Jesu unodiya ngekwe kuthubukana mu ndobolo
(Mako 10:1-12)1 Kukati Jesu apedza leba zwithu izwezwi, kabhuda mu Galili, ngono kaswika kangina mu ntuthu we Judiya seli kwe Jorodani. 2 Mibunga mikulu ye bathu ikantobela, ngono ikoko kabapodza bakabe begwala.
3 Bafarasi bakazha kunli bakanlika beti “Apa kumu nlayo kuti nlume alambe nkadzi uwe enlambila tjimwe ne tjimwe kene?”
4 Kabashandula nge bhuzo eti, “Amuzobala kene kuti iye wakababumba mu kutangisa wakabayita we tjilume ne we tjikadzi, 5 kadwilila kati, ‘Ndizo ngekwa ikoko nlume unowosiya tate babe na mmeyabe kabhatana ne nkadzi uwe, ngono bubili gowobe mbili nng'ompela?’ 6 Ndizo abatji babili batjibe mbili nng'ompela. Ndizo Ndzimu tjawabhatshanya, kushaye nthu watjithubukanya.”
7 Bakati kunli, “Ini ngono Mushe akati nlume ape nkadzi uwe lukwalo gwe kuthubukana mu ndobolo abentata?”
8 Jesu kashandula eti, “Mushe wakamudumila kulamba bakadzi benyu, ngobe mimoyo yenyu ili mikukutu. Koga kwakabe kusakajalo kutanga. 9 Ndomubudza nditi, iye unolamba nkadzi uwe, kuzhe kwe nlandu we bupombgwe, etola mmwe nkadzi, unothama bupombgwe.”
10 Badiyiwa bakati kunli, “Ha kuli kuti kwakajalo pakati kwe nlume ne nkadzi uwe, kusalobola koyita.”
11 Jesu kashandula eti, “Ate bathu bose bangaamutjila zwidiyo izwezwi, kuzhe kwe bakazwipiwa koga. 12 Ngobe kuna ngomwa dzakazwagwa dzakajalo, kuna ngomwa dzakathamwa nge bathu, koga kuna ngomwa dzakazwithama ngomwa ngekwe bushe gwe kudzimu. Iye unotubula kuamutjila ikoku ngaakuamutjile.”
Jesu unobiga bana maboko
(Mako 10:13-16Luke 18:15-17)13 Ipapo bana bakazhisiwa kuna Jesu kuti ababige maboko abatembezelele. Koga badiyiwa bakatjemela ibabo banozhisa bana kunli. 14 Jesu kati ku bali, “Letjani bana bazhe kundili, musibadzibe, ngobe bushe gwe kudzimu nge gwe bakajali.”
15 Kababiga maboko ngono kayenda.
Nzhuzha wakafuma
(Mako 10:17-31Luke 18:18-30)16 Kwakashingikala kuti mmwe nlume azhe kuna Jesu ngono kati kunli, “N'diyi, ini tjakalulwama tjandakafanila kushinga kuti ndiwane butjilo gusingapele kene?”
17 Jesu kati kunli, “Ini undibhuzwa ngekwe tjakalulwama kene? Uyapo nng'ompela koga wakalulwama. Ha ushako ngina mu butjilo, londolodza milayo.”
18 Nzhuzha kabhuzwa kati, “Ipi?”
Jesu kashandula eti, “Usibulaye, usithame bupombgwe, usikwibe, usipe butendeki gwe manyepkhwa, 19 kudza tate babo na mmeyabo, kakale ida mmwe nthu sekwa unozwida.”
20 Nzhuzha kadabila eti, “Kose ikoku ndakakulondolodza. Ngono nditjashetani?”
21 Jesu kashandula eti, “Ha ushaka kululwama kwakapelela, yenda utengese kose kwaunako ukobele bashayi, ngono unowobe ne fumwa kudzimu. Ipapo uzhe unditobele.”
22 Kukati nzhuzha ehwa ikoku kayenda ana buyendasi, ngobe wakabe akafuma kwazo.
23 Ipapo Jesu kati ku badiyiwa babe, “Ndolebesa ndoti, kowosimila nthu wakafuma kungina mu bushe gwe kudzimu. 24 Kakale ndomubudza nditi kulelu mu kamela kuti ipinde nge buli le lunji, pakuti nfumi angine mu bushe gwe Ndzimu.”
25 Badiyiwa bakati behwa ikoku bakakaabala kwazo bakambhuzwa beti, “Ndiani ngono ungatjidziwa?”
26 Jesu kabalinga kati ku bali, “Mu bathu ikoku akutotubuka koga mu Ndzimu zwithu zose zotubuka.”
27 Pita kan'dabila eti, “Bonani, takasiya zose tikamutobela. Ini ngono tjatinowowana?”
28 Jesu kashandula eti, “Ndolebesa ndoti, mu shango tshwa, ha Nkololo we Nthu ewogala mu tjigalo tje bushe gugwe, imwi makanditobela mowogalabo mu zwigalo zwe bushe zwili gumi lina zwibili, musumikilisa njudzi dze Iziraela dzili gumi lina mbili. 29 Iye wakasiya ng'umba kene minda, kene bana ba tate babe, kene tate, kene mme kene bana ngekwe zina langu, unowowana kunopinda ikoku kuli zana (100), kakale unowowana butjilo gusingapele. 30 Koga banji be kutanga banowobe be bupelo ne be bupelo banowobe be kutanga.
