Lukwalo gunowuluka
1 Ngono ndakati ndimilidza mesho kakale abona lukwalo guwuluka mbeli kwangu. 2 Ngono ntumwa we kudzimu kandibhuzwa eti, “Unobonani?” Adabila nditi, “Ndobona lukwalo gwe bulefu gwe thambo dzili zhanalume ne bupabi gwe thambo nna dzina gaswa guwuluka.” 3 Ipapo kabe eti kundili, “Ikoku i bhiso linoandama nge shango yose, ngoti kuyenda nge kwalo iye unokwiba unowotatiwa, naiye unotuna nge manyepkhwa unowotatiwabo kuyenda nge bhiso. 4 Yahwe Masimbawose banoleba beti, ‘Ndotumila bhiso ngono lowongina mu ng'umba ye mbava ne ng'umba ya iye unotuna nge manyepkhwa nge zina langu ngono lowogala mu ng'umba iye kudzina liyikolomola kose mapango ne mabgwe ayo.’ ”
Nkadzi umu itundu
5 Ntumwa we kudzimu wakabe elebeleka nami kazha mbeli ngono kati kundili, “Milidza mesho awo ngono ubone tjaswika.” 6 Abe nditi, “Ini ikoku?” Kashandula eti, “Ikoku itundu tjaswika.” Ngono kabe eti, “Ikoku i jinyo le bathu lakaandama nge shango yose.” 7 Ngono ipapo abona, tjizwino tjinolema tje ntodo tjikafumugwa ngono abona nkadzi ali gele mu itundu. 8 Ntumwa we kudzimu kabe eti kundili, “Ikoku bubi.” Ngono kasundila nkadzi iwoyu mu itundu kabe efumika ne tjizwino tje ntodo. 9 Ndakati ndimilidza mesho angu abona bakadzi babili bewulukila kundili, phepo yakabe ili mu mapapilo abo, bakabe bana mapapilo anonga e hanganlobe. Bakazha betola itundu ngono bakatjimilidzila pakati kwe kudzimu ne shango. 10 Ngono abhuzwa ntumwa we kudzimu wakabe elebeleka nami nditi, “Banoyisa ngai itundu?” 11 Wakandishandula eti, “Banonotjiyisa ku shango ye Shinari, kutjibakila ng'umba ikoko, ngono inowoti yatjipela bakanobiga itundu ikoku.”
Lukwalo gunowuluka
1 Ngono ndakati ndimilidza mesho kakale abona lukwalo guwuluka mbeli kwangu. 2 Ngono ntumwa we kudzimu kandibhuzwa eti, “Unobonani?” Adabila nditi, “Ndobona lukwalo gwe bulefu gwe thambo dzili zhanalume ne bupabi gwe thambo nna dzina gaswa guwuluka.” 3 Ipapo kabe eti kundili, “Ikoku i bhiso linoandama nge shango yose, ngoti kuyenda nge kwalo iye unokwiba unowotatiwa, naiye unotuna nge manyepkhwa unowotatiwabo kuyenda nge bhiso. 4 Yahwe Masimbawose banoleba beti, ‘Ndotumila bhiso ngono lowongina mu ng'umba ye mbava ne ng'umba ya iye unotuna nge manyepkhwa nge zina langu ngono lowogala mu ng'umba iye kudzina liyikolomola kose mapango ne mabgwe ayo.’ ”
Nkadzi umu itundu
5 Ntumwa we kudzimu wakabe elebeleka nami kazha mbeli ngono kati kundili, “Milidza mesho awo ngono ubone tjaswika.” 6 Abe nditi, “Ini ikoku?” Kashandula eti, “Ikoku itundu tjaswika.” Ngono kabe eti, “Ikoku i jinyo le bathu lakaandama nge shango yose.” 7 Ngono ipapo abona, tjizwino tjinolema tje ntodo tjikafumugwa ngono abona nkadzi ali gele mu itundu. 8 Ntumwa we kudzimu kabe eti kundili, “Ikoku bubi.” Ngono kasundila nkadzi iwoyu mu itundu kabe efumika ne tjizwino tje ntodo. 9 Ndakati ndimilidza mesho angu abona bakadzi babili bewulukila kundili, phepo yakabe ili mu mapapilo abo, bakabe bana mapapilo anonga e hanganlobe. Bakazha betola itundu ngono bakatjimilidzila pakati kwe kudzimu ne shango. 10 Ngono abhuzwa ntumwa we kudzimu wakabe elebeleka nami nditi, “Banoyisa ngai itundu?” 11 Wakandishandula eti, “Banonotjiyisa ku shango ye Shinari, kutjibakila ng'umba ikoko, ngono inowoti yatjipela bakanobiga itundu ikoku.”