1 Zina buya lakafanilo shalugwa kupinda fumwa njinji,
ne ludo gopinda siliva ne golide.
2 Bafumi ne bashayi banoshangana pathu pang'ompela,
Yahwe ndibo bakabasika bose.
3 Nthu wakatjenjela unobona mbatsha kabgwata,
koga tjilengwe tjodwilila koga tjiwila mu mbatsha.
4 Mbhayilo we kuzwiyesapasi ne kutja Yahwe,
ifumwa ne gudzo ne butjilo.
5 Mihwa ne matati amu zila ye basakalulwama,
iye unozwitjengeta unowobe kule nazo.
6 Diya mwana zila yaakafanila kutobela,
ndizo ha akula aatobhuda muili.
7 Nfumi unobusa nshayi,
ne unoadzimiwa nlanda we wan'adzima.
8 Iye unodzwala mbipo unowovuna tjiga,
ngono shamu ye bushongola gugwe inowokong'wa.
9 Iye una lubu unowokombolegwa,
ngobe unokwamulana tjiwunga tjitje ne bashayi.
10 Tatila ndadi kutjena, ngono kukwebakwebana kowopela,
ne kukayikana ne tshambilidzo zowoma.
11 Iye unoda moyo mbuyanana, ne unoleba nge bubuya,
unowobe nzwalani wa Mambo.
12 Mesho a Yahwe anotjengeta luzibo,
koga banolasha matama e basingagale moyo.
13 Simbe inoti, “Kuna shuba kuzhe!
Ndowo bulawa mu zila!”
14 Nlomo we nkadzi we bamba i gomba lakangina,
iye wakagwadzigwamoyo ndi Yahwe unowowila mu lili.
15 Bulengwe gwakasungiligwa mu moyo we mwana,
koga shamu ye kunlaya inogudusila kutjena naye.
16 Iye unotshambilidza bashayi kuzwipaphidzila fumwa,
kene kupa bafumi unowobe nshayi nge kukwe.
17 Teya zebe uhwe matama e wakatjenjela,
ube ubhulutana luzibo gwangu;
18 ngobe kowokushathisa ha ugala nazo mu moyo uwo,
kakale zwigale zwili pejo ne nlomo uwo.
19 Kuti kugalabgwe kuko kube muna Yahwe,
ndakuzibisa izo nasi, iwe dumbu.
20 Apa andizokukwalila makungulupeswa ali makumi matatu
anokumbuludza ne luzibo kene,
21 kukulakidza tjakatambunuka tjili malebeswa,
ndizo kuti upe bakakutuma shandulo ye malebeswa?
22 Usitolele nshayi, ngobe ali nshayi,
kene kutshamba unosheta mu lubazhe,
23 ngobe Yahwe banowobamila,
kabuya katjinyidzila butjilo ibabo banobatjinyidzila.
24 Usitongozwizwadzanya ne nthu unoda gala akagwadzamoyo,
kene ukayenda ne nthu una shungu,
25 udwa uzwidiya zila dzidze,
udwa uzwiwana wawila mu dati.
26 Usitongobe mmwe we banogadzabgwe kupa,
bezwisungila zwikoloto.
27 Ha usina tjimwe tjaunga lipa nditjo,
unotolelegwani thobo dzidzo kusi kuko?
28 Usitongodusa n'gathu wa ntolo
wakathamiwa na botate babo.
29 Unobona nthu unyambi mu nshingo uwe kene?
Unowoma mbeli kwa bomambo,
aangame mbeli kwe bathu basina ntutshi.
1 Zina buya lakafanilo shalugwa kupinda fumwa njinji,
ne ludo gopinda siliva ne golide.
2 Bafumi ne bashayi banoshangana pathu pang'ompela,
Yahwe ndibo bakabasika bose.
3 Nthu wakatjenjela unobona mbatsha kabgwata,
koga tjilengwe tjodwilila koga tjiwila mu mbatsha.
4 Mbhayilo we kuzwiyesapasi ne kutja Yahwe,
ifumwa ne gudzo ne butjilo.
5 Mihwa ne matati amu zila ye basakalulwama,
iye unozwitjengeta unowobe kule nazo.
6 Diya mwana zila yaakafanila kutobela,
ndizo ha akula aatobhuda muili.
7 Nfumi unobusa nshayi,
ne unoadzimiwa nlanda we wan'adzima.
8 Iye unodzwala mbipo unowovuna tjiga,
ngono shamu ye bushongola gugwe inowokong'wa.
9 Iye una lubu unowokombolegwa,
ngobe unokwamulana tjiwunga tjitje ne bashayi.
10 Tatila ndadi kutjena, ngono kukwebakwebana kowopela,
ne kukayikana ne tshambilidzo zowoma.
11 Iye unoda moyo mbuyanana, ne unoleba nge bubuya,
unowobe nzwalani wa Mambo.
12 Mesho a Yahwe anotjengeta luzibo,
koga banolasha matama e basingagale moyo.
13 Simbe inoti, “Kuna shuba kuzhe!
Ndowo bulawa mu zila!”
14 Nlomo we nkadzi we bamba i gomba lakangina,
iye wakagwadzigwamoyo ndi Yahwe unowowila mu lili.
15 Bulengwe gwakasungiligwa mu moyo we mwana,
koga shamu ye kunlaya inogudusila kutjena naye.
16 Iye unotshambilidza bashayi kuzwipaphidzila fumwa,
kene kupa bafumi unowobe nshayi nge kukwe.
17 Teya zebe uhwe matama e wakatjenjela,
ube ubhulutana luzibo gwangu;
18 ngobe kowokushathisa ha ugala nazo mu moyo uwo,
kakale zwigale zwili pejo ne nlomo uwo.
19 Kuti kugalabgwe kuko kube muna Yahwe,
ndakuzibisa izo nasi, iwe dumbu.
20 Apa andizokukwalila makungulupeswa ali makumi matatu
anokumbuludza ne luzibo kene,
21 kukulakidza tjakatambunuka tjili malebeswa,
ndizo kuti upe bakakutuma shandulo ye malebeswa?
22 Usitolele nshayi, ngobe ali nshayi,
kene kutshamba unosheta mu lubazhe,
23 ngobe Yahwe banowobamila,
kabuya katjinyidzila butjilo ibabo banobatjinyidzila.
24 Usitongozwizwadzanya ne nthu unoda gala akagwadzamoyo,
kene ukayenda ne nthu una shungu,
25 udwa uzwidiya zila dzidze,
udwa uzwiwana wawila mu dati.
26 Usitongobe mmwe we banogadzabgwe kupa,
bezwisungila zwikoloto.
27 Ha usina tjimwe tjaunga lipa nditjo,
unotolelegwani thobo dzidzo kusi kuko?
28 Usitongodusa n'gathu wa ntolo
wakathamiwa na botate babo.
29 Unobona nthu unyambi mu nshingo uwe kene?
Unowoma mbeli kwa bomambo,
aangame mbeli kwe bathu basina ntutshi.