Batumwa ba Jesu
(Mako 3:13-19Luke 6:12-16)1 Jesu wakadana badiyiwa babe bali gumi lina babili kabapa ndaulo pezhugwi kwe meya mibi, kuti baiduse ne kupodza bugwele ne buworoworo gumwe ne gumwe. 2 Awa ndiwo mazina e batumwa bali gumi lina babili. We kutanga ndi Simoni iye unoyi Pita na Enduru nnung'una uwe na Jakubo nkololo wa Zebhedi na Johani nnung'una uwe, 3 na Filipo na Bhatolomeo na Tomasi na Matewu wakabe ali nkhethisi na Jakubo nkololo wa Alifeo na Tadeo 4 na Simoni wakabe egwila sununguko ye bathu na Judasi Isikariyoti, iye wakawonga Jesu.
Thumo ye bali gumi lina babili
(Mako 6:7-13Luke 9:1-6)5 Ibaba bali gumi lina babili, Jesu wakabatuma ebalaya sahwoku, “Musitongoyenda pakati kwe Bezwitjaba kene kuli kungina mu mizi ye Basamariya. 6 Koga yendani ku pkhwizi dze ng'umba ye Iziraela dzakalashika. 7 Muyende musumikila muti, ‘Bushe gwe kudzimu gwasedzela.’ 8 Mupodze bagwele, mumuse bafi, mupodze banogwala mapele. Muduse meya mibi. Makapiwa musingalipisiwe, namwibo ipani musingalipise. 9 Musitongosenga golide kene siliva kene khopa mu mwandabula yenyu. 10 Musitongosenga gobhodo mu gwendo gwenyu kene zwiambalo kene bokhwebana kene ludozo, ngobe nshingi unofanigwa ngopiwa zojiwa zwizwe.
11 “Nzi mmwe ne mmwe kene nzana wamunoswika muuli, shakani nthu wakafanila mugale naye kuswikila mubhuda ipapo. 12 Muti mungina mu nzi mudumilise. 13 Ha nzi iwoyo wakafanigwa nge kunyalala, kunyalala kwenyu kube muuli, ha usakafanila, kunyalala kwenyu ngakubgwilile kumuli. 14 Iye usingawomuamutjila kene usingawohwilila matama enyu muwole gumbo lenyu ha mubhuda mu ng'umba iyeyo kene nzi iwoyo. 15 Ndolebesa tjose nditi, sumikiliso inobendelu mu mizi ye Sodoma ne Gomora mu zhuba le kusumikilisiwa kupinda ye nzi iwoyo.
Kudziyidzika kunozha
(Mako 13:9-13Luke 21:12-17)16 “Mubone! Ndomutuma munga pkhwizi dzipakati kwe phele. Tjenjelani se nyoka mube basina nlandu se njiba. 17 Yelani njele bathu, ngobe banowomuyisa ku makulukota bakamuloba mu ng'umba dzabo dze mitembezelo, 18 banowomukwebela mbeli kwe balauli na bomambo nge kwangu. Ngekujalo mowobe mupa butendeki mbeli kwabo ne Bezwitjaba nge kwangu. 19 Ngono ha bemusunga musidziyidzike ngekwe kuti mowolebani nenge kuti mowotjileba tjini. Nge tjibaka itjetjo mowopiwa tjamunowoleba, 20 ngobe kowobe kusingalebeleke imwi, koga kowobe kulebeleka Meya ya Tate benyu.
21 “Nthu unowosungisa ikamu tjitje kuti tjibulawe na tate bakasungisa mwana wabo kuti abulawe, bana banowopandukila bazwadzi babo bakabasungisa kuti babulawe. 22 Bathu bose banowomubenga nge kwangu, koga iye unobhatilila kunoti ku bupelo unowotjidziwa. 23 Ha mudziyidziwa mu nzi mmwe tizhilani ku mmwe. Ndolebesa nditi, amutowoyenda mukashanganya mizi yose ye Iziraela Nkololo we Nthu asathu kazha.
24 “N'diyiwa aangabe nkulu mu n'diyi uwe, kene nlanda aangabe nkulu muna tetshi uwe. 25 Kwakalizana kuti n'diyiwa alizane ne n'diyi uwe ne nlanda kuti alizane na tetshi uwe. Ha iye nsholo we nzi akadang'wa kuyi Bheelizebhuli, be nzi uwe ibo banowodang'wa saikoko kungapani kene!
