Yahwe banogadzabgwe kululwamisa Jerusalema
1 Ngono dama la Yahwe Masimbawose lakazha kundili liti, 2 “Yahwe Masimbawose bakati, ‘Ndobinda kukulu kwazo ngekwe Ziyoni, ngono kubinda kwangu kuzhele bushongola bukulu kwazo.’ 3 Ndizo Yahwe bakati, ‘Ndowobgwilila ku Ziyoni, ndowogala pakati kwe Jerusalema, ngono Jerusalema inowodang'wa nzi nkulu we malebeswa, dombo la Yahwe Masimbawose, dombo lakayengemala.’ 4 Yahwe Masimbawose bakati, ‘Sholo tjena dze bathuntana ne dze bakadzikulu dzowogala mu dzizila dze Jerusalema kakale, mmwe ne mmwe akabhata ludozo nge luboko gugwe kuyendidzana nge mazhuba e butjilo gugwe. 5 Zila dze nzi nkulu dzowozhala balisana ne baanadana bezana mudzili.’
6 “Yahwe Masimbawose bakati, ‘Apa malimbelimbe e bathu ibaba be misi iyeyi bangati ikoku kwakasima, apa nami nditi kwakasima kene?’
Kojalo Yahwe Masimbawose.7 “Yahwe Masimbawose banolebeleka bakati, ‘Bonani, ndowosunungula bathu bangu mu shango ye kunobhuda zhuba ne shango ye kunomila zhuba, 8 ndibabuza kuti bawobaka mu Jerusalema. Banowobe bathu bangu, imi ndowobe Ndzimu wabo nge malebeswa ne ndulamo.’
9 “Yahwe Masimbawose banolebeleka bakati, ‘Longani mafupa mu nyama, imwi mu misi iyeyi magala muhwa matama iyahwa anodwa mu milomo ye balebesambeli, kudwa tjose mukuteyiwa kwe ng'umba ya Yahwe Masimbawose, kuti kubakiwe Ng'umba ye Ndzimu. 10 Ngoti misi yakati isathu yaswika kwakabe kusina ndipo ye nthu kene ng'ombe. Kwakabe kusina ungabhuda kanothama mishingo iye ngoti bakabe betja zwita zwabo, ngoti ndakabe ndigwisanya bathu bose. 11 Koga ngwenu andingatjathamile malimbelimbe e bathu ibaba sekwa ndakabathamila mu mazhuba ekutanga,
koleba Yahwe Masimbawose.12 “ ‘Ngoti ndowodzwala mbewu ye kunyalala, nzhambi unowozwala mitjelo yawo ngono na pasi kowodusa zwizwalo zwako, zhuzhugwi kowowisa khawa ngono ndowothama kuti malimbelimbe e bathu ibaba awane zwithu zose izwezwi. 13 Kutanga makabe muli bhiso ku zwitjaba imwi Bajuta namwi Baiziraela, ngono ngwenu ndowomusungunula kuti ndizo mube makombolelo. Musitje, longani mafupa mu nyama!’
14 “Ngobe Yahwe Masimbawose bakati, ‘Sekwa ndakabe ndazwimisila kumuthama tjakabipa, ngoti bobatategulu benyu bakabe banditanga kuti ndizhigwe nge bushongola, andizobgwilila shule,’
kojalo Yahwe Masimbawose.15 “ ‘Ndizoke na ngwenu kakale ndazwimisila kuti ndithamile Jerusalema ne Bajuda bubuya mu mazhuba iyawa, musitje. 16 Zwamakafanila thama ndiyezwi: Lebelanani malebeswa, ku mabazhe enyu sumikilisani nge lebeswa kakale mugadzane nge kunyalala. 17 Musilukilane makwanga. Bengani tuna kwe manyepkhwa ngoti ndobenga zwithu izwezwi zose,’
koleba Yahwe.”18 Ngono dama la Yahwe Masimbawose lakazha kundili liti, 19 “Yahwe Masimbawose banolebeleka beti, ‘Kuzwinyima zojiwa kwe mwedzi we bunna ne kuzwinyima zojiwa kwe mwedzi we bushanu ne kwe mwedzi we butendeka ne kwe mwedzi we bugumi kowobe zwibaka zwe shatho ne mizano ye kupembela mu Bajuta, ndizo idani malebeswa ne kunyalala.’
