Zogwadza zwe nzi nkulu
1 Wabe dongo seni nzi nkulu!
Nzi nkulu wakatongobe uli zhele bathu!
Wotjinga tjilikadzi iwo wakatongobe uli nkulu mu zwitjaba!
Iwo wakatongobe nkololokadzi mu zwitjaba
watjibe nlanda!
2 Unolila busiku gose,
mishodzi iye ili pa dama.
Mu zwamba zwizwe zose akuna unon'nyaladza
bakwinya babe bose bakan'tjebela
bakanshandukila batjibe zwita zwizwe!
3 Juda watapiwa ngo dziyidzika ne bulanda gwakabipa.
Wotjigala pakati kwe zwitjaba,
akuna iko kwaanga nyaluluka!
Batatamili babe banon'kulila,
pakati kwe manikano dzidze!
4 Zila dzinoyenda ku Ziyoni dzolila
akutjina banoyenda ku mizano yakabigwa,
mabazhe awe wose aatjina bathu,
bapirisiti bayo banogomela koga.
Baanadi bayo bamu tjililo,
Ziyoni imu buyendasi bukulu!
5 Zwita zwizwe zombusa
zwita zwizwe zwakabhudilila.
Ngoti Yahwe banthama kuti adziyile
adziyile ngekwe zwibi zwizwe zwinji.
Bana babe bakatapiwa
betapiwa mbeli kwe zwita.
6 Gudzo le nkololokadzi Ziyoni lafuluka,
batungamili bayo botjinga mapipha asina fulo,
anoyenda asina matatabuko,
akanyala kutizha bavimi.
7 Jerusalema unokumbula
mu mazhuba awe e kudziyidzika ne zogwadza
zose zwakanaka kudwa mazhuba a ntolo,
e bathu babe bewila mu maboko e zwita,
kusina ne ng'ompela kumbhatsha,
zwita zwizwe zwimpembelela,
zwidada ngekwe kuwa kukwe.
8 Jerusalema wakathama tjibi tjakabipa
ndizo wabe ne shambgwa,
bose bakabe benkudza botjinlingila pasi,
ngoti bakabona mbujo iye,
wakazhalilana ngono unogala akafupatila.
9 Shambgwa yakabasa tjiambalo tjitje
koga aatokumbula kuti konopelela ngayi,
ndizo kuwa kukwe kwakabangalala seni,
aana n'nyaladzi.
“Imwi Yahwe, bonani kudziyidzika kwangu
ngoti tjita tjandikulila!”
10 Tjita tjakatambunudzila maboko atjo
pezhugwi kwe zwithu zwizwe zwakanaka,
nge malebeswa zwitjaba zwangina mu bugalo gugwe gwakayengemala
ibo bamakadzibila kungina mu gubungano lenyu.
11 Bathu babe bose banotshinda beshaka zojiwa,
banoteetshanya thundu yabo nge zojiwa
kuti ndizo batjile basife.
“Bonani, imwi Yahwe, ibeni nge hanya,
ngoti ndolingigwa pasi.”
12 “Apa akute kuli tjimwe kumuli
imwi bapindi be zila kene?
Lingani mubone,
apa kuna zogwadza zwinonga zwangu kene,
zwandakalongwa mu zwili kene?
Izo Yahwe zwabakandilonga,
mu zhuba le kugwadza moyo kwabo kukulu?
13 “Kudwa pezhugwi bakatumila moto
ukangina mu mafupa angu.
Bakawala gwanga mu makumbo angu,
bakathama kuti ndiwe ne tjashule
bakandisiya ndimaama koga,
nditimbama zhuba lose.
14 “Zwibi zwangu zwakasungiligwa
mu ntshibha wangu se jokwi,
zwakasunganyiwa nge luboko gwabo,
batilika jokwi labo mu ntshibha wangu,
bathama kuti simba langu lipele.
Yahwe bandilonga mu maboko
a ibabo bandisingake alingisana nabo.
15 “She abana hanya ne balume bangu bakasima bandinabo.
