Ludo gwe Ndzimu
1 Kudza Yahwe, iwe meya yangu,
ne zose zwimundili,
ngazwikudze zina labo lakayengemala.
2 Kudza Yahwe, iwe meya yangu,
usikangang'we mbuzilo yabo yose.
3 Ibo banozwiibhatigwa milandu iyo yose,
banopodza magwele awo wose,
4 ndibo banodusa butjilo gugo mu gomba,
banokuambadza tjiala tje ludo gusingazunguzike ne ngoni,
5 ibo banokugutsha nge zwakanaka butjilo gugo gose
kuti ndizo butjilo gugo gube gutshwa segwe dzu.
6 Yahwe banoshinga bubuya
ne ndulamo muna bose banotshambilidziwa.
7 Bakazibisa Mushe zila dzabo,
mishingo yabo ku bathu be Iziraela.
8 Yahwe bana ngoni ne lubu,
abatotjimbidza gwadza moyo kakale bazhele ludo gusingazunguzike.
9 Abatowogala betjemela,
kakale abatogwadzilamoyo tjose.
10 Abatoshingidzana naswi kuyendidzana ne zwibi zwedu,
nenguba kuli kutibgwilizila kuyendidzana ne milandu yedu.
11 Sekwa kudzimu kuli pezhugwi kwe shango,
ludo gwenyu gusingazunguzike bukulu seni muna ibabo banobatja!
12 Sekwa kuli thambo kudwa mu bhezhuba kunoti ku golombedzo,
sa ikoku, ndiyo thambo yabakatola kusuka matjinyo edu.
13 Sekwa tate be bana bana ngoni mu bana babo,
ndizo Yahwe bana ngonibo muna ibabo banobatja.
14 Ngobe banoziba sekwa takabumbgwa,
banokumbulukigwa kuti ti hwuluba.
15 Ngekwe nthu, mazhuba awe anonga bushwa,
unothinila se luba le shango.
16 Phepo inofula pezhugwi kwalo, ngono likabe liyenda nayo,
ne bugalo gwalo gube gwalikangang'wa tjose.
17 Koga ludo gwa Yahwe gusingazunguzike gumuna ibabo banobatja,
kudwa kusina budwilo kunoti kusingapele
ne ndulamo yabo ku bana ne bana be bana babo,
18 kuna ibabo banobhata tjidumano tjabo
kakale bekumbulukigwa milayo yabo.
19 Yahwe bakathama tjigalo tjabo tje bushe kudzimu,
ne mbuso wabo unobusa kose.
20 Kudzani Yahwe, imwi mose batumwa babo be kudzimu,
imwi bakasima banothama dama labo,
imwi banohwilila dama labo labanoleba.
21 Kudzani Yahwe, imwi mibunga yabo,
bashingili babo banoshinga kuda kwabo.
22 Kudzani Yahwe, mose zwibumbiwa zwabo,
mu magalo wose e mbuso wabo.
Kudza Yahwe, iwe meya yangu.
Ludo gwe Ndzimu
1 Kudza Yahwe, iwe meya yangu,
ne zose zwimundili,
ngazwikudze zina labo lakayengemala.
2 Kudza Yahwe, iwe meya yangu,
usikangang'we mbuzilo yabo yose.
3 Ibo banozwiibhatigwa milandu iyo yose,
banopodza magwele awo wose,
4 ndibo banodusa butjilo gugo mu gomba,
banokuambadza tjiala tje ludo gusingazunguzike ne ngoni,
5 ibo banokugutsha nge zwakanaka butjilo gugo gose
kuti ndizo butjilo gugo gube gutshwa segwe dzu.
6 Yahwe banoshinga bubuya
ne ndulamo muna bose banotshambilidziwa.
7 Bakazibisa Mushe zila dzabo,
mishingo yabo ku bathu be Iziraela.
8 Yahwe bana ngoni ne lubu,
abatotjimbidza gwadza moyo kakale bazhele ludo gusingazunguzike.
9 Abatowogala betjemela,
kakale abatogwadzilamoyo tjose.
10 Abatoshingidzana naswi kuyendidzana ne zwibi zwedu,
nenguba kuli kutibgwilizila kuyendidzana ne milandu yedu.
11 Sekwa kudzimu kuli pezhugwi kwe shango,
ludo gwenyu gusingazunguzike bukulu seni muna ibabo banobatja!
12 Sekwa kuli thambo kudwa mu bhezhuba kunoti ku golombedzo,
sa ikoku, ndiyo thambo yabakatola kusuka matjinyo edu.
13 Sekwa tate be bana bana ngoni mu bana babo,
ndizo Yahwe bana ngonibo muna ibabo banobatja.
14 Ngobe banoziba sekwa takabumbgwa,
banokumbulukigwa kuti ti hwuluba.
15 Ngekwe nthu, mazhuba awe anonga bushwa,
unothinila se luba le shango.
16 Phepo inofula pezhugwi kwalo, ngono likabe liyenda nayo,
ne bugalo gwalo gube gwalikangang'wa tjose.
17 Koga ludo gwa Yahwe gusingazunguzike gumuna ibabo banobatja,
kudwa kusina budwilo kunoti kusingapele
ne ndulamo yabo ku bana ne bana be bana babo,
18 kuna ibabo banobhata tjidumano tjabo
kakale bekumbulukigwa milayo yabo.
19 Yahwe bakathama tjigalo tjabo tje bushe kudzimu,
ne mbuso wabo unobusa kose.
20 Kudzani Yahwe, imwi mose batumwa babo be kudzimu,
imwi bakasima banothama dama labo,
imwi banohwilila dama labo labanoleba.
21 Kudzani Yahwe, imwi mibunga yabo,
bashingili babo banoshinga kuda kwabo.
22 Kudzani Yahwe, mose zwibumbiwa zwabo,
mu magalo wose e mbuso wabo.
Kudza Yahwe, iwe meya yangu.