Ndzimu unowokunda
1 Ndzimu ngabamilike, zwita zwawo zose ngazwipaladziwe;
bose banowubenga ngabapaladziwe.
2 Se busi gututudziwa nge phepo, Ndzimu ngawubatutudze;
se phola inyawuka pa moto,
babi ngabalobesiwe nge Ndzimu.
3 Koga balulwami ngabashathe;
ngabashathe mbeli kwe Ndzimu;
ngabashathe kwazokwazo bapululudze.
4 Mbilani Ndzimu, imbani njimbo dzinokudza zina lawo;
milidzani mahwi muwumbile lumbo
iwo unoyenda ali mu makole
zina lawo ndi Yahwe muukudze.
5 Tate besiyang'wa kakale mmilili we tjilikadzi
ndiwo Ndzimu mu bugalo gwawo gwakayengemala.
6 Ndzimu unopa badziyili nzi kuti bagale muwuli;
unotungamilila basungwa mukubhudilila,
koga bapanduki banotjilila mu shango yakathukudzika.
7 Imwi Ndzimu, makati pamakabe makatungamila bathu benyu,
makapalama tjilambanyika,
8 shango yakatengenyeka, zhuzhugwi kukatebula vula,
pawakabe ulipo Ndzimu, Ndzimu we Sinai,
pawakabe ulipo Ndzimu, Ndzimu we Iziraela.
9 Ndzimu, makanisa vula isishoma;
makamusa shango yenyu yakabe yathukudzika.
10 Pkhwizi dzenyu dzakawana bugalo ipapo;
mubululwami gwenyu, Ndzimu, makapa basheti.
11 She banopa ndaulo;
banji bakasenga matama iyawo;
12 “Bomambo be babhayani banotizha, banotizha!”
Bakadzi ku mizi bakathubukana thundu yakatapiwa,
13 nenguba begala pakati kwe pkhwizi,
mapapilo e njiba akambadziwa siliva,
malunganilo akambadziwa golide ye mbala nkwakwa.
14 Pakati Masimbawose bakapaladza bo mambo ikoko,
kapuku tjikawa mu Zalimoni.
15 Iwe dombo gulu, Dombo le Bhashani.
Iwe dombo linatheswi njinji,
Dombo le Bhashani!
16 Ini ulinga ngoyemula,
iwe dombo letheswi njinji,
ku dombo lakadiwa nge Ndzimu,
kuti libe bugalo gwawo,
iko Yahwe kwabanowogala nge kusingapele?
17 Nge koloyi hwuluhwulu njinji dzili zwiwulu zwinjinji,
She bakadwa ku Sinai
bezha pathu pakayengemala.
18 Makatatha dombo lakakulila pezhugwi,
makatungamila bakatapiwa mu ngwa kakale
muamutjila zwipo mu bathu,
ne muna ibabo banopandukila bugalo gwa Yahwe Ndzimu.
19 Ndzimu ngawukudziwe,
iwo unotimilidza zhuba ne zhuba;
Ndzimu i jidzo ledu.
20 Ndzimu wedu Ndzimu we jidzo
Yahwe, ibo She, i dizhilo lebanotizha lufu.
21 Koga Ndzimu unowopkhwanya
misholo ye zwita zwawo.
Zwiala zwina bukuse zwa ibabo banoyenda
mu zila dzabo dze bubi gwabo.
22 She bakati,
“Ndowobabuza kudwa ku Bhashani,
ndowobabuza kudwa kusikusi kwe gungwa,
23 kuti ndizo mungule makumbo enyu mu malopa abo,
kuti ndizo mbgwa dzenyu dziwane gobe mu zwita zwenyu.”
24 Nlongolongo we bathu benyu
wakabong'wa ne mmwe ne mmwe,
nlongolongo we gubungano le Ndzimu, mambo wangu
lingina pa bugalo gugwe gwakayengemala.
25 Bambi bali mbeli, balidzi be zwilidzo bali shule,
pakati kwabo kuna baanadi belidza dzithamborini:
26 “Kudzani Ndzimu mu gubungano gulu,
ibo Yahwe, imwi nsenya usingapkhwe we Iziraela!”
27 Bhenjamini, iye ntukunu tjose mubali, akabatungamila
hadzasha dze Juda ne gupo labo,
ne hadzasha dze Zebhuloni,
ne hadzasha dze Nafutali.
28 Zhisani masimba enyu makulu, Ndzimu;
lakidzani simba lenyu, Ndzimu,
sekwa makatongothama mu lubaka gwakapinda.
29 Muthamila ng'umba yenyu iku Jerusalema
bomambo kwabanoyisa zwipo.
30 Tjemelani Egipiti inonga vubu inogala mu shanga dze gwizi.
Tjemelani tjaba dzinonga mikono ina phulu,
dzinotshamba tshamba bathu dzishaka siliva.
Tshambani nge makumbo ibabo banotolela bathu makhetho,
paladzani bathu banoshathisiwa nge ngwa.
31 Hadzasha dzowodwa ku Egipiti;
shango ye Itopiya ngailibilidzile kumilidzila
Ndzimu maboko abo beukudza.
32 Mbilani Ndzimu imwi mibuso ye shango;
mbilani Ndzimu njimbo dzinoukudza,
33 ibo banoyenda mu zhuzhugwi, zhuzhugwi lakabepo ntolo tjose,
hwililani, Ndzimu unodusa hwi lawo lina masimba makulu.
34 Lebani muti Ndzimu una masimba,
unobusa Iziraela;
zhuzhugwi lolakidza simba lawo.
35 Ndzimu unotjenamisa seni uli mu bugalo gwawo gwakayengemala,
Ndzimu we Iziraela
unopa simba ne matatabuko bathu bawo.
Ndzimu ngawukudziwe.
