Shule kwe kuwa kwe Jerusalema
1 Golide yatundubala seni,
golide mbuyanana yashanduka kwakatini!
Mabgwe akayengemala atjipalala ku phelelo dze zijana.
2 Bakololo babuya be Ziyoni bakabe
betolegwa pezhugwi se golide,
botjitogwa se hali dzakabumbiwa nge ntapkhwi,
dzithamiwa nge maboko e mbumbi.
3 Ne phungubgwe dumbu dzomwisa bana badzo mazhamu,
koga bathu bangu bana mimoyo mikukutu,
banonga phowu mu tjilambanyika.
4 Nge nyota malimi e ngawana
akanamatila bgwasha,
bana banokumbila tjiwunga,
koga akuna unobapa itjo.
5 Ibabo bakabe beja zojiwa zwakatini,
bo bulawa nge zhala mu dzizila.
Ibabo bakakula beambala zwiambalo
zwe mbala we bushaba gwakabondelela,
babe gele mu zwizhalanlota.
6 Lobgwa shamu kwe bathu bangu kukulu
kupinda kwe Sodoma,
iyo yakakolomogwa tjinyolotjo,
kusina ne ng'ompela ungabhatsha.
7 Bakololo be bushe bakabe bepenya kupinda kapuku
bali batjena kupinda nkaka,
mibili yabo ili mishaba kupinda thakwala,
mavudzi abo enga safire.
8 Koga ngwenu babe batematema se masitu,
akuna unoziba kuti ndiboani mu dzizila.
Ganda labo lakanamatila mafupa abo,
lakawomelela se lukuni.
9 Bakabulawa nge thumo banoyita,
muna ibabo banobulawa nge zhala,
ibabo banothukudzika ngoshaya zojiwa mu minda.
10 Maboko e bakadzi bana mahwilo ngoni,
akabhika bana babo,
bakabathama zojiwa zwabo,
ha bakanyi kwangu belobesiwa.
11 Yahwe bakazhulila bushongola gwabo,
bakatebula gwadzamoyo kwabo kunopisa,
bakabhatidza moto mu Ziyoni
ukaja thiwa dzayo.
12 Bomambo be shango bakasidume,
nanga ibo bathu be shango,
kuti zwita kene babulayi bangangina ne mikoba ye Jerusalema.
13 Koga kwakashingikala ngekwe zwibi zwe balebesambeli bayo,
ne ngekwe milandu ye bapirisiti bayo,
ibo bakatebula malopa e balulwami
pakati kwayo.
14 Bolungayila se mapofu mu dzizila,
bakatemapadziwa nge malopa,
kusina iye ungakutha zwiambalo zwabo.
15 Bathu banobamimilila beti, “Kutjena naswi! Makatemapala!
Kutjena naswi! Kutjena naswi! Musitongotikutha!”
Abetizha bebe bebe zwitendeleki ne balungaili,
bathu pakati kwe zwitjaba banoti,
“Abangatja gale naswi kakale!”
16 Yahwe ndibo bakabapaladza,
abatjina hanya.
Abatokudza bapirisiti,
abatoteta sholotjena.
17 Mesho edu anonyala,
akalingilila suli kubhatshiwa,
mu thungamakole takalingilila
itjaba tjisingake tjikatitjidza.
18 Zwita zwedu zwakativima
pamwe ne pamwe patinotshamba,
kuti ndizo tisiyendayende mu dzizila dzedu.
Bhelelo ledu lasendela,
mazhuba edu mashomanana,
ngoti bhelelo ledu latjiswika.
19 Batatamili bedu banovirima kupinda madzu ku zhuzhugwi,
bakatitatamila pezhugwi kwe matombo,
bakatilalila mu tjilambanyika.
20 Meya ye bupenyu gwedu iye Nzhodziwa wa Yahwe
iye wakabe ali iye kugalabgwe kwedu,
bakambata nge mapuzhu abo,
takabe tikumbula titi, “Kusi kwe ntutshi uwe
towotjila pakati kwe zwitjaba.”
21 Shatha upembele iwe nkololokadzi we Edomu,
iwe n'gali mu shango ye Uzi,
koga nawebo bhepe lowopinda pakuli,
unowong'wa ukalaladza ukazwiambula zwiambalo.
22 Iwe nkololokadzi we Ziyoni,
lobgwa shamu kuko kowopela,
abatjokugadza mu butapiwa,
koga ngekwe nlandu uwo iwe nkololokadzi we Edomu,
banowokuloba shamu,
banowodusila jinyo lilo pa tjena!
