Matewu 3

Sumikila kwa Johani we N'dubiki
(Mako 1:1-8Luke 3:1-18Johani 1:19-28)
1 Mu mazhuba iyawo kukazha Johani we N'dubiki, esumikila mu tjilambanyika tje Judiya 2 eti, “Shandukilani matjinyo enyu ngobe bushe gwe kudzimu gwasedzela.” 3 Oyu ndiye wakalebgwa nge kukwe ndi Isaya nlebesambeli eti,
“Hwi le unodanilila mu tjilambanyika eti,
‘Lulwamisani zila ya She,
tambunudzani zijana dzidze.’ ”
4 Johani wakabe eambala zwiambalo zwakathamiwa nge bukuse gwe kamela ne mwandabula we ganda mu thunji dzidze, ngono zojiwa zwizwe zwakabe zwili phashu ne butji gwe nyutji. 5 Bunji gwe bathu be Jerusalema ne Judiya ne be ntuthu we Jorodani, gukayenda kunli, 6 bakazwileba zwibi zwabo, ngono kabadubika mu gwizi gwe Jorodani.
7 Koga kati ebona Bafarasi banjinji bezha kuwodubikiwa, kati ku bali, “Bana be nyoka ndimwi! Ndiani wamutjenjedza kuti mutizhe bushongola gunozha kene? 8 Shingani mishingo inolakidza kuti makashandukila matjinyo enyu. 9 Ngono musitongo kumbula kuti mungazwidwa muti, ‘Iswi ti bana ba Abhurahama.’ Ndomudwa nditi, Ndzimu unotubula kuthamila Abhurahama bana nge mabgwe iyawa. 10 Nangwenu wali shathu lakabigwa kale pa midzi ye miti, ndizo nti mmwe ne mmwe usingazwale zwizwalo zwakalulwama unowotemiwa ukalashigwa mu moto. 11 Imi ndomudubika mu vula ili tjilakidzo tjekushandukila matjinyo enyu. Koga unozha shule kwangu una masimba kundipinda, iye wandisakalizana kusenga khwebana dzidze. Iye unowomudubika nge Meya yakayengemala nenge moto. 12 Luselo gugwe gumu luboko gugwe, unowulusa mathunde awe wose mu lutombo kaabiga mu dula lile, koga unowopisa bunye nge moto usingadzimike.”
Kudubikwa kwa Jesu
(Mako 1:9-11Luke 3:21-22)
13 Ipapo Jesu kazha edwa ku Galili, kayenda ku Jorodani kuna Johani kunodubikiwa ndiye. 14 Koga Johani kagwisa kulamba, eti, “Ndakafanila kudubikiwa ndiwe, apa unozha kundili kene?”
15 Jesu kashandula eti, “Letja kube sa ikoko ngwenu, ngobe kwakafanila kuti kushingikadziwe ndulamo yose.” Ipapo Johani kaduma.
16 Jesu kati adubikwa kabhuda mu vula tjinyolotjo. Ipapo kudzimu kukazhuka ngono kabona Meya ye Ndzimu ideluka se njiba ngono ikagala pezhugwi kukwe. 17 Ngono hwi likadwa kudzimu liti, “Oyu ndiye Nkololo wangu wandinoda, unondishathisa kwazo.”
Sumikila kwa Johani we N'dubiki
(Mako 1:1-8Luke 3:1-18Johani 1:19-28)
1 Mu mazhuba iyawo kukazha Johani we N'dubiki, esumikila mu tjilambanyika tje Judiya 2 eti, “Shandukilani matjinyo enyu ngobe bushe gwe kudzimu gwasedzela.” 3 Oyu ndiye wakalebgwa nge kukwe ndi Isaya nlebesambeli eti,
“Hwi le unodanilila mu tjilambanyika eti,
‘Lulwamisani zila ya She,
tambunudzani zijana dzidze.’ ”
4 Johani wakabe eambala zwiambalo zwakathamiwa nge bukuse gwe kamela ne mwandabula we ganda mu thunji dzidze, ngono zojiwa zwizwe zwakabe zwili phashu ne butji gwe nyutji. 5 Bunji gwe bathu be Jerusalema ne Judiya ne be ntuthu we Jorodani, gukayenda kunli, 6 bakazwileba zwibi zwabo, ngono kabadubika mu gwizi gwe Jorodani.
7 Koga kati ebona Bafarasi banjinji bezha kuwodubikiwa, kati ku bali, “Bana be nyoka ndimwi! Ndiani wamutjenjedza kuti mutizhe bushongola gunozha kene? 8 Shingani mishingo inolakidza kuti makashandukila matjinyo enyu. 9 Ngono musitongo kumbula kuti mungazwidwa muti, ‘Iswi ti bana ba Abhurahama.’ Ndomudwa nditi, Ndzimu unotubula kuthamila Abhurahama bana nge mabgwe iyawa. 10 Nangwenu wali shathu lakabigwa kale pa midzi ye miti, ndizo nti mmwe ne mmwe usingazwale zwizwalo zwakalulwama unowotemiwa ukalashigwa mu moto. 11 Imi ndomudubika mu vula ili tjilakidzo tjekushandukila matjinyo enyu. Koga unozha shule kwangu una masimba kundipinda, iye wandisakalizana kusenga khwebana dzidze. Iye unowomudubika nge Meya yakayengemala nenge moto. 12 Luselo gugwe gumu luboko gugwe, unowulusa mathunde awe wose mu lutombo kaabiga mu dula lile, koga unowopisa bunye nge moto usingadzimike.”
Kudubikwa kwa Jesu
(Mako 1:9-11Luke 3:21-22)
13 Ipapo Jesu kazha edwa ku Galili, kayenda ku Jorodani kuna Johani kunodubikiwa ndiye. 14 Koga Johani kagwisa kulamba, eti, “Ndakafanila kudubikiwa ndiwe, apa unozha kundili kene?”
15 Jesu kashandula eti, “Letja kube sa ikoko ngwenu, ngobe kwakafanila kuti kushingikadziwe ndulamo yose.” Ipapo Johani kaduma.
16 Jesu kati adubikwa kabhuda mu vula tjinyolotjo. Ipapo kudzimu kukazhuka ngono kabona Meya ye Ndzimu ideluka se njiba ngono ikagala pezhugwi kukwe. 17 Ngono hwi likadwa kudzimu liti, “Oyu ndiye Nkololo wangu wandinoda, unondishathisa kwazo.”
Bible Society of Botswana
    © Bible Society of Botswana 2025