Ndzimu mambo nkulu
1 Yahwe banobusa, bathu ngabateteme!
Bagele mu tjigalo tje bushe pakati kwe dzikherubhu,
shango ngayi tengenyeke!
2 Yahwe bankulu mu Ziyoni,
banokudziwa kupinda zwitjaba zose.
3 Ngabakudze zina lenyu gulu linotjika.
Bakayengemala!
4 Mambo bana masimba, banoda ndulamo
imwi makathama ndizandizanyo
makashingikadza thambunuko
ne ndulamo muna Jakubo.
5 Kudzani Yahwe Ndzimu wedu,
namatani muli pa tjigalo tje makumbo abo.
Bakayengemala!
6 Mushe na Aroni bakabe bali bamwe be bapirisiti babo,
Samuele wakabe ali mmwe we bakadana zina labo.
Bakalilila Yahwe, ngono bakabadabila.
7 Bakalebeleka nabo bali mu gole,
bakahwilila milayo yabo,
ne ndaulo dzabakabapa.
8 Imwi Yahwe Ndzimu wedu, makabadabila,
makabe Ndzimu unobazwiibhatigwa,
koga mu mbgwilizili we matjinyo abo.
9 Kudzani Yahwe Ndzimu wedu,
ngono mubanamate ku dombo labo lakayengemala,
ngobe Yahwe Ndzimu wedu bakayengemala.
Ndzimu mambo nkulu
1 Yahwe banobusa, bathu ngabateteme!
Bagele mu tjigalo tje bushe pakati kwe dzikherubhu,
shango ngayi tengenyeke!
2 Yahwe bankulu mu Ziyoni,
banokudziwa kupinda zwitjaba zose.
3 Ngabakudze zina lenyu gulu linotjika.
Bakayengemala!
4 Mambo bana masimba, banoda ndulamo
imwi makathama ndizandizanyo
makashingikadza thambunuko
ne ndulamo muna Jakubo.
5 Kudzani Yahwe Ndzimu wedu,
namatani muli pa tjigalo tje makumbo abo.
Bakayengemala!
6 Mushe na Aroni bakabe bali bamwe be bapirisiti babo,
Samuele wakabe ali mmwe we bakadana zina labo.
Bakalilila Yahwe, ngono bakabadabila.
7 Bakalebeleka nabo bali mu gole,
bakahwilila milayo yabo,
ne ndaulo dzabakabapa.
8 Imwi Yahwe Ndzimu wedu, makabadabila,
makabe Ndzimu unobazwiibhatigwa,
koga mu mbgwilizili we matjinyo abo.
9 Kudzani Yahwe Ndzimu wedu,
ngono mubanamate ku dombo labo lakayengemala,
ngobe Yahwe Ndzimu wedu bakayengemala.