Lumbo gunolumbidza
1 Ndakalindila Yahwe nge moyo nlefu,
bakanditeedza bakahwa tjililo tjangu.
2 Bakandidusa mu gomba lina mbatsha,
bakandidusa mu dope.
Bakandimisa pezhugwi kwe shongwe,
besimisa thambo dzangu.
3 Bakalonga lumbo lutshwa mu nlomo wangu,
lumbo gwe gudzo ku Ndzimu wedu.
Banji banowobona bakatja,
ndizo banowogalabgwe Yahwe.
4 Wakakombolegwa nthu
unogalabgwe muna Yahwe.
Usingayende kuna banozwikudza,
kuna ibabo banolashika betobela
midzimu ye manyepkhwa.
5 Yahwe Ndzimu wangu, makashinga
mishingo yenyu inotjenamisa
ne njalakang'wa dzenyu nge kwedu,
akuna mmwe unonga imwi.
Ha ndabe ndingaleba nge kwazo,
ate zwingabalika nge bunji.
6 Zwibhayilo ne zwipo ate izo zwamunoyemula,
koga tjamakandipa i zebe inohwa.
Zwipo zwinopisiwa ne zwipo zwinodusigwa tjibi,
amuzotongozwishaka.
7 Ndizo ndakati, “Bonani, ndozha;
mu lukwalo kwakakwagwa nge kwangu.
8 Ndoshathila kuthama kuda kwenyu,
Ndzimu wangu nlayo wenyu umu moyo wangu.”
9 Ndakaleba ndebo mbuya ye
kutjidziwa mu gubungano gulu.
Sekwa munoziba andizozhalila
nlomo wangu anyalala Yahwe.
10 Andizosumbika bhatsho yenyu
inotjidza mukati kwe moyo wangu.
Ndakaleba ngekwe kugalikabgwe
kwenyu nenge jidzo lenyu.
Andizosumbika ludo gwenyu gusingazunguzike
nenge kugalikabgwe kwenyu mu gubungano gulu.
11 Musindishayile ngoni Yahwe,
ludo gwenyu ngusingazunguzike ne kugalikabgwe
kunditjengete nge kusingapele.
Ntembezelo we bhatsho
(Lumbo 70)12 Zwibiibi zwisina mbalo zwakandipoteleka.
Zwibi zwangu zwakandikulila
kuswikila ndisingatjabone.
Zopinda mavudzi e nsholo wangu,
moyo wangu wandipedza masimba.
13 Shathisiwani nge kunditjidza Yahwe.
Yahwe libilidzani kundibhatsha.
14 Bose banoshaka kundibulaya
ngababhatisiwe shoni bahwumanyiwe.
Ngababgwiliziwe shule basilumbidziwe
ibabo banoshaka kundikubadza.
15 Ngabakaabadziwe ngobhatisiwa shoni kwabo
ibabo banoti kundili, “Ehe, Ehe!”
16 Koga bose banomushaka
ngabapululudze bashathe mu muli.
Bose banoda jidzo lenyu
ngabagale beti, “Ku nkulu Yahwe!”
17 Koga imi nge kwangu ndi nshayi ndosheta,
koga Yahwe banokumbula nge kwangu.
Ndimwi bhatsho ne nsununguli wangu,
musinonoke Ndzimu wangu.
Lumbo gunolumbidza
1 Ndakalindila Yahwe nge moyo nlefu,
bakanditeedza bakahwa tjililo tjangu.
2 Bakandidusa mu gomba lina mbatsha,
bakandidusa mu dope.
Bakandimisa pezhugwi kwe shongwe,
besimisa thambo dzangu.
3 Bakalonga lumbo lutshwa mu nlomo wangu,
lumbo gwe gudzo ku Ndzimu wedu.
Banji banowobona bakatja,
ndizo banowogalabgwe Yahwe.
4 Wakakombolegwa nthu
unogalabgwe muna Yahwe.
Usingayende kuna banozwikudza,
kuna ibabo banolashika betobela
midzimu ye manyepkhwa.
5 Yahwe Ndzimu wangu, makashinga
mishingo yenyu inotjenamisa
ne njalakang'wa dzenyu nge kwedu,
akuna mmwe unonga imwi.
Ha ndabe ndingaleba nge kwazo,
ate zwingabalika nge bunji.
6 Zwibhayilo ne zwipo ate izo zwamunoyemula,
koga tjamakandipa i zebe inohwa.
Zwipo zwinopisiwa ne zwipo zwinodusigwa tjibi,
amuzotongozwishaka.
7 Ndizo ndakati, “Bonani, ndozha;
mu lukwalo kwakakwagwa nge kwangu.
8 Ndoshathila kuthama kuda kwenyu,
Ndzimu wangu nlayo wenyu umu moyo wangu.”
9 Ndakaleba ndebo mbuya ye
kutjidziwa mu gubungano gulu.
Sekwa munoziba andizozhalila
nlomo wangu anyalala Yahwe.
10 Andizosumbika bhatsho yenyu
inotjidza mukati kwe moyo wangu.
Ndakaleba ngekwe kugalikabgwe
kwenyu nenge jidzo lenyu.
Andizosumbika ludo gwenyu gusingazunguzike
nenge kugalikabgwe kwenyu mu gubungano gulu.
11 Musindishayile ngoni Yahwe,
ludo gwenyu ngusingazunguzike ne kugalikabgwe
kunditjengete nge kusingapele.
Ntembezelo we bhatsho
(Lumbo 70)12 Zwibiibi zwisina mbalo zwakandipoteleka.
Zwibi zwangu zwakandikulila
kuswikila ndisingatjabone.
Zopinda mavudzi e nsholo wangu,
moyo wangu wandipedza masimba.
13 Shathisiwani nge kunditjidza Yahwe.
Yahwe libilidzani kundibhatsha.
14 Bose banoshaka kundibulaya
ngababhatisiwe shoni bahwumanyiwe.
Ngababgwiliziwe shule basilumbidziwe
ibabo banoshaka kundikubadza.
15 Ngabakaabadziwe ngobhatisiwa shoni kwabo
ibabo banoti kundili, “Ehe, Ehe!”
16 Koga bose banomushaka
ngabapululudze bashathe mu muli.
Bose banoda jidzo lenyu
ngabagale beti, “Ku nkulu Yahwe!”
17 Koga imi nge kwangu ndi nshayi ndosheta,
koga Yahwe banokumbula nge kwangu.
Ndimwi bhatsho ne nsununguli wangu,
musinonoke Ndzimu wangu.