Matama a Mambo Lemuyeli
1 1 Matama a Mambo Lemuyeli, mambo we Masa aakadiyiwa na mmeyabe,
2 Ndingatini wali nkololo wangu? Ndingatini, nkololo we mbeleko yangu?
Nditini nkololo we phiko dzangu?
3 Usipedzele masimba awo mu bakadzi,
usipedzele zila dzidzo muna ibabo banokolomola bomambo.
4 Akute kuli kwa bomambo Iwe Lemuyeli,
akute kuli kwa bomambo kung'wa nkumbi we zhambi,
kene babusi ku yemula kung'wa busukwa,
5 ngobe pabangan'gwa bangadwa bakakangang'wa nlayo tjaunoleba,
ne kupeyamisa fanilo dze banotshambilidziwa.
6 Ipani busukwa nthu unofazwe,
ne nkumbi we zhambi kuna bana buyendasi bukulu,
7 ngabang'we kuti bakangang'we bushayi gwabo,
ne kukangang'wa kudziyidzika kwabo.
8 Lebelekela mbebebe
na ibabo basina bangabalebelekela.
9 Zhula nlomo uwo, usumikilise nge ndulamo,
utjengete fanilo dze bashayi ne badziyili.
Nkadzi wakalulwama
10 Ndiyani ungawana nkadzi wakati piti kene?
Ngekuti themba iye inopinda ye thakwala.
11 Moyo we nlume uwe unon'galabgwe kunokona,
akuna tjaanosheta tje themba.
12 Unoyitila nlume uwe zwakanaka, kusi zwakabipa,
mu butjilo gugwe gose.
13 Unoshaka wulu ne lutokwe,
eshinga nge bunyambi nge maboko awe.
14 Unofanana ne zwikepe zwe batengesi,
unotola zojiwa kule.
15 Unomuka kutji busikwana,
e shakila be nsha uwe zojiwa
ne kupa balandakadzi mishingo yabo.
16 Unoshaka nnda kawutenga,
nge maboko awe unolima nnda we mizhambi.
17 Unosunga thunji dzidze nge masimba,
kasimisa maboko awe.
18 Unobona kuti kushaba kukwe kombuzila,
luvone gugwe agutodzima busiku.
19 Unobhata nge maboko awe tjinolukisa,
nge maboko awe kabhata theswi dzatjo.
20 Una nzhazho ne bashayi
ka tambunudzila luboko kuna banosheta.
21 Aatotjila be nsha uwe kapuku,
ngekuti bose be nsha uwe banofuka zwinodziya.
22 Unozwithamila tyali,
ne zwimwe zwiambalo zwe mibala mibuya.
23 Nlume uwe unozibgwa ku lubazhe,
ha aligele pakati kwe bahwola be ntuthu.
24 Unothama matyila e atengesa,
unoyisa mimwandabula ku batengesi.
25 Simba ne gudzo ndizo zwiambalo zwizwe,
unoseka ha ekumbula tjibaka tjinozha.
26 Unozhula nlomo uwe elebeleka nge butjenjedu,
ne lulimi gugwe godiya buthu.
27 Uno tjengeta zwinoshingikala kuna be nsha uwe
kakale aatoja zwe busimbe.
28 Bana babe banoma nge makumbo beti kunli, “makakombolegwa,”
nlume uwe na iye unonkudza,
29 “Bakadzi banjinji bakathama zwakanaka,
koga iwe unobakunda bose.”
30 Kunaka kotjengedza, ne bubuya mazakhwa,
koga nkadzi unotja Yahwe ndiye unofanila kulumbidzwa.
31 Mumpe mitjelo ye maboko awe,
ne mishingo iye ngainlumbidze mu lubazhe.
Matama a Mambo Lemuyeli
1 1 Matama a Mambo Lemuyeli, mambo we Masa aakadiyiwa na mmeyabe,
2 Ndingatini wali nkololo wangu? Ndingatini, nkololo we mbeleko yangu?
Nditini nkololo we phiko dzangu?
3 Usipedzele masimba awo mu bakadzi,
usipedzele zila dzidzo muna ibabo banokolomola bomambo.
4 Akute kuli kwa bomambo Iwe Lemuyeli,
akute kuli kwa bomambo kung'wa nkumbi we zhambi,
kene babusi ku yemula kung'wa busukwa,
5 ngobe pabangan'gwa bangadwa bakakangang'wa nlayo tjaunoleba,
ne kupeyamisa fanilo dze banotshambilidziwa.
6 Ipani busukwa nthu unofazwe,
ne nkumbi we zhambi kuna bana buyendasi bukulu,
7 ngabang'we kuti bakangang'we bushayi gwabo,
ne kukangang'wa kudziyidzika kwabo.
8 Lebelekela mbebebe
na ibabo basina bangabalebelekela.
9 Zhula nlomo uwo, usumikilise nge ndulamo,
utjengete fanilo dze bashayi ne badziyili.
Nkadzi wakalulwama
10 Ndiyani ungawana nkadzi wakati piti kene?
Ngekuti themba iye inopinda ye thakwala.
11 Moyo we nlume uwe unon'galabgwe kunokona,
akuna tjaanosheta tje themba.
12 Unoyitila nlume uwe zwakanaka, kusi zwakabipa,
mu butjilo gugwe gose.
13 Unoshaka wulu ne lutokwe,
eshinga nge bunyambi nge maboko awe.
14 Unofanana ne zwikepe zwe batengesi,
unotola zojiwa kule.
15 Unomuka kutji busikwana,
e shakila be nsha uwe zojiwa
ne kupa balandakadzi mishingo yabo.
16 Unoshaka nnda kawutenga,
nge maboko awe unolima nnda we mizhambi.
17 Unosunga thunji dzidze nge masimba,
kasimisa maboko awe.
18 Unobona kuti kushaba kukwe kombuzila,
luvone gugwe agutodzima busiku.
19 Unobhata nge maboko awe tjinolukisa,
nge maboko awe kabhata theswi dzatjo.
20 Una nzhazho ne bashayi
ka tambunudzila luboko kuna banosheta.
21 Aatotjila be nsha uwe kapuku,
ngekuti bose be nsha uwe banofuka zwinodziya.
22 Unozwithamila tyali,
ne zwimwe zwiambalo zwe mibala mibuya.
23 Nlume uwe unozibgwa ku lubazhe,
ha aligele pakati kwe bahwola be ntuthu.
24 Unothama matyila e atengesa,
unoyisa mimwandabula ku batengesi.
25 Simba ne gudzo ndizo zwiambalo zwizwe,
unoseka ha ekumbula tjibaka tjinozha.
26 Unozhula nlomo uwe elebeleka nge butjenjedu,
ne lulimi gugwe godiya buthu.
27 Uno tjengeta zwinoshingikala kuna be nsha uwe
kakale aatoja zwe busimbe.
28 Bana babe banoma nge makumbo beti kunli, “makakombolegwa,”
nlume uwe na iye unonkudza,
29 “Bakadzi banjinji bakathama zwakanaka,
koga iwe unobakunda bose.”
30 Kunaka kotjengedza, ne bubuya mazakhwa,
koga nkadzi unotja Yahwe ndiye unofanila kulumbidzwa.
31 Mumpe mitjelo ye maboko awe,
ne mishingo iye ngainlumbidze mu lubazhe.