Jesu unodiya ngekwe kupalala kwe ndobolo
(Matewu 19:1-12Luke 16:18)1 Jesu kadwa ipapo kayenda ku ntuthu we Judiya na seli kwe Jorodani. Mibunga ye bathu ikankubunganila kakale, ndizo nge wolobela kukwe, kabadiya.
2 Ipapo kukazha kunli Bafarasi beshaka kuti banlike, bakambhuzwa bakati, “Apa kumu nlayo kuti nlume alambe nkadzi uwe kene?”
3 Jesu kabashandula nge bhuzo eti, “Mushe wakamulaya eyitini?”
4 Bakanshandula beti, “Mushe wakatidumila eti, ha nlume elamba nkadzi uwe, ampe lukwalo gwe kuthubukana mu ndobolo, anlambe.”
5 Ndizo Jesu kabadwa kati, “Mushe wakamukwalila nlayo iwoyu eyikhwa nge mimoyo yenyu mikukutu. 6 Koga kudwila pa kubumbiwa kwe shango, ‘Ndzimu wakababumba we tjilume ne we tjikadzi.’ 7 ‘Ndizo wali nlume unowosiya mmeyabe na tate babe kabhatana ne nkadzi uwe, 8 ngono ibaba babili banowobe mbili nng'ompela.’ Ndizo abatji bathu babili, koga babe mbili nng'ompela. 9 Ndizo Ndzimu tjawabhatshanya, kushaye nthu watjithubukanya.”
10 Kukati bali mu ng'umba badiyiwa babe bakambhuzwa kakale ngekwe matama iyawa. 11 Ngono kati ku bali, “Iye unolamba nkadzi uwe elobola mmwe nkadzi, unothamila nkadzi uwe bupombgwe. 12 Na iyebo nkadzi unolamba nlume uwe kalobogwa nge mmwe nlume, unobe ethama bupombgwe.”
Jesu ekombolela bana
(Matewu 19:13-15Luke 18:15-17)13 Bathu bakabe bezhisa bana kunli, kuti ndizo ababhate; ngono badiyiwa bakabatjemela. 14 Jesu kati ebona ikoku kagwadzamoyo, kadwa badiyiwa babe kati, “Letjani bana bazhe kundili, musibadzibile, ngobe bushe gwe Ndzimu nge gwe bakajali. 15 Ndolebesa ndoti kumuli, iye usingaamutjile bushe gwe Ndzimu se mwana, aatowongina muguli.” 16 Ndizo kabatola nge maboko awe, kabakombolela nge kubabiga maboko.
Nlume wakafuma
(Matewu 19:16-30Luke 18:18-30)17 Kwakati Jesu etangisa gwendo gugwe, mmwe nlume kanlabukila kathigama mbeli kukwe, kankumbila kati, “N'diyi wakalulwama, ndithameni kuti ndiamutjile butjilo gusingapele?”
18 Jesu kanshandula eti, “Ini undidana uti ndakalulwama? Akuna wakalulwama kuzhe kwe Ndzimu woga. 19 Unoziba milayo inoti, ‘Usibulaye, usithame bupombgwe, usikwibe, usipe butendeki gwe manyepkhwa, usitjebele, kudza tate babo na mmeyabo.’ ”
20 Ngono kati kunli, “N'diyi, kose ikoku ndakakulondolodza, kudwila mu butjetjana gwangu.”
21 Jesu kanlinga nge ludo, kati kunli, “Kuna tjithu tjing'ompela tjaunosheta. Yenda unotengesa kose kwaunako, ukobele bashayi, ngono unowobe ne fumwa kudzimu. Kudwa ipapo uzhe unditobele.” 22 Ngekwa ikoku tjiso tjitje tjikafubala, ngono kayenda ana buyendasi, ngobe wakabe akafuma kwazo.
23 Jesu kalinga kupoteleka, kati ku badiyiwa babe, “Kwakasima seni kuna ibabo bana fumwa, kuti bangine mu bushe gwe Ndzimu.”
24 Matama iyawa kakaabadza badiyiwa ba Jesu. Koga Jesu kati ku bali kakale, “Bana, kwakasima seni kungina mu bushe gwe Ndzimu. 25 Kulelu mu kamela kuti ingine mu buli le lunji, pakuti nfumi angine mu bushe gwe Ndzimu.”
26 Bakakaabala kwazo, ndizo bakati kunli, “Ndiani ngono ungatjidziwa?”
27 Jesu kabalinga, ngono kati, “Mu nthu akutotubuka, koga akuzojalo mu Ndzimu, ngobe zwithu zose zotubuka mu Ndzimu.”
28 Pita katangisa kati kunli, “Bonani, takasiya zose tikamutobela.”
29 Jesu kati, “Ndolebesa ndoti, akuna wakasiya nzi uwe, kene bana ba tate babe kene mme kene tate kene bana kene minda ngekwe zina langu ne Ndebo mbuya, 30 usingawoamutjila kwaakasiya ka zana mu misi iyeyi, ng'umba ne bana ba tate babe na bomme ne bana ne minda kose ne tshiyilo, ngono mu misi inozha kawana butjilo gusingapele. 31 Koga banji be kutanga banowobe be bupelo ne be bupelo banowobe be kutanga.”
