Ntembezelo wekutenda
1 Isani dendo kuna Yahwe, ngobe bakalulwama,
ludo gwabo gusingazunguzike gumile nge kusingapele.
2 Iziraela ngaati, “Ludo gwabo gusingazunguzike
gumile nge kusingapele.”
3 Be ng'umba ya Aroni ngabati,
“Ludo gwabo gusingazunguzike
gumile nge kusingapele kose.”
4 Ibabo banotja Yahwe ngabati,
“Ludo gwabo gusingazunguzike
gumile nge kusingapele kose.”
5 Ndakati ndili mu buyendasi adana Yahwe,
bakandidabila nge kundisunungula.
6 Yahwe bamile nami, anditotja.
Apa ndingashingwani nge nthu wali?
7 Yahwe bamile nami kuti bandibhatshe,
ndolinga zwita zwangu zwikundiwa.
8 Koyita kutizhila muna Yahwe
pana kugalabgwe mu nthu.
9 Koyita kutizhila kuna Yahwe
pana kugalabgwe mu bakololo be bushe.
10 Zwitjaba zose zwakandipoteleka,
koga nge zina la Yahwe ndakazwitemelela.
11 Zwakabe zwakandikomba ntha dzose,
koga nge zina la Yahwe ndakazwitemelela!
12 Zwakabe zwakandimomotela se nyutji
zwithathanyika se moto we mimihwa,
koga nge zina la Yahwe ndakazwitemelela!
13 Ndakatshindikigwa shule kwandakashokowa
koga Yahwe bakandibhatsha.
14 Yahwe ndibo simba langu ne lumbo gwangu,
batjibe ibo jidzo langu.
15 Mipululu ye shatho ne kukunda
inohwika mu mishasha ye balulwami beti,
“Luboko gwe luji gwa Yahwe gwakathama zwikulu!
16 Luboko gwe luji gwa Yahwe gomilidzigwa pezhugwi!
Luboko gwe luji gwa Yahwe gwakathama zwikulu!”
17 Andingafe, koga ndowotjila,
ndibuya nditaula ngekwe mishingo ya Yahwe.
18 Yahwe bakandiloba kunogwadza,
koga abazondibulaya.
19 Mundizhulile mikoba ye ndulamo,
kuti ndingine ndiyo nditende Yahwe.
20 Iwoyu ndiwo nkoba wa Yahwe
balulwami banowongina ndiwo.
21 Ndomutenda ngoti makandidabila
kakale mabe jidzo langu.
22 Bgwe lakalambiwa nge babaki
ndilo latjibe bgwe linotambunudza mbako.
23 Ikoku ndikwakathamwa ndi Yahwe,
kotjenamisa mu mesho edu.
24 Ileli ndilo zhuba lakathamwa ndi Yahwe,
ngatishatheni tishaladuke mulili.
25 Mutitjidze, tomukumbila imwi Yahwe,
imwi Yahwe, tomukumbila, mutipe kukunda!
26 Wakakombolegwa iye unozha nge zina la Yahwe.
Tomukudza kudwa mu ng'umba ya Yahwe.
27 Yahwe ndibo Ndzimu,
kakale bakatipa tjedza.
Makabhata thabi, thamani nlongolongo,
muswike pa tjibeso tjinopisigwa zwibhayilo.
28 Mu Ndzimu wangu, ngono ndowomutenda,
mu Ndzimu wangu, ndowomukudza.
29 Tendani Yahwe, ngobe bakalulwama,
ngobe ludo gwabo gusingazunguzike gumile nge kusingapele kose.
Ntembezelo wekutenda
1 Isani dendo kuna Yahwe, ngobe bakalulwama,
ludo gwabo gusingazunguzike gumile nge kusingapele.
2 Iziraela ngaati, “Ludo gwabo gusingazunguzike
gumile nge kusingapele.”
3 Be ng'umba ya Aroni ngabati,
“Ludo gwabo gusingazunguzike
gumile nge kusingapele kose.”
4 Ibabo banotja Yahwe ngabati,
“Ludo gwabo gusingazunguzike
gumile nge kusingapele kose.”
5 Ndakati ndili mu buyendasi adana Yahwe,
bakandidabila nge kundisunungula.
6 Yahwe bamile nami, anditotja.
Apa ndingashingwani nge nthu wali?
7 Yahwe bamile nami kuti bandibhatshe,
ndolinga zwita zwangu zwikundiwa.
8 Koyita kutizhila muna Yahwe
pana kugalabgwe mu nthu.
9 Koyita kutizhila kuna Yahwe
pana kugalabgwe mu bakololo be bushe.
10 Zwitjaba zose zwakandipoteleka,
koga nge zina la Yahwe ndakazwitemelela.
11 Zwakabe zwakandikomba ntha dzose,
koga nge zina la Yahwe ndakazwitemelela!
12 Zwakabe zwakandimomotela se nyutji
zwithathanyika se moto we mimihwa,
koga nge zina la Yahwe ndakazwitemelela!
13 Ndakatshindikigwa shule kwandakashokowa
koga Yahwe bakandibhatsha.
14 Yahwe ndibo simba langu ne lumbo gwangu,
batjibe ibo jidzo langu.
15 Mipululu ye shatho ne kukunda
inohwika mu mishasha ye balulwami beti,
“Luboko gwe luji gwa Yahwe gwakathama zwikulu!
16 Luboko gwe luji gwa Yahwe gomilidzigwa pezhugwi!
Luboko gwe luji gwa Yahwe gwakathama zwikulu!”
17 Andingafe, koga ndowotjila,
ndibuya nditaula ngekwe mishingo ya Yahwe.
18 Yahwe bakandiloba kunogwadza,
koga abazondibulaya.
19 Mundizhulile mikoba ye ndulamo,
kuti ndingine ndiyo nditende Yahwe.
20 Iwoyu ndiwo nkoba wa Yahwe
balulwami banowongina ndiwo.
21 Ndomutenda ngoti makandidabila
kakale mabe jidzo langu.
22 Bgwe lakalambiwa nge babaki
ndilo latjibe bgwe linotambunudza mbako.
23 Ikoku ndikwakathamwa ndi Yahwe,
kotjenamisa mu mesho edu.
24 Ileli ndilo zhuba lakathamwa ndi Yahwe,
ngatishatheni tishaladuke mulili.
25 Mutitjidze, tomukumbila imwi Yahwe,
imwi Yahwe, tomukumbila, mutipe kukunda!
26 Wakakombolegwa iye unozha nge zina la Yahwe.
Tomukudza kudwa mu ng'umba ya Yahwe.
27 Yahwe ndibo Ndzimu,
kakale bakatipa tjedza.
Makabhata thabi, thamani nlongolongo,
muswike pa tjibeso tjinopisigwa zwibhayilo.
28 Mu Ndzimu wangu, ngono ndowomutenda,
mu Ndzimu wangu, ndowomukudza.
29 Tendani Yahwe, ngobe bakalulwama,
ngobe ludo gwabo gusingazunguzike gumile nge kusingapele kose.