Shule kwe kuwa kwe Jerusalema
1 Golide yatundubala seni,
golide mbuyanana yashanduka kwakatini!
Mabgwe akayengemala atjipalala ku phelelo dze zijana.
2 Bakololo babuya be Ziyoni bakabe
betolegwa pezhugwi se golide,
botjitogwa se hali dzakabumbiwa nge ntapkhwi,
dzithamiwa nge maboko e mbumbi.
3 Ne phungubgwe dumbu dzomwisa bana badzo mazhamu,
koga bathu bangu bana mimoyo mikukutu,
banonga phowu mu tjilambanyika.
4 Nge nyota malimi e ngawana
akanamatila bgwasha,
bana banokumbila tjiwunga,
koga akuna unobapa itjo.
5 Ibabo bakabe beja zojiwa zwakatini,
bo bulawa nge zhala mu dzizila.
Ibabo bakakula beambala zwiambalo
zwe mbala we bushaba gwakabondelela,
babe gele mu zwizhalanlota.
6 Lobgwa shamu kwe bathu bangu kukulu
kupinda kwe Sodoma,
iyo yakakolomogwa tjinyolotjo,
kusina ne ng'ompela ungabhatsha.
7 Bakololo be bushe bakabe bepenya kupinda kapuku
bali batjena kupinda nkaka,
mibili yabo ili mishaba kupinda thakwala,
mavudzi abo enga safire.
8 Koga ngwenu babe batematema se masitu,
akuna unoziba kuti ndiboani mu dzizila.
Ganda labo lakanamatila mafupa abo,
lakawomelela se lukuni.
9 Bakabulawa nge thumo banoyita,
muna ibabo banobulawa nge zhala,
ibabo banothukudzika ngoshaya zojiwa mu minda.
10 Maboko e bakadzi bana mahwilo ngoni,
akabhika bana babo,
bakabathama zojiwa zwabo,
ha bakanyi kwangu belobesiwa.
11 Yahwe bakazhulila bushongola gwabo,
bakatebula gwadzamoyo kwabo kunopisa,
bakabhatidza moto mu Ziyoni
ukaja thiwa dzayo.
12 Bomambo be shango bakasidume,
nanga ibo bathu be shango,
kuti zwita kene babulayi bangangina ne mikoba ye Jerusalema.
13 Koga kwakashingikala ngekwe zwibi zwe balebesambeli bayo,
ne ngekwe milandu ye bapirisiti bayo,
ibo bakatebula malopa e balulwami
pakati kwayo.
14 Bolungayila se mapofu mu dzizila,
bakatemapadziwa nge malopa,
kusina iye ungakutha zwiambalo zwabo.
15 Bathu banobamimilila beti, “Kutjena naswi! Makatemapala!
Kutjena naswi! Kutjena naswi! Musitongotikutha!”
Abetizha bebe bebe zwitendeleki ne balungaili,
bathu pakati kwe zwitjaba banoti,
“Abangatja gale naswi kakale!”
16 Yahwe ndibo bakabapaladza,
abatjina hanya.
Abatokudza bapirisiti,
abatoteta sholotjena.
17 Mesho edu anonyala,
akalingilila suli kubhatshiwa,
mu thungamakole takalingilila
itjaba tjisingake tjikatitjidza.
18 Zwita zwedu zwakativima
pamwe ne pamwe patinotshamba,
kuti ndizo tisiyendayende mu dzizila dzedu.
Bhelelo ledu lasendela,
mazhuba edu mashomanana,
ngoti bhelelo ledu latjiswika.
19 Batatamili bedu banovirima kupinda madzu ku zhuzhugwi,
bakatitatamila pezhugwi kwe matombo,
bakatilalila mu tjilambanyika.
20 Meya ye bupenyu gwedu iye Nzhodziwa wa Yahwe
iye wakabe ali iye kugalabgwe kwedu,
bakambata nge mapuzhu abo,
takabe tikumbula titi, “Kusi kwe ntutshi uwe
towotjila pakati kwe zwitjaba.”
21 Shatha upembele iwe nkololokadzi we Edomu,
iwe n'gali mu shango ye Uzi,
koga nawebo bhepe lowopinda pakuli,
unowong'wa ukalaladza ukazwiambula zwiambalo.
22 Iwe nkololokadzi we Ziyoni,
lobgwa shamu kuko kowopela,
abatjokugadza mu butapiwa,
koga ngekwe nlandu uwo iwe nkololokadzi we Edomu,
banowokuloba shamu,
banowodusila jinyo lilo pa tjena!