Bakatumila ngwa kubhayana nami ngolobesa bazhuzha bangu.
She batshambatshamba se tjiswinilo tje zhambi
mwanadi nkololokadzi we Juda.
16 “Ngekwe zwithu izwezwi ndolila,
mesho angu anowunga mishodzi,
akuna upejo kundinyaladza,
akuna unomusa meya yangu.
Bana bangu basala mu zhuba,
ngobe zwita zwangu zwakunda.”
17 Ziyoni wakatjinga nge maboko awe,
koga akuna iye unon'nyaladza.
Yahwe bakadusa ndaulo kulingisana na Jakubo,
kuti babakidzani naye babe zwita zwizwe.
Jerusalema yatjibe tjithu tjina shambgwa pakati kwabo.
18 “Yahwe bakalulwama,
imi ndimi ndakapandukila dama labo.
Bhulutanani imwi bathu bose,
kakale bonani kudziyidzika kwangu,
baanadi bangu ne bazhuzha bangu
bakatapiwa.
19 “Ndakadana zwamba zwangu
koga bakanditjebela,
bapirisiti bangu ne sholotjena
bakafila mu nzi nkulu,
batjavimana ne zojiwa
kuti batjile.
20 “Bonani, kaa Yahwe ndimu buyendasi,
meya dzangu dzakadzongeka,
moyo wangu auzogadzikana,
ngoti ndakapanduka kwazo.
Ku dzizila thumo lolila,
mu ng'umba lufu gu ipapobo.
21 “Ihwani sekwa ndinotshinda ndiko,
akuna iye unondinyaladza.
Zwita zwangu zwakahwa ngekwe mang'oni angu,
bakashathila tjamakandithama.
Zhisani kaa zhuba lamakaleba,
kuti ndizo zwifanane nami.
22 “Bubi gwabo bose ngaguzhe mbeli kwenyu,
mubathame koga sekwa makathama
nami ngekwe zwibi zwangu,
ngoti kutshinda kwangu kunjisa
ne moyo wangu wotjitimbama.”
Zogwadza zwe nzi nkulu
1 Wabe dongo seni nzi nkulu!
Nzi nkulu wakatongobe uli zhele bathu!
Wotjinga tjilikadzi iwo wakatongobe uli nkulu mu zwitjaba!
Iwo wakatongobe nkololokadzi mu zwitjaba
watjibe nlanda!
2 Unolila busiku gose,
mishodzi iye ili pa dama.
Mu zwamba zwizwe zose akuna unon'nyaladza
bakwinya babe bose bakan'tjebela
bakanshandukila batjibe zwita zwizwe!
3 Juda watapiwa ngo dziyidzika ne bulanda gwakabipa.
Wotjigala pakati kwe zwitjaba,
akuna iko kwaanga nyaluluka!
Batatamili babe banon'kulila,
pakati kwe manikano dzidze!
4 Zila dzinoyenda ku Ziyoni dzolila
akutjina banoyenda ku mizano yakabigwa,
mabazhe awe wose aatjina bathu,
bapirisiti bayo banogomela koga.
Baanadi bayo bamu tjililo,
Ziyoni imu buyendasi bukulu!
5 Zwita zwizwe zombusa
zwita zwizwe zwakabhudilila.
Ngoti Yahwe banthama kuti adziyile
adziyile ngekwe zwibi zwizwe zwinji.
Bana babe bakatapiwa
betapiwa mbeli kwe zwita.
6 Gudzo le nkololokadzi Ziyoni lafuluka,
batungamili bayo botjinga mapipha asina fulo,
anoyenda asina matatabuko,
akanyala kutizha bavimi.
7 Jerusalema unokumbula
mu mazhuba awe e kudziyidzika ne zogwadza
zose zwakanaka kudwa mazhuba a ntolo,
e bathu babe bewila mu maboko e zwita,
kusina ne ng'ompela kumbhatsha,
zwita zwizwe zwimpembelela,
zwidada ngekwe kuwa kukwe.