Iye wamakafanila kutja
(Luke 12:2-7)
26 “Ndizo musibatje, ngoti akuna tjakazwimbiwa tjisingawozumbunugwa kene tjakasumbikala tjisingawozibgwa. 27 Tjandinomubudza mu zhalima mutjilebe mu tjedza, tjamunohwa tjinyebezegwa mutjiandamise. 28 Musitje ibabo banobulaya mbili koga basingatubule kubulaya meya. Bukulu itjani iye iwoyo ungalobesa kose meya ne mbili mu moto usingadzime. 29 Apa zhazho mbili adzitotengesiwa nge peni ing'ompela, koga kusina ing'ompela yadzo ingawila pasi kuzhe kwe kuda kwa Tate benyu kene. 30 Nenge mavudzi e nsholo wenyu akabagwa wose. 31 Ndizo musitje, ngobe mopinda zhazho dzili njinji.
Kuma na Jesu ne kunzwilandula
(Luke 12:8-9)32 “Iye unowoleba kuti unami mbeli kwe bathu, namibo ndowoleba kuti ndi naye mbeli kwa Tate bangu ba kudzimu. 33 Koga iye unowondizwilandula mbeli kwe bathu, namibo ndowonzwilandula mbeli kwa Tate bangu ba kudzimu.
Ate mbakiso ithumo
(Luke 12:51-53Luke 14:26-27)34 “Musikumbule kuti ndakazha kuwozhisa mbakiso mu shango. Aandizozha kuwozhisa mbakiso koga ndakazhisa thumo. 35 Ndazha kuwogwisanya nthu na Tate babe, nkololokadzi na mmeyabe, nlongo na mmezwale babe 36 zwita zwe nthu kowobe ibabo be nsha uwe!
37 “Iye unoda tate babe kene mmeyabe kupinda imi aazondifanila na iye unoda nkololo kene nkololokadzi uwe kupinda imi aazondifanila. 38 Na iye usingatole tjileyanyo tjitje kanditobela aazondifanila. 39 Iye unowana butjilo gugwe gowonlashikila. Iye unolashikigwa nge butjilo gugwe nge kwangu unowoguwana.
Mbhayilo we butumwa
(Mako 9:41)40 “Iye unomuamutjila unoamutjila imi na iye unoamutjila imi unoamutjila wakandituma. 41 Iye unoamutjila nlebesambeli, ngobe ali nlebesambeli unowoamutjila mbhayilo we nlebesambeli, na iye unoamutjila nlulwami, ngobe ali nlulwami, unowoamutjila mbhayilo we nlulwami. 42 Iye unopa mmwe wa ibaba batukununu kene uli nkombe we vula inotothola, ngobe ali n'diyiwa, ndolebesa ndoti kumuli, aatowolashikigwa nge mbhayilo uwe.”
Batumwa ba Jesu
(Mako 3:13-19Luke 6:12-16)1 Jesu wakadana badiyiwa babe bali gumi lina babili kabapa ndaulo pezhugwi kwe meya mibi, kuti baiduse ne kupodza bugwele ne buworoworo gumwe ne gumwe. 2 Awa ndiwo mazina e batumwa bali gumi lina babili. We kutanga ndi Simoni iye unoyi Pita na Enduru nnung'una uwe na Jakubo nkololo wa Zebhedi na Johani nnung'una uwe, 3 na Filipo na Bhatolomeo na Tomasi na Matewu wakabe ali nkhethisi na Jakubo nkololo wa Alifeo na Tadeo 4 na Simoni wakabe egwila sununguko ye bathu na Judasi Isikariyoti, iye wakawonga Jesu.
Thumo ye bali gumi lina babili
(Mako 6:7-13Luke 9:1-6)5 Ibaba bali gumi lina babili, Jesu wakabatuma ebalaya sahwoku, “Musitongoyenda pakati kwe Bezwitjaba kene kuli kungina mu mizi ye Basamariya. 6 Koga yendani ku pkhwizi dze ng'umba ye Iziraela dzakalashika. 7 Muyende musumikila muti, ‘Bushe gwe kudzimu gwasedzela.’ 8 Mupodze bagwele, mumuse bafi, mupodze banogwala mapele. Muduse meya mibi. Makapiwa musingalipisiwe, namwibo ipani musingalipise. 9 Musitongosenga golide kene siliva kene khopa mu mwandabula yenyu. 10 Musitongosenga gobhodo mu gwendo gwenyu kene zwiambalo kene bokhwebana kene ludozo, ngobe nshingi unofanigwa ngopiwa zojiwa zwizwe.
11 “Nzi mmwe ne mmwe kene nzana wamunoswika muuli, shakani nthu wakafanila mugale naye kuswikila mubhuda ipapo. 12 Muti mungina mu nzi mudumilise. 13 Ha nzi iwoyo wakafanigwa nge kunyalala, kunyalala kwenyu kube muuli, ha usakafanila, kunyalala kwenyu ngakubgwilile kumuli. 14 Iye usingawomuamutjila kene usingawohwilila matama enyu muwole gumbo lenyu ha mubhuda mu ng'umba iyeyo kene nzi iwoyo. 15 Ndolebesa tjose nditi, sumikiliso inobendelu mu mizi ye Sodoma ne Gomora mu zhuba le kusumikilisiwa kupinda ye nzi iwoyo.
