Kutembezelela bhatsho
1 Ihwani ntembezelo wangu, imwi Yahwe,
munditeedze nge zebe mukugalikabgwe kwenyu,
mundidabile mu ndulamo yenyu.
2 Musisumikilise nlanda wenyu,
ngobe akuna iye unotjila wakalulwama mbeli kwenyu.
3 Ngekuti tjita tjakanditobelela,
tjakandibumbuludza mu mavu,
tjikandigadza mu zhalima sa ibabo bakafa ntolo.
4 Ndabe pejo ngekuzwitoboka,
ndotjilungayila koga.
5 Ndokumbula mazhuba a ntolo
ndoalakana ngekwe mishingo yenyu.
Kozha mu nkumbulo wangu mishingo ye maboko enyu.
6 Ndomilidzila maboko angu kumuli,
meya yangu ina nyota nge kwenyu sa pasi pakawoma.
7 Mundidabile tjinyolotjo imwi Yahwe,
ndopela meya.
Musindisumbikile buso gwenyu,
ndingadwa ndinga ibabo banowila mukati kwe gomba.
8 Ngandihweni ludo gwenyu gusingazunguzike
mu mangwanana, ngobe ndogalabgwe mu muli.
Mundidiye se kwandakafanila yenda,
ngobe ndomilidzila meya yangu kumuli.
9 Mundiangule mu zwita zwangu, imwi Yahwe,
ndatizhila kumuli dizhilo.
10 Mundidiye kuthama kuda kwenyu,
ngobe mu Ndzimu wangu.
Meya yenyu yakalulwama inditungamile,
mu zila yakalizalizana.
11 Ngekwe zina lenyu, imwi Yahwe,
biganyidzani butjilo gwangu.
Mu ndulamo yenyu mu ndiduse mu tshiyilo.
12 Mu ludo gwenyu gusingazunguzike
lobesani zwita zwangu,
kakale mulobese bose banondigwisa,
ngobe ndi nlanda wenyu.
Kutembezelela bhatsho
1 Ihwani ntembezelo wangu, imwi Yahwe,
munditeedze nge zebe mukugalikabgwe kwenyu,
mundidabile mu ndulamo yenyu.
2 Musisumikilise nlanda wenyu,
ngobe akuna iye unotjila wakalulwama mbeli kwenyu.
3 Ngekuti tjita tjakanditobelela,
tjakandibumbuludza mu mavu,
tjikandigadza mu zhalima sa ibabo bakafa ntolo.
4 Ndabe pejo ngekuzwitoboka,
ndotjilungayila koga.
5 Ndokumbula mazhuba a ntolo
ndoalakana ngekwe mishingo yenyu.
Kozha mu nkumbulo wangu mishingo ye maboko enyu.
6 Ndomilidzila maboko angu kumuli,
meya yangu ina nyota nge kwenyu sa pasi pakawoma.
7 Mundidabile tjinyolotjo imwi Yahwe,
ndopela meya.
Musindisumbikile buso gwenyu,
ndingadwa ndinga ibabo banowila mukati kwe gomba.
8 Ngandihweni ludo gwenyu gusingazunguzike
mu mangwanana, ngobe ndogalabgwe mu muli.
Mundidiye se kwandakafanila yenda,
ngobe ndomilidzila meya yangu kumuli.
9 Mundiangule mu zwita zwangu, imwi Yahwe,
ndatizhila kumuli dizhilo.
10 Mundidiye kuthama kuda kwenyu,
ngobe mu Ndzimu wangu.
Meya yenyu yakalulwama inditungamile,
mu zila yakalizalizana.
11 Ngekwe zina lenyu, imwi Yahwe,
biganyidzani butjilo gwangu.
Mu ndulamo yenyu mu ndiduse mu tshiyilo.
12 Mu ludo gwenyu gusingazunguzike
lobesani zwita zwangu,
kakale mulobese bose banondigwisa,
ngobe ndi nlanda wenyu.