Ludzi gwa Manase gukunomila zhuba
1 Ludzi gwa Manase mbano ya Josefa gwakakobegwa shango sahwoku: Makiri mbano ya Manase, kakale ali tate ba Giliyadi ngobe ali mbhayani wakakobegwa nge hakata nzi we Giliyadi ne Bhashani. 2 Ludzi gwa Manase gwakabe gwasala gwakakobegwabo shango nge misha yabo ndegwa bo Abiyezeri na Heleki na Asiriele na Shekemu na Heferi na Shemida, ibaba bakabe bali bakololo ba Manase, Manase ali nkololo wa Josefa kakale bakabe bali ibo misholo ye misha yabo. 3 Ngono Zelofehadi nkololo wa Heferi, Heferi ali nkololo wa Giliyadi, Giliyadi ali nkololo wa Makiri, Makiri ali nkololo wa Manase wakabe asina bana be tjilisana ana bakololokadzi koga ngono mazina abo akabe ali sahwoku: Mahila na Nuwa na Hogila na Milika na Tireza. 4 Bakayenda kuna Eleazari we mpirisiti na Joshuwa nkololo wa Nuni ne batungamili ngono bakabadwa bakati, “Yahwe bakadwa Mushe kuti atikobelebo shango pakati kwe hama dzedu dze balume.” Ndizo koga Yahwe sekwa bakabe baleba, Joshuwa kabakobela shango pakati kwe hama dza tate babo kuti ibe thaka yabo. 5 Gobe le ludzi gwa Manase lakabe mituthu ili gumi kuzhe kwe nzi we Giliyadi ne Bhashani bhezhuba kwe Jorodani, 6 ngoti bakololokadzi bakabe bakakobegwabo thaka pakati kwe bakololo babe. Shango ye Giliyadi yakabe yakobegwa bathu be Manase.
7 Ntuthu wa Manase wakabe utangisa mu Asheri unoti ku Mikimethati ku bhezhuba kwe Shekemu. N'gathu iwo wakabe uyenda wakalinga ku burwa ku bagali be Enitapuwa. 8 Shango ye Tapuwa yakabe ili ya Manase koga nzi we Tapuwa nge kwawo wakabe uli ku n'gathu wa Manase wakabe uli we Baifureimi. 9 Kudwapo n'gathu wakadwilila wakalinga ku burwa gwe nkuku we Kana. Kwakabe kuna mizi ya Ifureimi yakabe yakashangana ne mizi ya Manase koga n'gathu wa Manase wakabe uli ku bunandzwa kwe nkuku upelela ku gungwa. 10 Ku burwa kwakabe kuli shango ya Ifureimi, ku bunandzwa kuli ya Manase gungwa guli igo n'gathu ngono gubhatshanya shango ya Asheri ku bunandzwa neya Isakari iyo ili ku bhezhuba. 11 Muna Isakari ne muna Asheri Manase wakatola mizi ye Bhetisheani ne mizana yayo Ibileyamu ne mizana yayo ne bathu be Dori ne Enidori neye Taanaki ne Megido ne mizana yakaipoteleka, yakabe ili ya Manase we butatu ili Nafoti. 12 Koga bana ba Manase abazotubula tola mizi iyeyo ngobe Bakanana bakadwilila begala koga mu mizi iyeyo. 13 Koga Baiziraela bakati batjisima, bakakombeledza Bakanana kushinga zwinolema koga bakasibatatile kutjena.
Ifureimi na Manase banoshaka paphidzigwa shango
14 Kwakati limwe zhuba bathu be ludzi gwa Josefa bakalebeleka na Joshuwa beti, “Yahwe bakatikombolela tikabe banjinji, koga matipa gwamu gu ng'ompela gwe shango koga.” 15 Ngono Joshuwa kabashandula eti, “Ha muli banjinji, shango ye Ifureimi isinga mulizane yendani ku shango ye Baperizi neye Barafa muzwitemele iyo mu gale.” 16 Bathu be ludzi gwa Josefa bakashandula beti, “Shango ye matombo ye Ifureimi aizotilizana kakale Bakanana banogala mu nkuku bana koloyi dze butale kose ne banogala mu Bhetisheani ne kupoteleka ne banogala mu nkuku we Jezirele.”
17 Koga Joshuwa kadwa Ifureimi na Manase ibo be ng'umba ya Josefa eti, “Malebeswa, mu banjinji kakale makasima dumbu amungapiwe gwamu gu ng'ompela koga gwe shango, 18 koga tolani shango ye matombo inowobe yenyu. Nenguba ili ishaka temani koga muyenda mbeli mowoma pa munowoma nenguba Bakanana bana koloyi dze butale kakale bakasima.”
