Mizano ye budumili
1 Yahwe bakadwa Mushe bakati, 2 “Idwa bathu be Iziraela uti, ‘Mizano yakabigwa ya Yahwe yamakafanila leba kuti mishangano yakayengemala yakabigwa ili mizano yangu ndiyeyi. 3 Muna mazhuba ali matathatu kushinga nshingo wenyu, koga zhuba le butendeka i Sabata, nsi we kunyaluluka, nshangano wakayengemala, musitongobhata nshingo we maboko, i Sabata kuna Yahwe mu magalo enyu wose. 4 Eyi ndiyo mizano yakabigwa ya Yahwe, ili mishangano yakayengemala, yamakafanila leba ne lubaka gwayakabigigwa.
Nzano we Kupinda pezhugwi ne Nzano we Tjiwunga tjisina Mbidzo
(Mbalo 28:16-25)5 “ ‘Kuti nge mwedzi we kutanga mu zhuba le bugumi lina kunna kuli madekwana, kube ne Nzano we Kupinda pezhugwi wa Yahwe. 6 Ngono mu zhuba le bugumi lina kushanu le mwedzi iwoyu, kube kube Nzano we Tjiwunga tjisina Mbidzo kuthamigwa Yahwe, muje tjiwunga tjisina mbidzo mazhuba ali kutendeka. 7 Mu zhuba le kutanga mubhate nshangano wakayengemala, musitongobhata nshingo we maboko. 8 Koga muyise tjipo tjinopisiwa mu moto kuna Yahwe mazhuba ali kutendeka, mu zhuba le butendeka nshangano wakayengemala musitongobhata nshingo we maboko.’ ”
9 Yahwe bakadwa Mushe bakati, 10 “Idwa bathu be Iziraela uti, ‘Muti maswika mu shango yandinomupa, ha mavuna zwe minda yayo, mukowe zwiyako zwamavuna kutanga muzwiyise ku mpirisiti. 11 Mpirisiti unozunguza zwiyako mbeli kwa Yahwe mu zhuba limbeli kwe le Sabata, kuti muamutjigwe. 12 Mu zhuba lamunozunguza zwiyako, muyise ne pkhwizana ina gole ling'ompela isina bulema ili tjibhayilo tjinopisiwa kuna Yahwe. 13 Ne tjipo tje mathunde ibe seme mbili dze bgwisa gwakanathiwa gwakashanganyiwa ne mafuta kube tjipo tjinopisiwa mu moto tjinopisigwa Yahwe, kube nnuhwo unonuhwa zwinozipa, kuyisiwe ne tjipo tje tjing'o, ili lithara ing'ompela. 14 Musitongoja tjiwunga kene mathunde akakangiwa kene zwiyako zwitshwa, kudzina muyisa tjipo ku Ndzimu wenyu, nlayo nge kusingapele kuyenda nge zwizekugwana zwenyu mu magalo enyu wose.
Nzano we kuvuna
(Mbalo 28:26-31)15 “ ‘Kuti tjimuka shule kwe Sabata, kudwa mu zhuba lamakayisa zwiyako zwe tjipo tjinozunguziwa, mubale tshipi dzili kutendeka dzizhele. 16 Mubale mazhuba ali makumi mashanu kudwa tjimuka tje Sabata we butendeka, ndizo mowoyisa tjipo tje mathunde tje zwitshwa kuna Yahwe. 17 Nsha mmwe ne mmwe uzhise zwiwunga zwibili kuna Yahwe zwizunguziwe, tjiwunga tjakavangwa nge seme mbili dze bgwisa gwakanathiwa guna mbidzo kube zwitshwa zwe kutanga zwinopiwa Yahwe. 18 Ngono muyise zwiwunga ne pkhwizana dzili kutendeka dze gole ling'ompela dzisina bulema ne nkong'wana ne nyundo mbili dzibe tjibhayilo tjinopisiwa kuna Yahwe, tjina tjipo tje mathunde ne tjipo tje tjing'o, tjili tjipo tjinopisiwa mu moto kube nnuhwo unonuhwa zwinozipa kuna Yahwe. 19 Ngono mube muyisa mbudzi ndume ing'ompela ye tjibhayilo tje tjibi ne pkhwizana mbili ndume dze gole ling'ompela dze tjibhayilo tje mbakisano. 20 Ngono mpirisiti unowozwizunguza ne tjiwunga tje zwitshwa zwe kutanga zwili zwipo zwinozunguzwa mbeli kwa Yahwe, zwili zwipo zwakayengemala zwe mpirisiti. 21 Ngono muthame zibiso mu zhuba ilelo, mube ne nshangano wakayengemala, musitongobhata nshingo we maboko, nlayo nge kusingapele mu magalo enyu wose kuyenda nge zwizekugwana zwenyu.
