1 Tjayendapi tjibhayamoyo tjitjo,
iwe mbuya kupinda bakadzi bose?
Tjatendebukilapi tjibhayamoyo tjitjo,
kuti ndizo tikushakise itjo?
2 Tjibhayamoyo tjangu tjayenda ku nda watjo,
ku minda dze zwipayisi,
kunofudza mbudzi ne pkhwizi ku minda
ne kunotjela maluba.
3 Imi ndi tjibhayamoyo tjitje iye tjibhayamoyo tjangu,
tjofudza mbudzi ne pkhwizi dzidze pakati kwe maluba.
Lumbo gwe bushanu
4 Wakanaka se Tireza, tjido tjangu,
umbuya se Jerusalema,
wakabangalala se ngwa yakashakatila.
5 Usindilinge nge mesho awo, anondidzidzimusa,
mavudzi awo anonga ngubi ye mbudzi,
dzidelukila pasi kwe matuthu e Giliyadi.
6 Meno awo anonga ngubi ye pkhwizi hadzi dzadwa pa ngudziwa,
dzose dzozwala mabili, kusina ne ing'ompela yafigwa ne mwana.
7 Matama awo anonga mbabi dze pomegiranate,
ha ualinga ali mukati kwe lusiri.
8 Kuna makumi matathatu (60) e bafumakadzi
ne makumi ali zhanakadzi (80) e balongwana ne
baanadi basibashoma.
9 Njiba yangu, mbuya wangu, iye koga,
tjido tja mme batjo,
tjisina ne nlandu wose kuna wakatjizwala.
Baanadi bakambona bakan'dana kushatha,
bafumakadzi ne balongwana naibo bo bakan'lumbidza.
10 Ndiyani iwoyu unonga mazhokuyedza,
mbuya se mwedzi, unopenya se zhuba,
wakabangalala se ngwa yakashakatila?
11 Ndakayenda kunda we manongo,
kunobona maluba e nkuku,
kunobona kene mizhambi yakaluma,
ne kuti kene dzipomegiranate dzina maluba.
12 Kwakati nditjakafala, yemula yangu
ikandigadza mu koloyi dze bumambo dze bathu bangu.
13 Shanduka, shanduka, iwe N'shulamu,
shanduka, shanduka ndizo tilinge kukuli.
Ini tigalabgwe N'shulamu,
se nzano pakati kwe ngwa mbili?
1 Tjayendapi tjibhayamoyo tjitjo,
iwe mbuya kupinda bakadzi bose?
Tjatendebukilapi tjibhayamoyo tjitjo,
kuti ndizo tikushakise itjo?
2 Tjibhayamoyo tjangu tjayenda ku nda watjo,
ku minda dze zwipayisi,
kunofudza mbudzi ne pkhwizi ku minda
ne kunotjela maluba.
3 Imi ndi tjibhayamoyo tjitje iye tjibhayamoyo tjangu,
tjofudza mbudzi ne pkhwizi dzidze pakati kwe maluba.
Lumbo gwe bushanu
4 Wakanaka se Tireza, tjido tjangu,
umbuya se Jerusalema,
wakabangalala se ngwa yakashakatila.
5 Usindilinge nge mesho awo, anondidzidzimusa,
mavudzi awo anonga ngubi ye mbudzi,
dzidelukila pasi kwe matuthu e Giliyadi.
6 Meno awo anonga ngubi ye pkhwizi hadzi dzadwa pa ngudziwa,
dzose dzozwala mabili, kusina ne ing'ompela yafigwa ne mwana.
7 Matama awo anonga mbabi dze pomegiranate,
ha ualinga ali mukati kwe lusiri.
8 Kuna makumi matathatu (60) e bafumakadzi
ne makumi ali zhanakadzi (80) e balongwana ne
baanadi basibashoma.
9 Njiba yangu, mbuya wangu, iye koga,
tjido tja mme batjo,
tjisina ne nlandu wose kuna wakatjizwala.
Baanadi bakambona bakan'dana kushatha,
bafumakadzi ne balongwana naibo bo bakan'lumbidza.
10 Ndiyani iwoyu unonga mazhokuyedza,
mbuya se mwedzi, unopenya se zhuba,
wakabangalala se ngwa yakashakatila?
11 Ndakayenda kunda we manongo,
kunobona maluba e nkuku,
kunobona kene mizhambi yakaluma,
ne kuti kene dzipomegiranate dzina maluba.
12 Kwakati nditjakafala, yemula yangu
ikandigadza mu koloyi dze bumambo dze bathu bangu.
13 Shanduka, shanduka, iwe N'shulamu,
shanduka, shanduka ndizo tilinge kukuli.
Ini tigalabgwe N'shulamu,
se nzano pakati kwe ngwa mbili?