Nzhambi usina nshingo
1 Dama la Yahwe likazha kundili liti, 2 “Nkololo we nthu, apa lukuni gwe nzhambi gopinda ngeni lukuni gwe nti mmwe ne mmwe umu ishaka? 3 Apa kotongo togwa lukuni muuli guthamiwa tjimwe tjina nshingo kene? Apa kungathamiwa tjibhali ndiwo tjingalembeledziwa tjimwe mu tjili? 4 Bona, ha walongwa mu moto kuthutisa moto ngono moto ube upisa theswi dzawo mbili koga ube ubaba pakati kwawo, apa ipapo una tjaungashingisiwa kene? 5 Bona, wakati usathu ukayi tjimwe ukabe usina nshingo, ngono ngwenu wapisiwa ukababiwa nge moto ke? Apa ungashingisiwa tjimwe?
6 “Ndizo wali She Yahwe bakati: Sekwa ndakatola lukuni gwe nzhambi pakati kwe miti imu ishaka aguposela mu moto kuthutisa, bagali be Jerusalema ndowobatola saikoko. 7 Ndowobhayana nabo, kene bakabhuda mu moto, moto utjawobapisa koga ha ndilingisana nabo. Ngono mowoziba kuti ndimi Yahwe. 8 Ndowothukudza shango nge kuti abazogalika moyo. Koleba She Yahwe.”
© Kalanga Bible © Bible Society of Botswana, 2008, 2018.