Jesu unolebeleka gwe butatu ngekwe lufu gugwe
(Matewu 20:17-19Luke 18:31-34)32 Bakabe ngwenu babe mu zila betathila ku Jerusalema. Jesu wakabe eyenda ali mbeli kwabo, ngono bakatjenama, ibabo bakabe bakantobela bakatja. Katola bali gumi lina babili kakale, katangisa kubabudza tjinowonshingikalila. 33 Eti, “Bonani, totathila ku Jerusalema, ngono Nkololo we Nthu unowolongwa mu maboko e bapirisiti bakulu ne badiyi be nlayo, banowontilika nlandu kuti abulawe, banowonlonga mu maboko e Bezwitjaba. 34 Banowon'dadila benthwila mate benloba nge rwabha, bakambulaya, koga shule kwe mazhuba matatu unowomuka.”
Kukumbila kwa Jakubo na Johani
(Matewu 20:20-28)35 Ipapo Jakubo na Johani, bakololo ba Zebhedi, bakayenda mbeli kuna Jesu bakankumbila beti, “N'diyi, toshaka kuti utithamile tjimwe ne tjimwe tjatinokukumbila.”
36 Jesu kababhuzwa kati, “Ini tjamunoshaka kuti ndimuyitile?”
37 Bakanshandula bakati, “Utipe fanilo ye kuti tigale mmwe ku luboko gugo gwe luji, mmwe kuna gwe lumeshwe, mu bushe gugo.”
38 Koga Jesu kabadabila eti, “Amutoziba tjamunokumbila. Apa mungatubula kung'wa nkombe wandinong'wa, nenge kudubikiwa nge kudubikwa kwandinondubikiwa ndiko kene?”
39 Bakanshandula beti, “Tingakutubula.”
Jesu kabadwa kati, “Nkombe iwoyu wandinong'wa, mowoung'wa ne kudubikwa ikoku kwandinodubikwa ndiko, mowodubikwabo ndiko. 40 Koga kugala ku luboko gwangu gwe luji kene ku luboko gwangu gwe lumeshwe akutopiwa ndimi, koga ngekwa ibabo bakwakabigigwa.”
41 Ngono kukati bamwe badiyiwa bali gumi behwa matama iyawa, bakagwadzilamoyo Jakubo na Johani. 42 Ipapo Jesu kabadanila kunli, ngono kabadwa kati, “Moziba kuti ibaba banoyi ndibo babusi be zwitjaba, banobabusa nge kubadziyidza, ngono balauli ibabo banobalaula nge masimba. 43 Koga ngakusijalo mu muli. Ha kuli kuti kuna mmwe unoshaka kube nkulu pa bamwe mu muli, ngaabe nshingili wenyu, 44 na iyebo unoshaka kube mbeli, ngaabe nlanda wa bose. 45 Nkololo we Nthu naiye aazozha kuwoshingigwa, koga wakazha kuwoshingila ne kufa efila kusungunugwa kwe bathu bali banji.”
Jesu unopodza Bhatimeo we bhofu
(Matewu 20:29-34Luke 18:35-43)46 Ndizo bakaswika ku Jerikho. Jesu kati ebhuda mu Jerikho ana badiyiwa babe ne mbunga we bathu nkulu, Bhatimeo, nkumbili we bhofu, ali nkololo wa Timeo, kabe ali gele pa hwunde ye zila. 47 Ngono kati ehwa kuyi ndi Jesu we Nazareta, katangisa kumilidza hwi edana eti, “Jesu Nkololo wa Dafite! Undihwile ngoni!”
48 Koga banji bakantjemela beti, anyalale, koga kamilidzila hwi pezhugwi kadana eti, “Nkololo wa Dafite undihwile ngoni!”
49 Jesu kama kati, “Mun'dane.”
Ndizo bakadana nlume we bhofu bakati kunli, “Simisamoyo, umilike, unokudana.”
50 Kalasha ngubo yaakabe akafuka, kamilika kayenda kuna Jesu.
51 Jesu kambhuzwa kati, “Unoshaka kuti ndikuyitileni?”
Bhofu likanshandula likati, “N'diyi, ndoshaka kuti ndipofunuke.”
52 Jesu kati kunli, “Yenda, ngobe kugalamoyo kuko kwakupodza.”
Tjinyolotjo kapofunuka, ngono kasala Jesu shule.
