1 Koyita kuja ikwamu tje tjiwunga tjakawomelela
pana ng'umba izhele zojiwa koga kugwiwa.
2 Nlanda unoshinga ne butjenjedu unowobusa nkololo unoshinga zwinobhatisa shoni,
kakale unowobe ne gobe le thaka se mmwe we bakololo.
3 Bhisilo ngele siliva ne vutho ngeye golide,
ngono Yahwe banolika mimoyo.
4 Nthu unoshinga zwakabipa unoteedza milomo mibiibi,
ne n'nyepi unoteyedza kululimi gwakaleleka.
5 Iye unoseka nshayi unotuka Ndzimu uwe;
na iye unodadila bashayi unotuka mbumbi uwe.
6 Zwizekugwana tjiala tje kwegulu,
ne gudzo le bakololo ndi botate babo.
7 Bunyambi gwe ndebo agutofanila tjilengwe,
koga seleba manyephwa kusingafanile nlauli.
8 Tjizwimbanlomo tjonga bgwe lakanaka le masalamusi mu mesho e unolikoba,
pamwe ne pamwe paanotendebukila unobhudilila.
9 Nthu unozwiyibhatigwa mmwe unoshaka ludo,
koga iye unomusa ndebo unopaladza bazwalani.
10 Kutjemegwa kongina mu nthu unohwisisa,
kupinda shamu dzili zana mu tjilengwe.
11 Nthu mbi tjaanoshaka koga bupanduki,
ndizo unowotumigwa ntumwa una moyo nkukutu.
12 Koyita kuti nthu ashangane ne bhira latolegwa bana,
pana kushangana ne tjilengwe mu bulengwe gwatjo.
13 Ha nthu e bgwiliza bubi nge bubuya,
bubi agutowosiya nsha uwe.
14 Kutangisa kwe kukwebakwebana konga wazhulila vula ye damu,
ndizo misa kukwebakwebana kusathu kukatangisa.
15 Iye unobona mbi akatambunuka ebe e bona nlandu nlulwami,
bose banofanana nge kushimisa Yahwe.
16 Kobhatshani wali kuti tjilengwe tjibhate mari nge luboko tjitenga butjenjedu,
koga tjisina nkumbulo?
17 Nzwalani unoda muzwibaka zose,
ne nkololo wa tate wakazwaligwa nsi usakanaka.
18 Nthu usina nkumbulo unozwisunga nge kutuna,
eti unowolipila mbakidzani naye.
19 Unoda tjinya unoda kukwebakwebana,
iye unothama nkoba uwe eumilidzila pezhugwi unoshaka golomodzo.
20 Nthu una meya mbi aatobhudilila,
ne una lulimi gusakalulwama unowila mu mbatsha.
21 Nkololo we tjilengwe unozhisa shungu kuna tate babe,
tate be tjilengwe abana kushatha.
22 Moyo wakashatha nti unopodza,
koga moyo wakapuna unotema mafupa.
23 Nthu mbiimbi unoamutjila tjizwimba nlomo,
kupeyamisa tjakatambunuka.
24 Nlume una kuhwisisa unozwilingisanya ne butjenjedu,
koga mesho e tjilengwe aku phelelo dze shango.
25 Nkololo we tjilengwe unolonga tate babe shungu,
ne kuhwisa zogwadza mayi bakazwala.
26 Kulipisa nlulwani akuzolulwama;
kuloba makombgwa akuzolulwama.
27 Unoshalula matama una luzibo,
ne wakatebamisa meya nthu unohwisisa.
28 Naitjo tjilengwe tjinozwinyalalila tjotogwa se ntjenjedu,
ha emuma nlomo uwe unotogwa se wakatjenjela.
1 Koyita kuja ikwamu tje tjiwunga tjakawomelela
pana ng'umba izhele zojiwa koga kugwiwa.
2 Nlanda unoshinga ne butjenjedu unowobusa nkololo unoshinga zwinobhatisa shoni,
kakale unowobe ne gobe le thaka se mmwe we bakololo.
3 Bhisilo ngele siliva ne vutho ngeye golide,
ngono Yahwe banolika mimoyo.
4 Nthu unoshinga zwakabipa unoteedza milomo mibiibi,
ne n'nyepi unoteyedza kululimi gwakaleleka.
5 Iye unoseka nshayi unotuka Ndzimu uwe;
na iye unodadila bashayi unotuka mbumbi uwe.
6 Zwizekugwana tjiala tje kwegulu,
ne gudzo le bakololo ndi botate babo.
7 Bunyambi gwe ndebo agutofanila tjilengwe,
koga seleba manyephwa kusingafanile nlauli.
8 Tjizwimbanlomo tjonga bgwe lakanaka le masalamusi mu mesho e unolikoba,
pamwe ne pamwe paanotendebukila unobhudilila.
9 Nthu unozwiyibhatigwa mmwe unoshaka ludo,
koga iye unomusa ndebo unopaladza bazwalani.
10 Kutjemegwa kongina mu nthu unohwisisa,
kupinda shamu dzili zana mu tjilengwe.
11 Nthu mbi tjaanoshaka koga bupanduki,
ndizo unowotumigwa ntumwa una moyo nkukutu.
12 Koyita kuti nthu ashangane ne bhira latolegwa bana,
pana kushangana ne tjilengwe mu bulengwe gwatjo.
13 Ha nthu e bgwiliza bubi nge bubuya,
bubi agutowosiya nsha uwe.
14 Kutangisa kwe kukwebakwebana konga wazhulila vula ye damu,
ndizo misa kukwebakwebana kusathu kukatangisa.
15 Iye unobona mbi akatambunuka ebe e bona nlandu nlulwami,
bose banofanana nge kushimisa Yahwe.
16 Kobhatshani wali kuti tjilengwe tjibhate mari nge luboko tjitenga butjenjedu,
koga tjisina nkumbulo?
17 Nzwalani unoda muzwibaka zose,
ne nkololo wa tate wakazwaligwa nsi usakanaka.
18 Nthu usina nkumbulo unozwisunga nge kutuna,
eti unowolipila mbakidzani naye.
19 Unoda tjinya unoda kukwebakwebana,
iye unothama nkoba uwe eumilidzila pezhugwi unoshaka golomodzo.
20 Nthu una meya mbi aatobhudilila,
ne una lulimi gusakalulwama unowila mu mbatsha.
21 Nkololo we tjilengwe unozhisa shungu kuna tate babe,
tate be tjilengwe abana kushatha.
22 Moyo wakashatha nti unopodza,
koga moyo wakapuna unotema mafupa.
23 Nthu mbiimbi unoamutjila tjizwimba nlomo,
kupeyamisa tjakatambunuka.
24 Nlume una kuhwisisa unozwilingisanya ne butjenjedu,
koga mesho e tjilengwe aku phelelo dze shango.
25 Nkololo we tjilengwe unolonga tate babe shungu,
ne kuhwisa zogwadza mayi bakazwala.
26 Kulipisa nlulwani akuzolulwama;
kuloba makombgwa akuzolulwama.
27 Unoshalula matama una luzibo,
ne wakatebamisa meya nthu unohwisisa.
28 Naitjo tjilengwe tjinozwinyalalila tjotogwa se ntjenjedu,
ha emuma nlomo uwe unotogwa se wakatjenjela.