22 “ ‘Ha muvuna minda yenyu, musitongo vuna mukanothuka ku migathu, kene kuli kununga manungidzigwa e zwiyako pa mavuna, muasiyile bashayi ne bataya, ndimi Yahwe Ndzimu wenyu.’ ”
Nzano we gole dzwa
(Mbalo 29:1-6)23 Ngono Yahwe bakadwa Mushe bakati, 24 “Idwa bathu be Iziraela uti, ‘Mu mwedzi we butendeka mu zhuba le kutanga le mwedzi, mube ne nsi we kunyaluluka, tjili ikumbuludzo nge kulidza lunyanga, nshangano wakayengemala. 25 Musitongobhata nshingo we maboko, ngono muyise tjipo tjinopisiwa mu moto kuna Yahwe.’ ”
Zhuba le kugadzana na Yahwe
(Mbalo 29:7-11)26 Ngono Yahwe bakadwa Mushe bakati, 27 “Mu zhuba le bugumi le mwedzi iwoyo we butendeka i zhuba le gadzano, tjowobe tjibaka tje nshangano wakayengemala kumuli, muzwinyime zojiwa muyise tjipo tjinopisiwa mu moto kuna Yahwe. 28 Ngono musitongobhata nshingo we maboko mu zhuba ilelo, ngobe i zhuba le gadzano, mugadzanyiwa na Yahwe Ndzimu wenyu. 29 Iye usingo zwinyima zojiwa mu zhuba ilelo, unothubugwa muna bakanyi kwabo. 30 Iye unoshinga nshingo we maboko mu zhuba ilelo, ndowonthubula muna bakanyi kwabo. 31 Musitongobhata nshingo we maboko, nlayo nge kusingapele kuyenda nge zwizekugwana zwenyu mu magalo enyu wose. 32 Lowobe zhuba le nsi we Sabata we kunyaluluka mu muli, ngono muzwinyime zojiwa, mu zhuba le buzhanalume le mwedzi kutangisa zhuba lingina, kudwa mu kungina kwe zhuba kunoti kungina kwe zhuba linotobela, mulondolodze Sabata wenyu.”
Nzano we Mishasha
(Mbalo 29:12-40)33 Ngono Yahwe bakadwa Mushe bakati, 34 “Idwa bathu be Iziraela uti, ‘Mu zhuba le bugumi lina ali mashanu e mwedzi iwoyu kotangisa Nzano we Mishasha wa Yahwe unowotola mazhuba ali kutendeka. 35 Mu zhuba le kutanga kowobe nshangano wakayengemala, musitongobhata nshingo we maboko. 36 Mu mazhuba ali kutendeka mowobe muyisa zwipo zwinopisiwa mu moto kuna Yahwe, mu zhuba le buzhanakadzi mowobhata nshangano wakayengemala mubuya muyisa zwipo zwinopisiwa mu moto kuna Yahwe, i gubungano linotetiwa, musitongobhata nshingo we maboko.