Jesu unodiya ngekwe kupalala kwe ndobolo
(Matewu 19:1-12Luke 16:18)1 Jesu kadwa ipapo kayenda ku ntuthu we Judiya na seli kwe Jorodani. Mibunga ye bathu ikankubunganila kakale, ndizo nge wolobela kukwe, kabadiya.
2 Ipapo kukazha kunli Bafarasi beshaka kuti banlike, bakambhuzwa bakati, “Apa kumu nlayo kuti nlume alambe nkadzi uwe kene?”
3 Jesu kabashandula nge bhuzo eti, “Mushe wakamulaya eyitini?”
4 Bakanshandula beti, “Mushe wakatidumila eti, ha nlume elamba nkadzi uwe, ampe lukwalo gwe kuthubukana mu ndobolo, anlambe.”
5 Ndizo Jesu kabadwa kati, “Mushe wakamukwalila nlayo iwoyu eyikhwa nge mimoyo yenyu mikukutu. 6 Koga kudwila pa kubumbiwa kwe shango, ‘Ndzimu wakababumba we tjilume ne we tjikadzi.’ 7 ‘Ndizo wali nlume unowosiya mmeyabe na tate babe kabhatana ne nkadzi uwe, 8 ngono ibaba babili banowobe mbili nng'ompela.’ Ndizo abatji bathu babili, koga babe mbili nng'ompela. 9 Ndizo Ndzimu tjawabhatshanya, kushaye nthu watjithubukanya.”
10 Kukati bali mu ng'umba badiyiwa babe bakambhuzwa kakale ngekwe matama iyawa. 11 Ngono kati ku bali, “Iye unolamba nkadzi uwe elobola mmwe nkadzi, unothamila nkadzi uwe bupombgwe. 12 Na iyebo nkadzi unolamba nlume uwe kalobogwa nge mmwe nlume, unobe ethama bupombgwe.”
Jesu ekombolela bana
(Matewu 19:13-15Luke 18:15-17)13 Bathu bakabe bezhisa bana kunli, kuti ndizo ababhate; ngono badiyiwa bakabatjemela. 14 Jesu kati ebona ikoku kagwadzamoyo, kadwa badiyiwa babe kati, “Letjani bana bazhe kundili, musibadzibile, ngobe bushe gwe Ndzimu nge gwe bakajali. 15 Ndolebesa ndoti kumuli, iye usingaamutjile bushe gwe Ndzimu se mwana, aatowongina muguli.” 16 Ndizo kabatola nge maboko awe, kabakombolela nge kubabiga maboko.
Nlume wakafuma
(Matewu 19:16-30Luke 18:18-30)17 Kwakati Jesu etangisa gwendo gugwe, mmwe nlume kanlabukila kathigama mbeli kukwe, kankumbila kati, “N'diyi wakalulwama, ndithameni kuti ndiamutjile butjilo gusingapele?”
18 Jesu kanshandula eti, “Ini undidana uti ndakalulwama? Akuna wakalulwama kuzhe kwe Ndzimu woga. 19 Unoziba milayo inoti, ‘Usibulaye, usithame bupombgwe, usikwibe, usipe butendeki gwe manyepkhwa, usitjebele, kudza tate babo na mmeyabo.’ ”
20 Ngono kati kunli, “N'diyi, kose ikoku ndakakulondolodza, kudwila mu butjetjana gwangu.”
21 Jesu kanlinga nge ludo, kati kunli, “Kuna tjithu tjing'ompela tjaunosheta. Yenda unotengesa kose kwaunako, ukobele bashayi, ngono unowobe ne fumwa kudzimu. Kudwa ipapo uzhe unditobele.” 22 Ngekwa ikoku tjiso tjitje tjikafubala, ngono kayenda ana buyendasi, ngobe wakabe akafuma kwazo.
23 Jesu kalinga kupoteleka, kati ku badiyiwa babe, “Kwakasima seni kuna ibabo bana fumwa, kuti bangine mu bushe gwe Ndzimu.”
24 Matama iyawa kakaabadza badiyiwa ba Jesu. Koga Jesu kati ku bali kakale, “Bana, kwakasima seni kungina mu bushe gwe Ndzimu. 25 Kulelu mu kamela kuti ingine mu buli le lunji, pakuti nfumi angine mu bushe gwe Ndzimu.”
26 Bakakaabala kwazo, ndizo bakati kunli, “Ndiani ngono ungatjidziwa?”
27 Jesu kabalinga, ngono kati, “Mu nthu akutotubuka, koga akuzojalo mu Ndzimu, ngobe zwithu zose zotubuka mu Ndzimu.”
28 Pita katangisa kati kunli, “Bonani, takasiya zose tikamutobela.”
29 Jesu kati, “Ndolebesa ndoti, akuna wakasiya nzi uwe, kene bana ba tate babe kene mme kene tate kene bana kene minda ngekwe zina langu ne Ndebo mbuya, 30 usingawoamutjila kwaakasiya ka zana mu misi iyeyi, ng'umba ne bana ba tate babe na bomme ne bana ne minda kose ne tshiyilo, ngono mu misi inozha kawana butjilo gusingapele. 31 Koga banji be kutanga banowobe be bupelo ne be bupelo banowobe be kutanga.”
