Ntembezelo we ndziyili
1 Yahwe, musinditjemele makagwadzamoyo,
kene kundilaya nge bushongola.
2 Misebe yenyu yakadzikila mundili,
ne tjiazha tjenyu tjandikatsha.
3 Akutjina mamuko mu mbili wangu,
nge kugwadzamoyo kwenyu,
akutjina mamuko mu mafupa angu nge tjibi tjangu.
4 Ngobe tjibi tjangu tjakandipinda,
tjotjinga ntolo unondilemela.
5 Mbonje dzangu dzonyikishila kakale dzonuhwa
nge bulengwe gwangu.
6 Ndakagogonyala ndakagoba,
zhuba lose, ndoyendayenda ndilila.
7 Mbili wangu unopisa,
akuna kuzwihwa mu mbili wangu.
8 Anditjina gwangu ndapelegwa,
ndogomela nge kuhwazogwadza kwe moyo wangu.
9 She, zose zwandakashuba mozwiziba,
kugomela kwangu akuzosumbikala kumuli.
10 Moyo wangu unoloba, matatabuko angu anopela,
ne mesho angu aatjabona.
11 Bazwalani bangu ne bakwinya bangu
bamilile kulekule nge mbonje dzangu,
ne makamu angu amile kutjena nami.
12 Ibabo banovima butjilo gwangu bakanditeya;
ibabo banoshaka kundihwisa zogwadza
banoleba ngekwe kundikubadza,
banolangana bupitipiti zhuba lose.
13 Koga ndonga bhubuzebe, anditohwa,
ndonga mbebebe isingalebeleke.
14 Ee, ndonga nthu usingahwe,
ne nlomo uwe usingalebeleke.
15 Koga ndimilile imwi Yahwe,
ndimwi Yahwe Ndzimu wangu munowodabila.
16 Ndotembezela nditi,
“Tjikulu musiletje bakashatha nge kwangu,
ibabo banondikuwelela ha ndisodzoloka!”
17 Ndabepejo ngowa,
gwadziwa akutopela mundili.
18 Ndozwileba jinyo langu;
ndohwisiwa zogwadza nge tjibi tjangu.
19 Babengi bangu imi ndisina nlandu nabo bakasima,
banjinji banondibenga kusi nge fanilo.
20 Ibabo banobgwilizila ndulamo nge bubi
banonditjinya zina ngoti ndoshinga ndulamo.
21 Musindilashe Yahwe.
Ndzimu wangu, musibekule nami.
22 Libilidzilani kundibhatsha,
imwi She jidzo langu.
Ntembezelo we ndziyili
1 Yahwe, musinditjemele makagwadzamoyo,
kene kundilaya nge bushongola.
2 Misebe yenyu yakadzikila mundili,
ne tjiazha tjenyu tjandikatsha.
3 Akutjina mamuko mu mbili wangu,
nge kugwadzamoyo kwenyu,
akutjina mamuko mu mafupa angu nge tjibi tjangu.
4 Ngobe tjibi tjangu tjakandipinda,
tjotjinga ntolo unondilemela.
5 Mbonje dzangu dzonyikishila kakale dzonuhwa
nge bulengwe gwangu.
6 Ndakagogonyala ndakagoba,
zhuba lose, ndoyendayenda ndilila.
7 Mbili wangu unopisa,
akuna kuzwihwa mu mbili wangu.
8 Anditjina gwangu ndapelegwa,
ndogomela nge kuhwazogwadza kwe moyo wangu.
9 She, zose zwandakashuba mozwiziba,
kugomela kwangu akuzosumbikala kumuli.
10 Moyo wangu unoloba, matatabuko angu anopela,
ne mesho angu aatjabona.
11 Bazwalani bangu ne bakwinya bangu
bamilile kulekule nge mbonje dzangu,
ne makamu angu amile kutjena nami.
12 Ibabo banovima butjilo gwangu bakanditeya;
ibabo banoshaka kundihwisa zogwadza
banoleba ngekwe kundikubadza,
banolangana bupitipiti zhuba lose.
13 Koga ndonga bhubuzebe, anditohwa,
ndonga mbebebe isingalebeleke.
14 Ee, ndonga nthu usingahwe,
ne nlomo uwe usingalebeleke.
15 Koga ndimilile imwi Yahwe,
ndimwi Yahwe Ndzimu wangu munowodabila.
16 Ndotembezela nditi,
“Tjikulu musiletje bakashatha nge kwangu,
ibabo banondikuwelela ha ndisodzoloka!”
17 Ndabepejo ngowa,
gwadziwa akutopela mundili.
18 Ndozwileba jinyo langu;
ndohwisiwa zogwadza nge tjibi tjangu.
19 Babengi bangu imi ndisina nlandu nabo bakasima,
banjinji banondibenga kusi nge fanilo.
20 Ibabo banobgwilizila ndulamo nge bubi
banonditjinya zina ngoti ndoshinga ndulamo.
21 Musindilashe Yahwe.
Ndzimu wangu, musibekule nami.
22 Libilidzilani kundibhatsha,
imwi She jidzo langu.