37 “ ‘Eyi mizano yakabigwa ya Yahwe, yamakafanila bhata nge tjibaka tje nshangano wakayengemala, ngobe kowobe kuyisiwa zwipo zwinopisiwa mu moto kuna Yahwe, zwibhayilo zwinopisiwa ne zwipo zwe mathunde ne zwibhayilo ne zwipo zwe zwing'o, tjimwe ne tjimwe mu zhuba latjo lakalingisana. 38 Zwipo izwezwi zopapha pezhugwi kwe zwipo zwa bo Sabata ba Yahwe na pezhugwi kwe zwipo zwenyu na pezhugwi kwe zwipo zose zwe kutuna ne zwipo zose zwe moyo ntjena, zwamunopa Yahwe.
39 “ ‘Mu zhuba le bugumi lina ali mashanu e mwedzi we butendeka, ha makubunganya zwamakavuna mu minda, mowothamila Yahwe nzano mazhuba ali kutendeka, mu zhuba le kutanga mowobe ne nsi we kunyaluluka ne mu zhuba le buzhanakadzi mowobe ne nsi we kunyaluluka. 40 Mu zhuba le kutanga mutole mitjelo ye miti yakanaka, thabi dze milala ne thadzwana dze miti dzina mazhani ne miti ye wilo, mube muthamila Yahwe Ndzimu wenyu nzano makashatha kwe mazhuba ali kutendeka. 41 Ngono mouthama, uli nzano wa Yahwe, kwe mazhuba ali kutendeka mu gole, uli nlayo nge kusingapele kuyenda nge zwizekugwana zwenyu, mowoulondolodza mu mwedzi we butendeka. 42 Batebe bose be Iziraela bagale mu mishasha kwe mazhuba ali kutendeka. 43 Kuti zwizekugwana zwenyu zwizibe kuti bathu be Iziraela bakagala mu mishasha pandakabadusa ku shango ye Egipiti, ndimi Yahwe Ndzimu wenyu.’ ”
44 Ndizo Mushe kazibisa bathu be Iziraela mizano yakabigwa ya Yahwe.
Mizano ye budumili
1 Yahwe bakadwa Mushe bakati, 2 “Idwa bathu be Iziraela uti, ‘Mizano yakabigwa ya Yahwe yamakafanila leba kuti mishangano yakayengemala yakabigwa ili mizano yangu ndiyeyi. 3 Muna mazhuba ali matathatu kushinga nshingo wenyu, koga zhuba le butendeka i Sabata, nsi we kunyaluluka, nshangano wakayengemala, musitongobhata nshingo we maboko, i Sabata kuna Yahwe mu magalo enyu wose. 4 Eyi ndiyo mizano yakabigwa ya Yahwe, ili mishangano yakayengemala, yamakafanila leba ne lubaka gwayakabigigwa.
Nzano we Kupinda pezhugwi ne Nzano we Tjiwunga tjisina Mbidzo
(Mbalo 28:16-25)5 “ ‘Kuti nge mwedzi we kutanga mu zhuba le bugumi lina kunna kuli madekwana, kube ne Nzano we Kupinda pezhugwi wa Yahwe. 6 Ngono mu zhuba le bugumi lina kushanu le mwedzi iwoyu, kube kube Nzano we Tjiwunga tjisina Mbidzo kuthamigwa Yahwe, muje tjiwunga tjisina mbidzo mazhuba ali kutendeka. 7 Mu zhuba le kutanga mubhate nshangano wakayengemala, musitongobhata nshingo we maboko. 8 Koga muyise tjipo tjinopisiwa mu moto kuna Yahwe mazhuba ali kutendeka, mu zhuba le butendeka nshangano wakayengemala musitongobhata nshingo we maboko.’ ”
9 Yahwe bakadwa Mushe bakati, 10 “Idwa bathu be Iziraela uti, ‘Muti maswika mu shango yandinomupa, ha mavuna zwe minda yayo, mukowe zwiyako zwamavuna kutanga muzwiyise ku mpirisiti. 11 Mpirisiti unozunguza zwiyako mbeli kwa Yahwe mu zhuba limbeli kwe le Sabata, kuti muamutjigwe. 12 Mu zhuba lamunozunguza zwiyako, muyise ne pkhwizana ina gole ling'ompela isina bulema ili tjibhayilo tjinopisiwa kuna Yahwe. 13 Ne tjipo tje mathunde ibe seme mbili dze bgwisa gwakanathiwa gwakashanganyiwa ne mafuta kube tjipo tjinopisiwa mu moto tjinopisigwa Yahwe, kube nnuhwo unonuhwa zwinozipa, kuyisiwe ne tjipo tje tjing'o, ili lithara ing'ompela. 14 Musitongoja tjiwunga kene mathunde akakangiwa kene zwiyako zwitshwa, kudzina muyisa tjipo ku Ndzimu wenyu, nlayo nge kusingapele kuyenda nge zwizekugwana zwenyu mu magalo enyu wose.
