Tjibi
(Matewu 18:6-7, Matewu 21-22Mako 9:42)1 Jesu kadwa badiyiwa babe kati, “Miliko ye jinyo yakafanila kuti izhe, koga yee mme wee! Wapalala iye wainozha ndiye. 2 Kungayita kuti asungiligwe gwiyo mu ntshibha uwe, ekowolashigwa mu gungwa, pana kuti ayite mmwe waibaba batukununu kuti atjinye.” 3 Ndizo muzwilise, “Ha ikamu tjitjo tjitjinya, utjitjemele, ngono ha tjishandukila matjinyo atjo, utjizwiibhatigwe. 4 Koga ha tjikuyitila jinyo kanjinji nge zhuba, koga tjizha ku kuli katendeka, tjizwibona nlandu tjiti, ‘Ndoshandukila matjinyo angu,’ utjizwiibhatigwe.”
Kugalamoyo
5 Batumwa bakati kuna She, “Paphidzani kugalamoyo kwedu.”
6 Ngono She kadabila eti, “Ha mabe muna kugalamoyo kungapa phudzi ye lusaba, mungabe muti ku nti iwoyu we malibheri, ‘Dzikunuka, udzikilike mu gungwa,’ Ngono ukamuhwa.”
Nshingo we nlanda
7 “Apa kuna mmwe wenyu ungati ana nlanda unolima kene unolisa pkhwizi, ngono ungati iwoyo nlanda edwa ku minda kan'dwa kati, ‘Izha ngeno tjinyolotjo ugale pasi uje kene?’ 8 Apa bukulu aangati, ‘Undithamile tjilayilo, ube undipakulila ndije nding'we, shule kwaipapo ungajabo ukang'wa?’ 9 Apa unowoboka nlanda uwe, ngobe ashinga tjaadwiwa kuti atjishinge kene? 10 Ndizo namwibo ha mashinga tjimwe ne tjimwe tjamadwiwa kuti mu tjishinge, muti, ‘Ti balanda basi betjimwe, tashinga iwo nshingo wedu koga.’ ”
Bali gumi bakapodziwa mapele ndi Jesu
11 Jesu kati ali mu zila eyenda ku Jerusalema, kapinda pakati kwe Samariya ne Galili. 12 Ngono kati engina mu mmwe nzi, balume bali gumi bakabe begwala mapele bakanshanganidza, bakama thambgwana, ngono 13 bakamilidzila mahwi abo pezhugwi bakadana beti, “Jesu, Tetshi wedu, mutihwile ngoni!”
14 Kati ebabona kabadwa kati, “Yendani munozwilakidza ku bapirisiti.”
Ngono bakati batjayenda bakapola. 15 Ipapo mmwe wabo kati ebona kuti wapola kashanduka, ekudza Ndzimu nge hwi lipezhugwi. 16 Kazwilashila pa makumbo a Jesu kamboka. Wakabe ali Nsamariya. 17 Ngono Jesu kabhuzwa kati, “Apa babe basi gumi bose bapodziwa kene? Bamwe bali zhanalume bangayi? 18 Akuna ne ng'ompela washandukila shule kukudza Ndzimu, kuzhe kwa iwoyu ntaya kene?” 19 Ipapo kati kunli, “Milika uyende, kugalamoyo kuko kwakutjidza.”
Kuzha kwe bushe gwe Ndzimu
(Matewu 24:23-28, Matewu 37-41)20 Jesu kati ebhuzwiwa nge Bafarasi kuti bushe gwe Ndzimu gowozha lini, kadabila eti, “Bushe gwe Ndzimu agutowozha nge zila kene nge zwilakidzo zwinobong'wa, 21 naiko bathu abatowoti ‘Wogogu kene wogu jee!’ Ngobe bushe gwe kudzimu gu mu muli.”
22 Ngono kati ku badiyiwa babe, “Misi inowozha yamunowoyemula kubona limwe le mazhuba e Nkololo we Nthu, koga amutowolibona. 23 Bamwe banowoti kumuli, ‘Wojee!’ Kene ‘Woyoyu!’ Musiyende, musibatobele.
