Kuwalilana kusingadumigwe
1 Yahwe bakadwa Mushe bakati, 2 “Idwa bathu be Iziraela uti, ‘Ndimi Yahwe Ndzimu wenyu. 3 Musitongothama sekwa banothama mu shango ye Egipiti, ikweno kwamakabe muligele, kakale musitongothama sekwa banothama mu shango ye Kanana, ikweno kwandinomuyisako. Musitongotobela milayo yabo. 4 Mulondolodze milayo yangu, muitobele, ndimi Yahwe Ndzimu wenyu. 5 Ndizo mulondolodze milayo yangu ne ndaulo dzangu, kuti mutjile, ndimi Yahwe.
6 “ ‘Kusitongowanika mmwe wenyu ungashaka gamu lile kuwalilana nalo. Ndimi Yahwe. 7 Usitongolengudza tate babo ngowalilana na mme yabo, mme yabo ndi mme yabo, usitongowalilana nabo. 8 Usitongolengudza tate babo ngowalilana ne nkadzi wa tate babo ngoti mbili uwe nge wa tate babo. 9 Usitongowalilana ne hazwadzi iyo, ungabe ali nkololokadzi wa tate babo na mme yabo, kene wa tate babo wakazwagwa mu nzi kene wakazwagwa kuzhe. 10 Auzofanila shanganyila ngubo ne mwana we mwana uwo, unobe uzwilengudza. 11 Usitongowalilana ne hazwadzi iyo muli bana be nlume, i hazwadzi iyo. 12 Usitongowalilana na maahadzi babo, ngobe i hazwadzi ya tate babo. 13 Usitongowalilana na mannini babo, ngobe nnung'una wa mme yabo. 14 Usitongowalilana ne nkadzi wa batatenini babo, ngobe ndi mannini babo. 15 Usitongowalilana ne nkadzi we nkololo uwo, ngobe nlongo uwo. 16 Usitongowalilana ne nkadzi we nkulu uwo, ngoti mbili we nkulu uwo. 17 Usitongowalilana ne nkadzi nenge nkololokadzi uwe, kene ne nkololokadzi we nkololo uwe kene we nkololokadzi uwe, ngoti abe makamu awo ngoti bubi. 18 Usitongolobola nkadzana uwo nkadzi uwo atjatjila unowobagwisanya.
19 “ ‘Usitongowalilana ne nkadzi ali mu mazhuba awe, ngobe akatemapala. 20 Usitongowalilana ne nkadzi we ikamu tjitjo, ngobe unowobe uzwitemapadza. 21 Usitongodusila mmwe we bana babo kupisiwa etjila ali tjibhayilo kuna Moleki, ndzimu we Baamoni, ngoti mowobe mulengudza zina le Ndzimu wenyu. Ndimi Yahwe. 22 Usitongolala ne nlume unthama nkadzi, kuthu kunoshimisa. 23 Kusibe ne nlume kene nkadzi unolala ne phuka, mbipo yakajalo inotemapadza.
24 “ ‘Musitongozwitemapadza ne tjimwe tje zwithu izwezwi, ngobe tjaba dzose dzandakatata mbeli kwenyu dzozwitemapadza nge zwithu izwezwi, 25 ne shango ikatemapala, ndizo ailoba shamu ngekwe tjibi tjayo ngono ikathwila kuzhe bathu bagele muili. 26 Koga imwi mulondolodze milayo ne ndaulo dzangu, musitongothama tjimwe tje zwithu izwezwi zwinoshimisa nenguba ali ntebe kene ntaya wakawolubila pakati kwenyu. 27 Ngobe bathu be shango bakabe bali mbeli kwenyu, bakathama zwithu zose izwezwi zwinoshimisa, ndizo shango ikatemapala. 28 Shango inomuthwila kuzhe, ha mungaitemapadza, sekwayakathwila kuzhe tjaba dzakabe dzili mbeli kwenyu. 29 Ngobe iye unowothama tjimwe tje zwithu izwezwi zwinoshimisa, nthu iwoyo wazwithama unowothubugwa mu bathu bakanyi kwabo.