Jesu unodiya ngekwe kuthubukana mu ndobolo
(Mako 10:1-12)1 Kukati Jesu apedza leba zwithu izwezwi, kabhuda mu Galili, ngono kaswika kangina mu ntuthu we Judiya seli kwe Jorodani. 2 Mibunga mikulu ye bathu ikantobela, ngono ikoko kabapodza bakabe begwala.
3 Bafarasi bakazha kunli bakanlika beti “Apa kumu nlayo kuti nlume alambe nkadzi uwe enlambila tjimwe ne tjimwe kene?”
4 Kabashandula nge bhuzo eti, “Amuzobala kene kuti iye wakababumba mu kutangisa wakabayita we tjilume ne we tjikadzi, 5 kadwilila kati, ‘Ndizo ngekwa ikoko nlume unowosiya tate babe na mmeyabe kabhatana ne nkadzi uwe, ngono bubili gowobe mbili nng'ompela?’ 6 Ndizo abatji babili batjibe mbili nng'ompela. Ndizo Ndzimu tjawabhatshanya, kushaye nthu watjithubukanya.”
7 Bakati kunli, “Ini ngono Mushe akati nlume ape nkadzi uwe lukwalo gwe kuthubukana mu ndobolo abentata?”
8 Jesu kashandula eti, “Mushe wakamudumila kulamba bakadzi benyu, ngobe mimoyo yenyu ili mikukutu. Koga kwakabe kusakajalo kutanga. 9 Ndomubudza nditi, iye unolamba nkadzi uwe, kuzhe kwe nlandu we bupombgwe, etola mmwe nkadzi, unothama bupombgwe.”
10 Badiyiwa bakati kunli, “Ha kuli kuti kwakajalo pakati kwe nlume ne nkadzi uwe, kusalobola koyita.”
11 Jesu kashandula eti, “Ate bathu bose bangaamutjila zwidiyo izwezwi, kuzhe kwe bakazwipiwa koga. 12 Ngobe kuna ngomwa dzakazwagwa dzakajalo, kuna ngomwa dzakathamwa nge bathu, koga kuna ngomwa dzakazwithama ngomwa ngekwe bushe gwe kudzimu. Iye unotubula kuamutjila ikoku ngaakuamutjile.”
Jesu unobiga bana maboko
(Mako 10:13-16Luke 18:15-17)13 Ipapo bana bakazhisiwa kuna Jesu kuti ababige maboko abatembezelele. Koga badiyiwa bakatjemela ibabo banozhisa bana kunli. 14 Jesu kati ku bali, “Letjani bana bazhe kundili, musibadzibe, ngobe bushe gwe kudzimu nge gwe bakajali.”
15 Kababiga maboko ngono kayenda.
Nzhuzha wakafuma
(Mako 10:17-31Luke 18:18-30)16 Kwakashingikala kuti mmwe nlume azhe kuna Jesu ngono kati kunli, “N'diyi, ini tjakalulwama tjandakafanila kushinga kuti ndiwane butjilo gusingapele kene?”
17 Jesu kati kunli, “Ini undibhuzwa ngekwe tjakalulwama kene? Uyapo nng'ompela koga wakalulwama. Ha ushako ngina mu butjilo, londolodza milayo.”
18 Nzhuzha kabhuzwa kati, “Ipi?”
Jesu kashandula eti, “Usibulaye, usithame bupombgwe, usikwibe, usipe butendeki gwe manyepkhwa, 19 kudza tate babo na mmeyabo, kakale ida mmwe nthu sekwa unozwida.”
20 Nzhuzha kadabila eti, “Kose ikoku ndakakulondolodza. Ngono nditjashetani?”
21 Jesu kashandula eti, “Ha ushaka kululwama kwakapelela, yenda utengese kose kwaunako ukobele bashayi, ngono unowobe ne fumwa kudzimu. Ipapo uzhe unditobele.”
22 Kukati nzhuzha ehwa ikoku kayenda ana buyendasi, ngobe wakabe akafuma kwazo.
23 Ipapo Jesu kati ku badiyiwa babe, “Ndolebesa ndoti, kowosimila nthu wakafuma kungina mu bushe gwe kudzimu. 24 Kakale ndomubudza nditi kulelu mu kamela kuti ipinde nge buli le lunji, pakuti nfumi angine mu bushe gwe Ndzimu.”
25 Badiyiwa bakati behwa ikoku bakakaabala kwazo bakambhuzwa beti, “Ndiani ngono ungatjidziwa?”
26 Jesu kabalinga kati ku bali, “Mu bathu ikoku akutotubuka koga mu Ndzimu zwithu zose zotubuka.”
27 Pita kan'dabila eti, “Bonani, takasiya zose tikamutobela. Ini ngono tjatinowowana?”
28 Jesu kashandula eti, “Ndolebesa ndoti, mu shango tshwa, ha Nkololo we Nthu ewogala mu tjigalo tje bushe gugwe, imwi makanditobela mowogalabo mu zwigalo zwe bushe zwili gumi lina zwibili, musumikilisa njudzi dze Iziraela dzili gumi lina mbili. 29 Iye wakasiya ng'umba kene minda, kene bana ba tate babe, kene tate, kene mme kene bana ngekwe zina langu, unowowana kunopinda ikoku kuli zana (100), kakale unowowana butjilo gusingapele. 30 Koga banji be kutanga banowobe be bupelo ne be bupelo banowobe be kutanga.