24 “Se lupenyo gwe vula gunopenya, guvoneka zhuzhugwi gudwa ku lubizho kunoti ku lubizho, Nkololo we Nthu unozha mu zhuba lile ngekwakajalo. 25 Koga kutanga wakafanila adziyidziwe nge zwithu zwinjinji, kakale alambiwe nge bathu bangwenu. 26 Sekwa kwakabe kuli iko mu misi ya Nuwa, kowobe sa ikoko mu misi ye Nkololo we Nthu. 27 Bathu bakabe beja beng'wa, belobola kakale belobodziwa kunoti zhuba Nuwa laakangina mu ng'umba inoangama mu vula se n'goro, ngono nkubila ukazha ukalobesa bathu bose. 28 Sa ikoko, konga sekwa kwakabe iko mu misi ya Lote, bathu bakabe beja beng'wa, betenga kakale betengesa, bedzwala kakale bebaka, 29 koga nsi Lote waakabhuda mu Sodoma, Ndzimu wakanisa moto ne bgwe linonyawuka le salifa se vula, ngono zwikabalobesa bose. 30 Kowobe kwakajalo mu zhuba linozumbunugwa Nkololo we Nthu.
31 “Mu nsi iwoyu upezhugwi kwe denga le ng'umba ana zwija zwizwe mukati, ngaasideluke kuzwitola. Sa ikokobo, umu nnda ngaasishandukile ku nzi. 32 Kumbulani nkadzi wa Lote. 33 Iye unogwisa tjengeta butjilo gugwe, gonlashikila, koga unopa Ndzimu kutjengeta butjilo gugwe, gombuyila. 34 Ndomubudza nditi, mu busiku igogo babili banowobe bali lele mu bulalo gung'ompela, koga mmwe unowotogwa mmwe kasiyiwa. 35 Bakadzi babili banowobe bekwiya zojiwa bose; mmwe unowotogwa mmwe kasiyiwa.”
37 Bakabhuzwa bakati, “Ngayi She?”
Kadabila eti, “Pana itumbu magola anokubunganapo.”
Tjibi
(Matewu 18:6-7, Matewu 21-22Mako 9:42)1 Jesu kadwa badiyiwa babe kati, “Miliko ye jinyo yakafanila kuti izhe, koga yee mme wee! Wapalala iye wainozha ndiye. 2 Kungayita kuti asungiligwe gwiyo mu ntshibha uwe, ekowolashigwa mu gungwa, pana kuti ayite mmwe waibaba batukununu kuti atjinye.” 3 Ndizo muzwilise, “Ha ikamu tjitjo tjitjinya, utjitjemele, ngono ha tjishandukila matjinyo atjo, utjizwiibhatigwe. 4 Koga ha tjikuyitila jinyo kanjinji nge zhuba, koga tjizha ku kuli katendeka, tjizwibona nlandu tjiti, ‘Ndoshandukila matjinyo angu,’ utjizwiibhatigwe.”
Kugalamoyo
5 Batumwa bakati kuna She, “Paphidzani kugalamoyo kwedu.”
6 Ngono She kadabila eti, “Ha mabe muna kugalamoyo kungapa phudzi ye lusaba, mungabe muti ku nti iwoyu we malibheri, ‘Dzikunuka, udzikilike mu gungwa,’ Ngono ukamuhwa.”
Nshingo we nlanda
7 “Apa kuna mmwe wenyu ungati ana nlanda unolima kene unolisa pkhwizi, ngono ungati iwoyo nlanda edwa ku minda kan'dwa kati, ‘Izha ngeno tjinyolotjo ugale pasi uje kene?’ 8 Apa bukulu aangati, ‘Undithamile tjilayilo, ube undipakulila ndije nding'we, shule kwaipapo ungajabo ukang'wa?’ 9 Apa unowoboka nlanda uwe, ngobe ashinga tjaadwiwa kuti atjishinge kene? 10 Ndizo namwibo ha mashinga tjimwe ne tjimwe tjamadwiwa kuti mu tjishinge, muti, ‘Ti balanda basi betjimwe, tashinga iwo nshingo wedu koga.’ ”
Bali gumi bakapodziwa mapele ndi Jesu
11 Jesu kati ali mu zila eyenda ku Jerusalema, kapinda pakati kwe Samariya ne Galili. 12 Ngono kati engina mu mmwe nzi, balume bali gumi bakabe begwala mapele bakanshanganidza, bakama thambgwana, ngono 13 bakamilidzila mahwi abo pezhugwi bakadana beti, “Jesu, Tetshi wedu, mutihwile ngoni!”