Kudziyidzika kunozha
(Mako 13:9-13Luke 21:12-17)16 “Mubone! Ndomutuma munga pkhwizi dzipakati kwe phele. Tjenjelani se nyoka mube basina nlandu se njiba. 17 Yelani njele bathu, ngobe banowomuyisa ku makulukota bakamuloba mu ng'umba dzabo dze mitembezelo, 18 banowomukwebela mbeli kwe balauli na bomambo nge kwangu. Ngekujalo mowobe mupa butendeki mbeli kwabo ne Bezwitjaba nge kwangu. 19 Ngono ha bemusunga musidziyidzike ngekwe kuti mowolebani nenge kuti mowotjileba tjini. Nge tjibaka itjetjo mowopiwa tjamunowoleba, 20 ngobe kowobe kusingalebeleke imwi, koga kowobe kulebeleka Meya ya Tate benyu.
21 “Nthu unowosungisa ikamu tjitje kuti tjibulawe na tate bakasungisa mwana wabo kuti abulawe, bana banowopandukila bazwadzi babo bakabasungisa kuti babulawe. 22 Bathu bose banowomubenga nge kwangu, koga iye unobhatilila kunoti ku bupelo unowotjidziwa. 23 Ha mudziyidziwa mu nzi mmwe tizhilani ku mmwe. Ndolebesa nditi, amutowoyenda mukashanganya mizi yose ye Iziraela Nkololo we Nthu asathu kazha.
24 “N'diyiwa aangabe nkulu mu n'diyi uwe, kene nlanda aangabe nkulu muna tetshi uwe. 25 Kwakalizana kuti n'diyiwa alizane ne n'diyi uwe ne nlanda kuti alizane na tetshi uwe. Ha iye nsholo we nzi akadang'wa kuyi Bheelizebhuli, be nzi uwe ibo banowodang'wa saikoko kungapani kene!
Iye wamakafanila kutja
(Luke 12:2-7)26 “Ndizo musibatje, ngoti akuna tjakazwimbiwa tjisingawozumbunugwa kene tjakasumbikala tjisingawozibgwa. 27 Tjandinomubudza mu zhalima mutjilebe mu tjedza, tjamunohwa tjinyebezegwa mutjiandamise. 28 Musitje ibabo banobulaya mbili koga basingatubule kubulaya meya. Bukulu itjani iye iwoyo ungalobesa kose meya ne mbili mu moto usingadzime. 29 Apa zhazho mbili adzitotengesiwa nge peni ing'ompela, koga kusina ing'ompela yadzo ingawila pasi kuzhe kwe kuda kwa Tate benyu kene. 30 Nenge mavudzi e nsholo wenyu akabagwa wose. 31 Ndizo musitje, ngobe mopinda zhazho dzili njinji.
Kuma na Jesu ne kunzwilandula
(Luke 12:8-9)32 “Iye unowoleba kuti unami mbeli kwe bathu, namibo ndowoleba kuti ndi naye mbeli kwa Tate bangu ba kudzimu. 33 Koga iye unowondizwilandula mbeli kwe bathu, namibo ndowonzwilandula mbeli kwa Tate bangu ba kudzimu.
Ate mbakiso ithumo
(Luke 12:51-53Luke 14:26-27)34 “Musikumbule kuti ndakazha kuwozhisa mbakiso mu shango. Aandizozha kuwozhisa mbakiso koga ndakazhisa thumo. 35 Ndazha kuwogwisanya nthu na Tate babe, nkololokadzi na mmeyabe, nlongo na mmezwale babe 36 zwita zwe nthu kowobe ibabo be nsha uwe!
37 “Iye unoda tate babe kene mmeyabe kupinda imi aazondifanila na iye unoda nkololo kene nkololokadzi uwe kupinda imi aazondifanila. 38 Na iye usingatole tjileyanyo tjitje kanditobela aazondifanila. 39 Iye unowana butjilo gugwe gowonlashikila. Iye unolashikigwa nge butjilo gugwe nge kwangu unowoguwana.
Mbhayilo we butumwa
(Mako 9:41)40 “Iye unomuamutjila unoamutjila imi na iye unoamutjila imi unoamutjila wakandituma. 41 Iye unoamutjila nlebesambeli, ngobe ali nlebesambeli unowoamutjila mbhayilo we nlebesambeli, na iye unoamutjila nlulwami, ngobe ali nlulwami, unowoamutjila mbhayilo we nlulwami. 42 Iye unopa mmwe wa ibaba batukununu kene uli nkombe we vula inotothola, ngobe ali n'diyiwa, ndolebesa ndoti kumuli, aatowolashikigwa nge mbhayilo uwe.”