Kukudza Ng'umba ye Ndzimu
1 Imwi Yahwe, kumbulukigwani kuma na Dafite
mu mang'oni wose aakadzikitadzila.
2 Sekwa akatuna kuna Yahwe kakale
kagadzabgwe Ndzimu Masimbawose wa Jakubo,
3 “Anditowongina mu ng'umba yangu
kene aizela mu bulalo gwangu,
4 anditowo tongowanisa mesho angu hwope
kene kuli kutshumwayila,
5 kudzina ndiwanila Yahwe bugalo,
bugalo gungagagwa ndiwo Ndzimu Masimbawose wa Jakubo.”
6 Takahwilila ngekwako mu Efurata
tikakuwana mu shango ye Jaa.
7 “Ngatiyendeni ku bugalo gwawo.
Ngatiunamateni pa tjigalo tje makumbo awo.”
8 Milikani, imwi Yahwe,
muyende ku bunyatutukilo gwenyu
imwi ne Bhokisi le Tjidumano tje simba lenyu.
9 Bapirisiti benyu ngabaambadziwe nge ndulamo,
bagalimoyo benyu ngabapululudze.
10 Ngekwa Dafite nlanda wenyu
musitongo lamba nzhodziwa wenyu.
11 Yahwe bakatunila Dafite nge malebeswa
kwabasingake bakakushandukila beti,
“Mmwe we zwizekugwana zwizo,
ndowon'gadza pa tjigalo tjitjo tje bushe.
12 Ha bakololo babo bangalondolodza tjidumano tjangu
ne milayo yandinowobadiya iyo,
bakololo babo nge kusingapele,
banowogala mu tjigalo tjitjo tje bushe,
nge kusingapele kose.”
13 Ngobe Yahwe bakashalula Ziyoni,
bakaiyemulila kube bugalo gwabo.
14 “Ogu ndigo bugalo gwe bunyatutukilo
gwangu nge kusingapele kose,
ndowogala ipapa, ngobe ndakapada.
15 Ndowopakombolela kwazo nge zojiwa zwapo,
ndowogutsha bashayi bapo nge tjiwunga.
16 Bapirisiti bapo ndowobaambadza nge jidzo,
ne bagalimoyo bapo banowopululudza.
17 Ipapo ndowomedza lunyanga gumilile Dafite,
ndakalulwamisila nzhodziwa wangu luvone.
18 Zwita zwizwe ndowozwibhatisa shoni
koga munli, tjiala tje nsholo uwe tjowongadzima.”
Kukudza Ng'umba ye Ndzimu
1 Imwi Yahwe, kumbulukigwani kuma na Dafite
mu mang'oni wose aakadzikitadzila.
2 Sekwa akatuna kuna Yahwe kakale
kagadzabgwe Ndzimu Masimbawose wa Jakubo,
3 “Anditowongina mu ng'umba yangu
kene aizela mu bulalo gwangu,
4 anditowo tongowanisa mesho angu hwope
kene kuli kutshumwayila,
5 kudzina ndiwanila Yahwe bugalo,
bugalo gungagagwa ndiwo Ndzimu Masimbawose wa Jakubo.”
6 Takahwilila ngekwako mu Efurata
tikakuwana mu shango ye Jaa.
7 “Ngatiyendeni ku bugalo gwawo.
Ngatiunamateni pa tjigalo tje makumbo awo.”
8 Milikani, imwi Yahwe,
muyende ku bunyatutukilo gwenyu
imwi ne Bhokisi le Tjidumano tje simba lenyu.
9 Bapirisiti benyu ngabaambadziwe nge ndulamo,
bagalimoyo benyu ngabapululudze.
10 Ngekwa Dafite nlanda wenyu
musitongo lamba nzhodziwa wenyu.
11 Yahwe bakatunila Dafite nge malebeswa
kwabasingake bakakushandukila beti,
“Mmwe we zwizekugwana zwizo,
ndowon'gadza pa tjigalo tjitjo tje bushe.
12 Ha bakololo babo bangalondolodza tjidumano tjangu
ne milayo yandinowobadiya iyo,
bakololo babo nge kusingapele,
banowogala mu tjigalo tjitjo tje bushe,
nge kusingapele kose.”
13 Ngobe Yahwe bakashalula Ziyoni,
bakaiyemulila kube bugalo gwabo.
14 “Ogu ndigo bugalo gwe bunyatutukilo
gwangu nge kusingapele kose,
ndowogala ipapa, ngobe ndakapada.
15 Ndowopakombolela kwazo nge zojiwa zwapo,
ndowogutsha bashayi bapo nge tjiwunga.
16 Bapirisiti bapo ndowobaambadza nge jidzo,
ne bagalimoyo bapo banowopululudza.
17 Ipapo ndowomedza lunyanga gumilile Dafite,
ndakalulwamisila nzhodziwa wangu luvone.
18 Zwita zwizwe ndowozwibhatisa shoni
koga munli, tjiala tje nsholo uwe tjowongadzima.”