Ndzimu unowokunda
1 Ndzimu ngabamilike, zwita zwawo zose ngazwipaladziwe;
bose banowubenga ngabapaladziwe.
2 Se busi gututudziwa nge phepo, Ndzimu ngawubatutudze;
se phola inyawuka pa moto,
babi ngabalobesiwe nge Ndzimu.
3 Koga balulwami ngabashathe;
ngabashathe mbeli kwe Ndzimu;
ngabashathe kwazokwazo bapululudze.
4 Mbilani Ndzimu, imbani njimbo dzinokudza zina lawo;
milidzani mahwi muwumbile lumbo
iwo unoyenda ali mu makole
zina lawo ndi Yahwe muukudze.
5 Tate besiyang'wa kakale mmilili we tjilikadzi
ndiwo Ndzimu mu bugalo gwawo gwakayengemala.
6 Ndzimu unopa badziyili nzi kuti bagale muwuli;
unotungamilila basungwa mukubhudilila,
koga bapanduki banotjilila mu shango yakathukudzika.
7 Imwi Ndzimu, makati pamakabe makatungamila bathu benyu,
makapalama tjilambanyika,
8 shango yakatengenyeka, zhuzhugwi kukatebula vula,
pawakabe ulipo Ndzimu, Ndzimu we Sinai,
pawakabe ulipo Ndzimu, Ndzimu we Iziraela.
9 Ndzimu, makanisa vula isishoma;
makamusa shango yenyu yakabe yathukudzika.
10 Pkhwizi dzenyu dzakawana bugalo ipapo;
mubululwami gwenyu, Ndzimu, makapa basheti.
11 She banopa ndaulo;
banji bakasenga matama iyawo;
12 “Bomambo be babhayani banotizha, banotizha!”
Bakadzi ku mizi bakathubukana thundu yakatapiwa,
13 nenguba begala pakati kwe pkhwizi,
mapapilo e njiba akambadziwa siliva,
malunganilo akambadziwa golide ye mbala nkwakwa.
14 Pakati Masimbawose bakapaladza bo mambo ikoko,
kapuku tjikawa mu Zalimoni.
15 Iwe dombo gulu, Dombo le Bhashani.
Iwe dombo linatheswi njinji,
Dombo le Bhashani!
16 Ini ulinga ngoyemula,
iwe dombo letheswi njinji,
ku dombo lakadiwa nge Ndzimu,
kuti libe bugalo gwawo,
iko Yahwe kwabanowogala nge kusingapele?
17 Nge koloyi hwuluhwulu njinji dzili zwiwulu zwinjinji,
She bakadwa ku Sinai
bezha pathu pakayengemala.
18 Makatatha dombo lakakulila pezhugwi,
makatungamila bakatapiwa mu ngwa kakale
muamutjila zwipo mu bathu,
ne muna ibabo banopandukila bugalo gwa Yahwe Ndzimu.
19 Ndzimu ngawukudziwe,
iwo unotimilidza zhuba ne zhuba;
Ndzimu i jidzo ledu.
20 Ndzimu wedu Ndzimu we jidzo
Yahwe, ibo She, i dizhilo lebanotizha lufu.
21 Koga Ndzimu unowopkhwanya
misholo ye zwita zwawo.
Zwiala zwina bukuse zwa ibabo banoyenda
mu zila dzabo dze bubi gwabo.
22 She bakati,
“Ndowobabuza kudwa ku Bhashani,
ndowobabuza kudwa kusikusi kwe gungwa,
23 kuti ndizo mungule makumbo enyu mu malopa abo,
kuti ndizo mbgwa dzenyu dziwane gobe mu zwita zwenyu.”
24 Nlongolongo we bathu benyu
wakabong'wa ne mmwe ne mmwe,
nlongolongo we gubungano le Ndzimu, mambo wangu
lingina pa bugalo gugwe gwakayengemala.
25 Bambi bali mbeli, balidzi be zwilidzo bali shule,
pakati kwabo kuna baanadi belidza dzithamborini:
26 “Kudzani Ndzimu mu gubungano gulu,
ibo Yahwe, imwi nsenya usingapkhwe we Iziraela!”
27 Bhenjamini, iye ntukunu tjose mubali, akabatungamila
hadzasha dze Juda ne gupo labo,
ne hadzasha dze Zebhuloni,
ne hadzasha dze Nafutali.
28 Zhisani masimba enyu makulu, Ndzimu;
lakidzani simba lenyu, Ndzimu,
sekwa makatongothama mu lubaka gwakapinda.
29 Muthamila ng'umba yenyu iku Jerusalema
bomambo kwabanoyisa zwipo.
30 Tjemelani Egipiti inonga vubu inogala mu shanga dze gwizi.
Tjemelani tjaba dzinonga mikono ina phulu,
dzinotshamba tshamba bathu dzishaka siliva.
Tshambani nge makumbo ibabo banotolela bathu makhetho,
paladzani bathu banoshathisiwa nge ngwa.
31 Hadzasha dzowodwa ku Egipiti;
shango ye Itopiya ngailibilidzile kumilidzila
Ndzimu maboko abo beukudza.
32 Mbilani Ndzimu imwi mibuso ye shango;
mbilani Ndzimu njimbo dzinoukudza,
33 ibo banoyenda mu zhuzhugwi, zhuzhugwi lakabepo ntolo tjose,
hwililani, Ndzimu unodusa hwi lawo lina masimba makulu.
34 Lebani muti Ndzimu una masimba,
unobusa Iziraela;
zhuzhugwi lolakidza simba lawo.
35 Ndzimu unotjenamisa seni uli mu bugalo gwawo gwakayengemala,
Ndzimu we Iziraela
unopa simba ne matatabuko bathu bawo.
Ndzimu ngawukudziwe.