Nzano we kuvuna
(Mbalo 28:26-31)15 “ ‘Kuti tjimuka shule kwe Sabata, kudwa mu zhuba lamakayisa zwiyako zwe tjipo tjinozunguziwa, mubale tshipi dzili kutendeka dzizhele. 16 Mubale mazhuba ali makumi mashanu kudwa tjimuka tje Sabata we butendeka, ndizo mowoyisa tjipo tje mathunde tje zwitshwa kuna Yahwe. 17 Nsha mmwe ne mmwe uzhise zwiwunga zwibili kuna Yahwe zwizunguziwe, tjiwunga tjakavangwa nge seme mbili dze bgwisa gwakanathiwa guna mbidzo kube zwitshwa zwe kutanga zwinopiwa Yahwe. 18 Ngono muyise zwiwunga ne pkhwizana dzili kutendeka dze gole ling'ompela dzisina bulema ne nkong'wana ne nyundo mbili dzibe tjibhayilo tjinopisiwa kuna Yahwe, tjina tjipo tje mathunde ne tjipo tje tjing'o, tjili tjipo tjinopisiwa mu moto kube nnuhwo unonuhwa zwinozipa kuna Yahwe. 19 Ngono mube muyisa mbudzi ndume ing'ompela ye tjibhayilo tje tjibi ne pkhwizana mbili ndume dze gole ling'ompela dze tjibhayilo tje mbakisano. 20 Ngono mpirisiti unowozwizunguza ne tjiwunga tje zwitshwa zwe kutanga zwili zwipo zwinozunguzwa mbeli kwa Yahwe, zwili zwipo zwakayengemala zwe mpirisiti. 21 Ngono muthame zibiso mu zhuba ilelo, mube ne nshangano wakayengemala, musitongobhata nshingo we maboko, nlayo nge kusingapele mu magalo enyu wose kuyenda nge zwizekugwana zwenyu.
22 “ ‘Ha muvuna minda yenyu, musitongo vuna mukanothuka ku migathu, kene kuli kununga manungidzigwa e zwiyako pa mavuna, muasiyile bashayi ne bataya, ndimi Yahwe Ndzimu wenyu.’ ”
Nzano we gole dzwa
(Mbalo 29:1-6)23 Ngono Yahwe bakadwa Mushe bakati, 24 “Idwa bathu be Iziraela uti, ‘Mu mwedzi we butendeka mu zhuba le kutanga le mwedzi, mube ne nsi we kunyaluluka, tjili ikumbuludzo nge kulidza lunyanga, nshangano wakayengemala. 25 Musitongobhata nshingo we maboko, ngono muyise tjipo tjinopisiwa mu moto kuna Yahwe.’ ”
Zhuba le kugadzana na Yahwe
(Mbalo 29:7-11)26 Ngono Yahwe bakadwa Mushe bakati, 27 “Mu zhuba le bugumi le mwedzi iwoyo we butendeka i zhuba le gadzano, tjowobe tjibaka tje nshangano wakayengemala kumuli, muzwinyime zojiwa muyise tjipo tjinopisiwa mu moto kuna Yahwe. 28 Ngono musitongobhata nshingo we maboko mu zhuba ilelo, ngobe i zhuba le gadzano, mugadzanyiwa na Yahwe Ndzimu wenyu. 29 Iye usingo zwinyima zojiwa mu zhuba ilelo, unothubugwa muna bakanyi kwabo. 30 Iye unoshinga nshingo we maboko mu zhuba ilelo, ndowonthubula muna bakanyi kwabo. 31 Musitongobhata nshingo we maboko, nlayo nge kusingapele kuyenda nge zwizekugwana zwenyu mu magalo enyu wose. 32 Lowobe zhuba le nsi we Sabata we kunyaluluka mu muli, ngono muzwinyime zojiwa, mu zhuba le buzhanalume le mwedzi kutangisa zhuba lingina, kudwa mu kungina kwe zhuba kunoti kungina kwe zhuba linotobela, mulondolodze Sabata wenyu.”