Ludzi gwa Manase gukunomila zhuba
1 Ludzi gwa Manase mbano ya Josefa gwakakobegwa shango sahwoku: Makiri mbano ya Manase, kakale ali tate ba Giliyadi ngobe ali mbhayani wakakobegwa nge hakata nzi we Giliyadi ne Bhashani. 2 Ludzi gwa Manase gwakabe gwasala gwakakobegwabo shango nge misha yabo ndegwa bo Abiyezeri na Heleki na Asiriele na Shekemu na Heferi na Shemida, ibaba bakabe bali bakololo ba Manase, Manase ali nkololo wa Josefa kakale bakabe bali ibo misholo ye misha yabo. 3 Ngono Zelofehadi nkololo wa Heferi, Heferi ali nkololo wa Giliyadi, Giliyadi ali nkololo wa Makiri, Makiri ali nkololo wa Manase wakabe asina bana be tjilisana ana bakololokadzi koga ngono mazina abo akabe ali sahwoku: Mahila na Nuwa na Hogila na Milika na Tireza. 4 Bakayenda kuna Eleazari we mpirisiti na Joshuwa nkololo wa Nuni ne batungamili ngono bakabadwa bakati, “Yahwe bakadwa Mushe kuti atikobelebo shango pakati kwe hama dzedu dze balume.” Ndizo koga Yahwe sekwa bakabe baleba, Joshuwa kabakobela shango pakati kwe hama dza tate babo kuti ibe thaka yabo. 5 Gobe le ludzi gwa Manase lakabe mituthu ili gumi kuzhe kwe nzi we Giliyadi ne Bhashani bhezhuba kwe Jorodani, 6 ngoti bakololokadzi bakabe bakakobegwabo thaka pakati kwe bakololo babe. Shango ye Giliyadi yakabe yakobegwa bathu be Manase.
7 Ntuthu wa Manase wakabe utangisa mu Asheri unoti ku Mikimethati ku bhezhuba kwe Shekemu. N'gathu iwo wakabe uyenda wakalinga ku burwa ku bagali be Enitapuwa. 8 Shango ye Tapuwa yakabe ili ya Manase koga nzi we Tapuwa nge kwawo wakabe uli ku n'gathu wa Manase wakabe uli we Baifureimi. 9 Kudwapo n'gathu wakadwilila wakalinga ku burwa gwe nkuku we Kana. Kwakabe kuna mizi ya Ifureimi yakabe yakashangana ne mizi ya Manase koga n'gathu wa Manase wakabe uli ku bunandzwa kwe nkuku upelela ku gungwa. 10 Ku burwa kwakabe kuli shango ya Ifureimi, ku bunandzwa kuli ya Manase gungwa guli igo n'gathu ngono gubhatshanya shango ya Asheri ku bunandzwa neya Isakari iyo ili ku bhezhuba. 11 Muna Isakari ne muna Asheri Manase wakatola mizi ye Bhetisheani ne mizana yayo Ibileyamu ne mizana yayo ne bathu be Dori ne Enidori neye Taanaki ne Megido ne mizana yakaipoteleka, yakabe ili ya Manase we butatu ili Nafoti. 12 Koga bana ba Manase abazotubula tola mizi iyeyo ngobe Bakanana bakadwilila begala koga mu mizi iyeyo. 13 Koga Baiziraela bakati batjisima, bakakombeledza Bakanana kushinga zwinolema koga bakasibatatile kutjena.
Ifureimi na Manase banoshaka paphidzigwa shango
14 Kwakati limwe zhuba bathu be ludzi gwa Josefa bakalebeleka na Joshuwa beti, “Yahwe bakatikombolela tikabe banjinji, koga matipa gwamu gu ng'ompela gwe shango koga.” 15 Ngono Joshuwa kabashandula eti, “Ha muli banjinji, shango ye Ifureimi isinga mulizane yendani ku shango ye Baperizi neye Barafa muzwitemele iyo mu gale.” 16 Bathu be ludzi gwa Josefa bakashandula beti, “Shango ye matombo ye Ifureimi aizotilizana kakale Bakanana banogala mu nkuku bana koloyi dze butale kose ne banogala mu Bhetisheani ne kupoteleka ne banogala mu nkuku we Jezirele.”
17 Koga Joshuwa kadwa Ifureimi na Manase ibo be ng'umba ya Josefa eti, “Malebeswa, mu banjinji kakale makasima dumbu amungapiwe gwamu gu ng'ompela koga gwe shango, 18 koga tolani shango ye matombo inowobe yenyu. Nenguba ili ishaka temani koga muyenda mbeli mowoma pa munowoma nenguba Bakanana bana koloyi dze butale kakale bakasima.”