Kumuka kwa Jesu
(Mako 16:1-10Luke 24:1-12Johani 20:1-10)1 Shule kwe Sabata, mu mazhokuyedza e zhuba le kutanga mu tshipi, Mariya we Magadala na Mariya mmwe bakayenda kunobona ikumbu. 2 Kukabe ne kutengenyeka kwe shango kukulu, ngobe ntumwa wa She wakadeluka kudwa kudzimu, kayenda ku ikumbu kakunguludza bgwe kagala pezhugwi kwalo. 3 Wakabe elingika se lupenyo gwe vula ne zwiambalo zwizwe zwili zwitjena se kapuku. 4 Balindi bakantja kwazo bakatetema bakasala benga bathu bafa.
5 Ntumwa we kudzimu kati ku bakadzi ibabo, “Musitje, ngobe ndoziba kuti moshaka Jesu wakabambugwa. 6 Aapo ipapa, wamuka sekwa akaleba. Izhani mubone paakabe ali lele. 7 Kudwapo muyende tjinyolotjo munobudza badiyiwa babe muti, ‘Wamuka mu bafi,’ ngono unowoyenda mbeli kwenyu ku Galili, ikoko mowombona. Bonani ndamubudza.”
8 Ndizo bakadzi ibabo bakadwa pa ikumbu tjinyolotjo betja, koga bakashatha kwazo, ngono bakalabuka bakanobudza badiyiwa babe.
9 Ngono Jesu kabashangamidza kati, “Dumilani.” Bakazha kunli bakabhata makumbo awe bakan'namata. 10 Ipapo Jesu kati ku bali, “Musitje, yendani mubudze zwikamu zwangu bayende ku Galili, banowondibona ikoko.”
Mbiko ye balindi
11 Kukati bakadzi batji mu zila, bamwe be balindi bakangina mu nzi nkulu, ngono bakabudza bapirisiti bakulu tjimwe ne tjimwe tjakashingikala. 12 Kukati bapirisiti bakulu bashangana ne bakulu be Bajuta, balangana, bakapa babhayani mari manjinji ali tjizwimba nlomo, 13 beti ku bali, “Muti, ‘Badiyiwa babe bakazha pakati kwe busiku bakankwiba iswi titjakayizela.’ 14 Ikoku akungazha mu zebe dze nlauli, towon'gutsha kuti timuduse mu mbatsha.”
15 Ndizo babhayani bakatola mari, bakashinga sekwa badwiwa. Ndizo lungano igogu gwakadwilidzwa pakati kwe Bajuta kuswikila ngwenu.
Jesu ebong'wa nge badiyiwa babe
(Mako 16:14-18Luke 24:36-49Johani 20:19-23Mishingo 1:6-8)
16 Ipapo badiyiwa bali gumi lina ng'ompela bakayenda ku Galili ku dombo Jesu laakabadwa kuti bayende kulili. 17 Bakati bembona bakan'namata, koga bamwe babo bakabe bedudumwa. 18 Ipapo Jesu kazha ku bali kabadwa kati, “Simba lose kudzimu ne mu shango lakapiwa imi. 19 Ndizo yendani muyite badiyiwa mu zwitjaba zose mubadubike nge zina la Tate ne le Nkololo ne le Meya yakayengemala, 20 mubadiya kulondolodza tjimwe ne tjimwe tjandakamulaya nge kwatjo. Ngono nge malebeswa ndinamwi misi yose kunoti ku bupelo gwe shango.”
Kumuka kwa Jesu
(Mako 16:1-10Luke 24:1-12Johani 20:1-10)1 Shule kwe Sabata, mu mazhokuyedza e zhuba le kutanga mu tshipi, Mariya we Magadala na Mariya mmwe bakayenda kunobona ikumbu. 2 Kukabe ne kutengenyeka kwe shango kukulu, ngobe ntumwa wa She wakadeluka kudwa kudzimu, kayenda ku ikumbu kakunguludza bgwe kagala pezhugwi kwalo. 3 Wakabe elingika se lupenyo gwe vula ne zwiambalo zwizwe zwili zwitjena se kapuku. 4 Balindi bakantja kwazo bakatetema bakasala benga bathu bafa.
5 Ntumwa we kudzimu kati ku bakadzi ibabo, “Musitje, ngobe ndoziba kuti moshaka Jesu wakabambugwa. 6 Aapo ipapa, wamuka sekwa akaleba. Izhani mubone paakabe ali lele. 7 Kudwapo muyende tjinyolotjo munobudza badiyiwa babe muti, ‘Wamuka mu bafi,’ ngono unowoyenda mbeli kwenyu ku Galili, ikoko mowombona. Bonani ndamubudza.”
8 Ndizo bakadzi ibabo bakadwa pa ikumbu tjinyolotjo betja, koga bakashatha kwazo, ngono bakalabuka bakanobudza badiyiwa babe.
9 Ngono Jesu kabashangamidza kati, “Dumilani.” Bakazha kunli bakabhata makumbo awe bakan'namata. 10 Ipapo Jesu kati ku bali, “Musitje, yendani mubudze zwikamu zwangu bayende ku Galili, banowondibona ikoko.”
Mbiko ye balindi
11 Kukati bakadzi batji mu zila, bamwe be balindi bakangina mu nzi nkulu, ngono bakabudza bapirisiti bakulu tjimwe ne tjimwe tjakashingikala. 12 Kukati bapirisiti bakulu bashangana ne bakulu be Bajuta, balangana, bakapa babhayani mari manjinji ali tjizwimba nlomo, 13 beti ku bali, “Muti, ‘Badiyiwa babe bakazha pakati kwe busiku bakankwiba iswi titjakayizela.’ 14 Ikoku akungazha mu zebe dze nlauli, towon'gutsha kuti timuduse mu mbatsha.”
15 Ndizo babhayani bakatola mari, bakashinga sekwa badwiwa. Ndizo lungano igogu gwakadwilidzwa pakati kwe Bajuta kuswikila ngwenu.
Jesu ebong'wa nge badiyiwa babe
(Mako 16:14-18Luke 24:36-49Johani 20:19-23Mishingo 1:6-8)16 Ipapo badiyiwa bali gumi lina ng'ompela bakayenda ku Galili ku dombo Jesu laakabadwa kuti bayende kulili. 17 Bakati bembona bakan'namata, koga bamwe babo bakabe bedudumwa. 18 Ipapo Jesu kazha ku bali kabadwa kati, “Simba lose kudzimu ne mu shango lakapiwa imi. 19 Ndizo yendani muyite badiyiwa mu zwitjaba zose mubadubike nge zina la Tate ne le Nkololo ne le Meya yakayengemala, 20 mubadiya kulondolodza tjimwe ne tjimwe tjandakamulaya nge kwatjo. Ngono nge malebeswa ndinamwi misi yose kunoti ku bupelo gwe shango.”