuku we Lebanoni unopinda kusi kwe Dombo le Hemoni. Joshuwa wakatapa bomambo bose be shango idzedzi ngono kababulaya. 18 Joshuwa wakatola tjibaka tjilefu kugwa na bomambo ibaba bose. 19 Akuna nzi wakasiyiwa ne Baiziraela basagwa nawo, kuzhe kwe Bahivi bakabe be gala mu Gibiyoni, ibo bakabe bathama tjidumano tje mbakiso ne Iziraela. 20 Ngobe Yahwe ndibo bakakukutadza mimoyo yabo kuti bagwe ne Baiziraela, kuyita kuti balobesiwe tjoselele kusina unobahwila zogwadza koga Yahwe sekwa bakabe badwa Mushe.
21 Mu tjibaka itjetjo Joshuwa wakamilika kanolobesa Baanakimu bakabe begala mu shango ye matombo, be Heburoni nebe Dibiri nebe Anabu na bose banodwa mu shango ye matombo ye Juda ne banodwa mu shango ye matombo ye Iziraela. Joshuwa wakabalobesa kakolomodza mizi yabo tjoselele. 22 Akuna ndodwa ne nthu we N'anakimu wakasala mu ntuthu we Iziraela kuzhe kwe malimbelimbe eku Gaza ne Gati ne Ashidodi. 23 Ndizo Joshuwa katola shango yose koga Yahwe sekwa bakabe babudza Mushe ngono kaipa Baiziraela, akaithubukanya nge njudzi dzabo. Ndizo kukabe ne kunyalala mu shango.
Kundiwa kwa bomambo be ku bunandzwa
1 Kwakati Jabini mambo we Hazori ehwa ngekwe zwiyitikalo izwezwi kayisa dama kuna Jobabu mambo we Madoni ne kuna mambo we Shimironi ne we Akishafa 2 ne kuna bomambo be bunandzwa ku shango ye matombo ne Araba ku burwa gwe Khinereti ku shango yakawila ne baku Dori 3 na bomambo be Bakanana baku bhezhuba ne ba kunomila zhuba nebe Baamori nebe Bahiti nebe Baperizi nebe Bajebusi bamu shango ye matombo nebe Bahivi mu ntuthu we Mizipha bakusi kwe Dombo le Hemoni. 4 Bakazha ne babhayani babo, bali banjinji ne mbizi dze ngwa ne koloyi dze ngwa njinji kwazo. Babhayani bakabe bali banji se nsetje we phili dze gungwa. 5 Bomambo bose ibaba bakazwibhatshanya ngono bakanokotokela pa vula dze Meromu kuti ndizo bagwe ne Baiziraela.
6 Koga Yahwe bakadwa Joshuwa bakati, “Usibatje, ngobe imi Yahwe ndowobabulaya bose, muna la mangwana mu tjibaka itjetji ndowobapa Baiziraela bakafa kale. Shule kwe ngwa uthubule makanyu e mbizi dzabo kakale mupise koloyi dzabo dze ngwa.”
Joshuwa unokunda bomambo
7 Joshuwa ne babhayani bose babe bakanonginilila zwita zwabo ku bukotokelo ku vula dze Meromu batjakazwikangang'wa, 8 ngono Yahwe bakathama kuti bakundiwe ne Baiziraela. Bakabakunda bakabatatamila kulekule kunoti tjose ku Sidoni Nkulu ne kunoti ku Misirefotimayimi ne kunoti ku nkuku we Mizipha kunobhuda zhuba, kukasala kusina ndodwa ne limbelimbe. 9 Joshuwa wakabathama koga sekwa akadwiwa ndi Yahwe, kathubula makanyu e mbizi dzabo kakale kapisa koloyi dzabo dze ngwa.
10 Mu tjibaka itjetjo Joshuwa ne balume babe bakashanduka bakanonginilila Hazori. Mukutanga Hazori wakabe uli nsholo we mimwe mibuso. Bakatola nzi we Hazori bakabulaya mambo wawo, 11 bakabulaya mmwe ne mmwe ne thumo. Bakalobesa nthu mmwe ne mmwe wakatongo tjila muuli kakale bakapisa nzi we Hazori. 12 Joshuwa wakatapa mizi iyeyi na bomambo bayo kababulaya nge thumo. Wakabalobesa tjoselele koga sekwa kwaakabe adwiwa ndi Mushe nlanda wa Yahwe. 13 Baiziraela akuna nzi wabakatongo pisa kuzhe kwe nzi we Hazori wakapisiwa ndi Joshuwa. 14 Baiziraela bakazwitolela thundu ne zwithuwo zwe mizi iyeyi koga bakabulaya bathu bose, bakabalobesa tjoselele, 15 koga Yahwe sekwa badwa nlanda wabo Mushe kuti athame, Mushe iye kadwa Joshuwa ngono Joshuwa kasala shule ndaulo dza Yahwe. Kathama tjimwe ne tjimwe tjaakabe adwiwa ndi Mushe.
Mituthu yakatogwa ndi Joshuwa
16 Ndizo Joshuwa katapa shango idzedzi dzose, shango ye matombo neye Negebu ne shango yose ye Gosheni ne shango yakawila neye Araba ne shango ye Iziraela ye matombo, 17 kudwa pa Dombo le Halaki linowala tjose lakalinga ku Seiri linoti tjose ku Baligadi mu nkuku we Lebanoni unopinda kusi kwe Dombo le Hemoni. Joshuwa wakatapa bomambo bose be shango idzedzi ngono kababulaya. 18 Joshuwa wakatola tjibaka tjilefu kugwa na bomambo ibaba bose. 19 Akuna nzi wakasiyiwa ne Baiziraela basagwa nawo, kuzhe kwe Bahivi bakabe be gala mu Gibiyoni, ibo bakabe bathama tjidumano tje mbakiso ne Iziraela. 20 Ngobe Yahwe ndibo bakakukutadza mimoyo yabo kuti bagwe ne Baiziraela, kuyita kuti balobesiwe tjoselele kusina unobahwila zogwadza koga Yahwe sekwa bakabe badwa Mushe.
21 Mu tjibaka itjetjo Joshuwa wakamilika kanolobesa Baanakimu bakabe begala mu shango ye matombo, be Heburoni nebe Dibiri nebe Anabu na bose banodwa mu shango ye matombo ye Juda ne banodwa mu shango ye matombo ye Iziraela. Joshuwa wakabalobesa kakolomodza mizi yabo tjoselele. 22 Akuna ndodwa ne nthu we N'anakimu wakasala mu ntuthu we Iziraela kuzhe kwe malimbelimbe eku Gaza ne Gati ne Ashidodi. 23 Ndizo Joshuwa katola shango yose koga Yahwe sekwa bakabe babudza Mushe ngono kaipa Baiziraela, akaithubukanya nge njudzi dzabo. Ndizo kukabe ne kunyalala mu shango.