14 Kati ebabona kabadwa kati, “Yendani munozwilakidza ku bapirisiti.”
Ngono bakati batjayenda bakapola. 15 Ipapo mmwe wabo kati ebona kuti wapola kashanduka, ekudza Ndzimu nge hwi lipezhugwi. 16 Kazwilashila pa makumbo a Jesu kamboka. Wakabe ali Nsamariya. 17 Ngono Jesu kabhuzwa kati, “Apa babe basi gumi bose bapodziwa kene? Bamwe bali zhanalume bangayi? 18 Akuna ne ng'ompela washandukila shule kukudza Ndzimu, kuzhe kwa iwoyu ntaya kene?” 19 Ipapo kati kunli, “Milika uyende, kugalamoyo kuko kwakutjidza.”
Kuzha kwe bushe gwe Ndzimu
(Matewu 24:23-28, Matewu 37-41)20 Jesu kati ebhuzwiwa nge Bafarasi kuti bushe gwe Ndzimu gowozha lini, kadabila eti, “Bushe gwe Ndzimu agutowozha nge zila kene nge zwilakidzo zwinobong'wa, 21 naiko bathu abatowoti ‘Wogogu kene wogu jee!’ Ngobe bushe gwe kudzimu gu mu muli.”
22 Ngono kati ku badiyiwa babe, “Misi inowozha yamunowoyemula kubona limwe le mazhuba e Nkololo we Nthu, koga amutowolibona. 23 Bamwe banowoti kumuli, ‘Wojee!’ Kene ‘Woyoyu!’ Musiyende, musibatobele.
24 “Se lupenyo gwe vula gunopenya, guvoneka zhuzhugwi gudwa ku lubizho kunoti ku lubizho, Nkololo we Nthu unozha mu zhuba lile ngekwakajalo. 25 Koga kutanga wakafanila adziyidziwe nge zwithu zwinjinji, kakale alambiwe nge bathu bangwenu. 26 Sekwa kwakabe kuli iko mu misi ya Nuwa, kowobe sa ikoko mu misi ye Nkololo we Nthu. 27 Bathu bakabe beja beng'wa, belobola kakale belobodziwa kunoti zhuba Nuwa laakangina mu ng'umba inoangama mu vula se n'goro, ngono nkubila ukazha ukalobesa bathu bose. 28 Sa ikoko, konga sekwa kwakabe iko mu misi ya Lote, bathu bakabe beja beng'wa, betenga kakale betengesa, bedzwala kakale bebaka, 29 koga nsi Lote waakabhuda mu Sodoma, Ndzimu wakanisa moto ne bgwe linonyawuka le salifa se vula, ngono zwikabalobesa bose. 30 Kowobe kwakajalo mu zhuba linozumbunugwa Nkololo we Nthu.
31 “Mu nsi iwoyu upezhugwi kwe denga le ng'umba ana zwija zwizwe mukati, ngaasideluke kuzwitola. Sa ikokobo, umu nnda ngaasishandukile ku nzi. 32 Kumbulani nkadzi wa Lote. 33 Iye unogwisa tjengeta butjilo gugwe, gonlashikila, koga unopa Ndzimu kutjengeta butjilo gugwe, gombuyila. 34 Ndomubudza nditi, mu busiku igogo babili banowobe bali lele mu bulalo gung'ompela, koga mmwe unowotogwa mmwe kasiyiwa. 35 Bakadzi babili banowobe bekwiya zojiwa bose; mmwe unowotogwa mmwe kasiyiwa.”
37 Bakabhuzwa bakati, “Ngayi She?”
Kadabila eti, “Pana itumbu magola anokubunganapo.”