Nzano we Mishasha
(Mbalo 29:12-40)33 Ngono Yahwe bakadwa Mushe bakati, 34 “Idwa bathu be Iziraela uti, ‘Mu zhuba le bugumi lina ali mashanu e mwedzi iwoyu kotangisa Nzano we Mishasha wa Yahwe unowotola mazhuba ali kutendeka. 35 Mu zhuba le kutanga kowobe nshangano wakayengemala, musitongobhata nshingo we maboko. 36 Mu mazhuba ali kutendeka mowobe muyisa zwipo zwinopisiwa mu moto kuna Yahwe, mu zhuba le buzhanakadzi mowobhata nshangano wakayengemala mubuya muyisa zwipo zwinopisiwa mu moto kuna Yahwe, i gubungano linotetiwa, musitongobhata nshingo we maboko.
37 “ ‘Eyi mizano yakabigwa ya Yahwe, yamakafanila bhata nge tjibaka tje nshangano wakayengemala, ngobe kowobe kuyisiwa zwipo zwinopisiwa mu moto kuna Yahwe, zwibhayilo zwinopisiwa ne zwipo zwe mathunde ne zwibhayilo ne zwipo zwe zwing'o, tjimwe ne tjimwe mu zhuba latjo lakalingisana. 38 Zwipo izwezwi zopapha pezhugwi kwe zwipo zwa bo Sabata ba Yahwe na pezhugwi kwe zwipo zwenyu na pezhugwi kwe zwipo zose zwe kutuna ne zwipo zose zwe moyo ntjena, zwamunopa Yahwe.
39 “ ‘Mu zhuba le bugumi lina ali mashanu e mwedzi we butendeka, ha makubunganya zwamakavuna mu minda, mowothamila Yahwe nzano mazhuba ali kutendeka, mu zhuba le kutanga mowobe ne nsi we kunyaluluka ne mu zhuba le buzhanakadzi mowobe ne nsi we kunyaluluka. 40 Mu zhuba le kutanga mutole mitjelo ye miti yakanaka, thabi dze milala ne thadzwana dze miti dzina mazhani ne miti ye wilo, mube muthamila Yahwe Ndzimu wenyu nzano makashatha kwe mazhuba ali kutendeka. 41 Ngono mouthama, uli nzano wa Yahwe, kwe mazhuba ali kutendeka mu gole, uli nlayo nge kusingapele kuyenda nge zwizekugwana zwenyu, mowoulondolodza mu mwedzi we butendeka. 42 Batebe bose be Iziraela bagale mu mishasha kwe mazhuba ali kutendeka. 43 Kuti zwizekugwana zwenyu zwizibe kuti bathu be Iziraela bakagala mu mishasha pandakabadusa ku shango ye Egipiti, ndimi Yahwe Ndzimu wenyu.’ ”
44 Ndizo Mushe kazibisa bathu be Iziraela mizano yakabigwa ya Yahwe.