Jesu unolebeleka gwe butatu ngekwe lufu gugwe
(Matewu 20:17-19Luke 18:31-34)32 Bakabe ngwenu babe mu zila betathila ku Jerusalema. Jesu wakabe eyenda ali mbeli kwabo, ngono bakatjenama, ibabo bakabe bakantobela bakatja. Katola bali gumi lina babili kakale, katangisa kubabudza tjinowonshingikalila. 33 Eti, “Bonani, totathila ku Jerusalema, ngono Nkololo we Nthu unowolongwa mu maboko e bapirisiti bakulu ne badiyi be nlayo, banowontilika nlandu kuti abulawe, banowonlonga mu maboko e Bezwitjaba. 34 Banowon'dadila benthwila mate benloba nge rwabha, bakambulaya, koga shule kwe mazhuba matatu unowomuka.”
Kukumbila kwa Jakubo na Johani
(Matewu 20:20-28)35 Ipapo Jakubo na Johani, bakololo ba Zebhedi, bakayenda mbeli kuna Jesu bakankumbila beti, “N'diyi, toshaka kuti utithamile tjimwe ne tjimwe tjatinokukumbila.”
36 Jesu kababhuzwa kati, “Ini tjamunoshaka kuti ndimuyitile?”
37 Bakanshandula bakati, “Utipe fanilo ye kuti tigale mmwe ku luboko gugo gwe luji, mmwe kuna gwe lumeshwe, mu bushe gugo.”
38 Koga Jesu kabadabila eti, “Amutoziba tjamunokumbila. Apa mungatubula kung'wa nkombe wandinong'wa, nenge kudubikiwa nge kudubikwa kwandinondubikiwa ndiko kene?”
39 Bakanshandula beti, “Tingakutubula.”
Jesu kabadwa kati, “Nkombe iwoyu wandinong'wa, mowoung'wa ne kudubikwa ikoku kwandinodubikwa ndiko, mowodubikwabo ndiko. 40 Koga kugala ku luboko gwangu gwe luji kene ku luboko gwangu gwe lumeshwe akutopiwa ndimi, koga ngekwa ibabo bakwakabigigwa.”
41 Ngono kukati bamwe badiyiwa bali gumi behwa matama iyawa, bakagwadzilamoyo Jakubo na Johani. 42 Ipapo Jesu kabadanila kunli, ngono kabadwa kati, “Moziba kuti ibaba banoyi ndibo babusi be zwitjaba, banobabusa nge kubadziyidza, ngono balauli ibabo banobalaula nge masimba. 43 Koga ngakusijalo mu muli. Ha kuli kuti kuna mmwe unoshaka kube nkulu pa bamwe mu muli, ngaabe nshingili wenyu, 44 na iyebo unoshaka kube mbeli, ngaabe nlanda wa bose. 45 Nkololo we Nthu naiye aazozha kuwoshingigwa, koga wakazha kuwoshingila ne kufa efila kusungunugwa kwe bathu bali banji.”
Jesu unopodza Bhatimeo we bhofu
(Matewu 20:29-34Luke 18:35-43)46 Ndizo bakaswika ku Jerikho. Jesu kati ebhuda mu Jerikho ana badiyiwa babe ne mbunga we bathu nkulu, Bhatimeo, nkumbili we bhofu, ali nkololo wa Timeo, kabe ali gele pa hwunde ye zila. 47 Ngono kati ehwa kuyi ndi Jesu we Nazareta, katangisa kumilidza hwi edana eti, “Jesu Nkololo wa Dafite! Undihwile ngoni!”
48 Koga banji bakantjemela beti, anyalale, koga kamilidzila hwi pezhugwi kadana eti, “Nkololo wa Dafite undihwile ngoni!”
49 Jesu kama kati, “Mun'dane.”
Ndizo bakadana nlume we bhofu bakati kunli, “Simisamoyo, umilike, unokudana.”
50 Kalasha ngubo yaakabe akafuka, kamilika kayenda kuna Jesu.
51 Jesu kambhuzwa kati, “Unoshaka kuti ndikuyitileni?”
Bhofu likanshandula likati, “N'diyi, ndoshaka kuti ndipofunuke.”
52 Jesu kati kunli, “Yenda, ngobe kugalamoyo kuko kwakupodza.”
Tjinyolotjo kapofunuka, ngono kasala Jesu shule.