8 Jerusalema wakathama tjibi tjakabipa
ndizo wabe ne shambgwa,
bose bakabe benkudza botjinlingila pasi,
ngoti bakabona mbujo iye,
wakazhalilana ngono unogala akafupatila.
9 Shambgwa yakabasa tjiambalo tjitje
koga aatokumbula kuti konopelela ngayi,
ndizo kuwa kukwe kwakabangalala seni,
aana n'nyaladzi.
“Imwi Yahwe, bonani kudziyidzika kwangu
ngoti tjita tjandikulila!”
10 Tjita tjakatambunudzila maboko atjo
pezhugwi kwe zwithu zwizwe zwakanaka,
nge malebeswa zwitjaba zwangina mu bugalo gugwe gwakayengemala
ibo bamakadzibila kungina mu gubungano lenyu.
11 Bathu babe bose banotshinda beshaka zojiwa,
banoteetshanya thundu yabo nge zojiwa
kuti ndizo batjile basife.
“Bonani, imwi Yahwe, ibeni nge hanya,
ngoti ndolingigwa pasi.”
12 “Apa akute kuli tjimwe kumuli
imwi bapindi be zila kene?
Lingani mubone,
apa kuna zogwadza zwinonga zwangu kene,
zwandakalongwa mu zwili kene?
Izo Yahwe zwabakandilonga,
mu zhuba le kugwadza moyo kwabo kukulu?
13 “Kudwa pezhugwi bakatumila moto
ukangina mu mafupa angu.
Bakawala gwanga mu makumbo angu,
bakathama kuti ndiwe ne tjashule
bakandisiya ndimaama koga,
nditimbama zhuba lose.
14 “Zwibi zwangu zwakasungiligwa
mu ntshibha wangu se jokwi,
zwakasunganyiwa nge luboko gwabo,
batilika jokwi labo mu ntshibha wangu,
bathama kuti simba langu lipele.
Yahwe bandilonga mu maboko
a ibabo bandisingake alingisana nabo.
15 “She abana hanya ne balume bangu bakasima bandinabo.
Bakatumila ngwa kubhayana nami ngolobesa bazhuzha bangu.
She batshambatshamba se tjiswinilo tje zhambi
mwanadi nkololokadzi we Juda.
16 “Ngekwe zwithu izwezwi ndolila,
mesho angu anowunga mishodzi,
akuna upejo kundinyaladza,
akuna unomusa meya yangu.
Bana bangu basala mu zhuba,
ngobe zwita zwangu zwakunda.”
17 Ziyoni wakatjinga nge maboko awe,
koga akuna iye unon'nyaladza.
Yahwe bakadusa ndaulo kulingisana na Jakubo,
kuti babakidzani naye babe zwita zwizwe.
Jerusalema yatjibe tjithu tjina shambgwa pakati kwabo.
18 “Yahwe bakalulwama,
imi ndimi ndakapandukila dama labo.
Bhulutanani imwi bathu bose,
kakale bonani kudziyidzika kwangu,
baanadi bangu ne bazhuzha bangu
bakatapiwa.
19 “Ndakadana zwamba zwangu
koga bakanditjebela,
bapirisiti bangu ne sholotjena
bakafila mu nzi nkulu,
batjavimana ne zojiwa
kuti batjile.
20 “Bonani, kaa Yahwe ndimu buyendasi,
meya dzangu dzakadzongeka,
moyo wangu auzogadzikana,
ngoti ndakapanduka kwazo.
Ku dzizila thumo lolila,
mu ng'umba lufu gu ipapobo.
21 “Ihwani sekwa ndinotshinda ndiko,
akuna iye unondinyaladza.
Zwita zwangu zwakahwa ngekwe mang'oni angu,
bakashathila tjamakandithama.
Zhisani kaa zhuba lamakaleba,
kuti ndizo zwifanane nami.
22 “Bubi gwabo bose ngaguzhe mbeli kwenyu,
mubathame koga sekwa makathama
nami ngekwe zwibi zwangu,
ngoti kutshinda kwangu kunjisa
ne moyo wangu wotjitimbama.”