20 “Yahwe Masimbawose bakati, ‘Kutjowozha bathu ibo bagali be mizi minjinji, 21 bagali be nzi mmwe banowoyenda ku mmwe nzi beti, “Izhani tjinyolotjo tinokumbila mahwilongoni kuna Yahwe ne kushaka Yahwe Masimbawose. Naswibo toyenda.” ’ 22 Kowozha njudzi ne zwitjaba zwikulu kuwoshaka Yahwe Masimbawose mu Jerusalema ne kukumbila mahwilongoni muna Yahwe. 23 Yahwe Masimbawose bakati, ‘Mu mazhuba iyawo balume bali gumi be ndimi dzose dze zwitjaba banowobhata Njuta nng'ompela beti, “Ngatiyendeni namwi ngoti tahwa kuti Ndzimu unamwi.” ’ ”
Yahwe banogadzabgwe kululwamisa Jerusalema
1 Ngono dama la Yahwe Masimbawose lakazha kundili liti, 2 “Yahwe Masimbawose bakati, ‘Ndobinda kukulu kwazo ngekwe Ziyoni, ngono kubinda kwangu kuzhele bushongola bukulu kwazo.’ 3 Ndizo Yahwe bakati, ‘Ndowobgwilila ku Ziyoni, ndowogala pakati kwe Jerusalema, ngono Jerusalema inowodang'wa nzi nkulu we malebeswa, dombo la Yahwe Masimbawose, dombo lakayengemala.’ 4 Yahwe Masimbawose bakati, ‘Sholo tjena dze bathuntana ne dze bakadzikulu dzowogala mu dzizila dze Jerusalema kakale, mmwe ne mmwe akabhata ludozo nge luboko gugwe kuyendidzana nge mazhuba e butjilo gugwe. 5 Zila dze nzi nkulu dzowozhala balisana ne baanadana bezana mudzili.’
6 “Yahwe Masimbawose bakati, ‘Apa malimbelimbe e bathu ibaba be misi iyeyi bangati ikoku kwakasima, apa nami nditi kwakasima kene?’
Kojalo Yahwe Masimbawose.7 “Yahwe Masimbawose banolebeleka bakati, ‘Bonani, ndowosunungula bathu bangu mu shango ye kunobhuda zhuba ne shango ye kunomila zhuba, 8 ndibabuza kuti bawobaka mu Jerusalema. Banowobe bathu bangu, imi ndowobe Ndzimu wabo nge malebeswa ne ndulamo.’
9 “Yahwe Masimbawose banolebeleka bakati, ‘Longani mafupa mu nyama, imwi mu misi iyeyi magala muhwa matama iyahwa anodwa mu milomo ye balebesambeli, kudwa tjose mukuteyiwa kwe ng'umba ya Yahwe Masimbawose, kuti kubakiwe Ng'umba ye Ndzimu. 10 Ngoti misi yakati isathu yaswika kwakabe kusina ndipo ye nthu kene ng'ombe. Kwakabe kusina ungabhuda kanothama mishingo iye ngoti bakabe betja zwita zwabo, ngoti ndakabe ndigwisanya bathu bose. 11 Koga ngwenu andingatjathamile malimbelimbe e bathu ibaba sekwa ndakabathamila mu mazhuba ekutanga,
koleba Yahwe Masimbawose.12 “ ‘Ngoti ndowodzwala mbewu ye kunyalala, nzhambi unowozwala mitjelo yawo ngono na pasi kowodusa zwizwalo zwako, zhuzhugwi kowowisa khawa ngono ndowothama kuti malimbelimbe e bathu ibaba awane zwithu zose izwezwi. 13 Kutanga makabe muli bhiso ku zwitjaba imwi Bajuta namwi Baiziraela, ngono ngwenu ndowomusungunula kuti ndizo mube makombolelo. Musitje, longani mafupa mu nyama!’
14 “Ngobe Yahwe Masimbawose bakati, ‘Sekwa ndakabe ndazwimisila kumuthama tjakabipa, ngoti bobatategulu benyu bakabe banditanga kuti ndizhigwe nge bushongola, andizobgwilila shule,’
kojalo Yahwe Masimbawose.15 “ ‘Ndizoke na ngwenu kakale ndazwimisila kuti ndithamile Jerusalema ne Bajuda bubuya mu mazhuba iyawa, musitje. 16 Zwamakafanila thama ndiyezwi: Lebelanani malebeswa, ku mabazhe enyu sumikilisani nge lebeswa kakale mugadzane nge kunyalala. 17 Musilukilane makwanga. Bengani tuna kwe manyepkhwa ngoti ndobenga zwithu izwezwi zose,’
koleba Yahwe.”18 Ngono dama la Yahwe Masimbawose lakazha kundili liti, 19 “Yahwe Masimbawose banolebeleka beti, ‘Kuzwinyima zojiwa kwe mwedzi we bunna ne kuzwinyima zojiwa kwe mwedzi we bushanu ne kwe mwedzi we butendeka ne kwe mwedzi we bugumi kowobe zwibaka zwe shatho ne mizano ye kupembela mu Bajuta, ndizo idani malebeswa ne kunyalala.’
20 “Yahwe Masimbawose bakati, ‘Kutjowozha bathu ibo bagali be mizi minjinji, 21 bagali be nzi mmwe banowoyenda ku mmwe nzi beti, “Izhani tjinyolotjo tinokumbila mahwilongoni kuna Yahwe ne kushaka Yahwe Masimbawose. Naswibo toyenda.” ’ 22 Kowozha njudzi ne zwitjaba zwikulu kuwoshaka Yahwe Masimbawose mu Jerusalema ne kukumbila mahwilongoni muna Yahwe. 23 Yahwe Masimbawose bakati, ‘Mu mazhuba iyawo balume bali gumi be ndimi dzose dze zwitjaba banowobhata Njuta nng'ompela beti, “Ngatiyendeni namwi ngoti tahwa kuti Ndzimu unamwi.” ’ ”