30 “ ‘Ndizo mulondolodze ndaulo yangu, kuti musithame tjimwe tje mipanga iyeyi inoshimisa, yakabe ithamiwa mbeli kwenyu, kakale musitongo zwitemapadza ndiyo, ndimi Yahwe Ndzimu wenyu.’ ”
Kuwalilana kusingadumigwe
1 Yahwe bakadwa Mushe bakati, 2 “Idwa bathu be Iziraela uti, ‘Ndimi Yahwe Ndzimu wenyu. 3 Musitongothama sekwa banothama mu shango ye Egipiti, ikweno kwamakabe muligele, kakale musitongothama sekwa banothama mu shango ye Kanana, ikweno kwandinomuyisako. Musitongotobela milayo yabo. 4 Mulondolodze milayo yangu, muitobele, ndimi Yahwe Ndzimu wenyu. 5 Ndizo mulondolodze milayo yangu ne ndaulo dzangu, kuti mutjile, ndimi Yahwe.
6 “ ‘Kusitongowanika mmwe wenyu ungashaka gamu lile kuwalilana nalo. Ndimi Yahwe. 7 Usitongolengudza tate babo ngowalilana na mme yabo, mme yabo ndi mme yabo, usitongowalilana nabo. 8 Usitongolengudza tate babo ngowalilana ne nkadzi wa tate babo ngoti mbili uwe nge wa tate babo. 9 Usitongowalilana ne hazwadzi iyo, ungabe ali nkololokadzi wa tate babo na mme yabo, kene wa tate babo wakazwagwa mu nzi kene wakazwagwa kuzhe. 10 Auzofanila shanganyila ngubo ne mwana we mwana uwo, unobe uzwilengudza. 11 Usitongowalilana ne hazwadzi iyo muli bana be nlume, i hazwadzi iyo. 12 Usitongowalilana na maahadzi babo, ngobe i hazwadzi ya tate babo. 13 Usitongowalilana na mannini babo, ngobe nnung'una wa mme yabo. 14 Usitongowalilana ne nkadzi wa batatenini babo, ngobe ndi mannini babo. 15 Usitongowalilana ne nkadzi we nkololo uwo, ngobe nlongo uwo. 16 Usitongowalilana ne nkadzi we nkulu uwo, ngoti mbili we nkulu uwo. 17 Usitongowalilana ne nkadzi nenge nkololokadzi uwe, kene ne nkololokadzi we nkololo uwe kene we nkololokadzi uwe, ngoti abe makamu awo ngoti bubi. 18 Usitongolobola nkadzana uwo nkadzi uwo atjatjila unowobagwisanya.
19 “ ‘Usitongowalilana ne nkadzi ali mu mazhuba awe, ngobe akatemapala. 20 Usitongowalilana ne nkadzi we ikamu tjitjo, ngobe unowobe uzwitemapadza. 21 Usitongodusila mmwe we bana babo kupisiwa etjila ali tjibhayilo kuna Moleki, ndzimu we Baamoni, ngoti mowobe mulengudza zina le Ndzimu wenyu. Ndimi Yahwe. 22 Usitongolala ne nlume unthama nkadzi, kuthu kunoshimisa. 23 Kusibe ne nlume kene nkadzi unolala ne phuka, mbipo yakajalo inotemapadza.
24 “ ‘Musitongozwitemapadza ne tjimwe tje zwithu izwezwi, ngobe tjaba dzose dzandakatata mbeli kwenyu dzozwitemapadza nge zwithu izwezwi, 25 ne shango ikatemapala, ndizo ailoba shamu ngekwe tjibi tjayo ngono ikathwila kuzhe bathu bagele muili. 26 Koga imwi mulondolodze milayo ne ndaulo dzangu, musitongothama tjimwe tje zwithu izwezwi zwinoshimisa nenguba ali ntebe kene ntaya wakawolubila pakati kwenyu. 27 Ngobe bathu be shango bakabe bali mbeli kwenyu, bakathama zwithu zose izwezwi zwinoshimisa, ndizo shango ikatemapala. 28 Shango inomuthwila kuzhe, ha mungaitemapadza, sekwayakathwila kuzhe tjaba dzakabe dzili mbeli kwenyu. 29 Ngobe iye unowothama tjimwe tje zwithu izwezwi zwinoshimisa, nthu iwoyo wazwithama unowothubugwa mu bathu bakanyi kwabo.
30 “ ‘Ndizo mulondolodze ndaulo yangu, kuti musithame tjimwe tje mipanga iyeyi inoshimisa, yakabe ithamiwa mbeli kwenyu, kakale musitongo zwitemapadza ndiyo, ndimi Yahwe Ndzimu wenyu.’ ”