Ndayidzo kuna Bharuku
1 Dama la Jeremiya nlebesambeli laakadwa Bharuku nkololo wa Neriya mu gole le bunna la Jehoyakimu nkololo wa Josiya mambo we Juda, aekwala matama iyawa mu lukwalo Jeremiya wakabe ealeba nge nlomo uwe eti, 2 “Yahwe Ndzimu we Iziraela bakati kukuli iwe Bharuku, 3 wakati, ‘Yee mme wee ndapalala ngoti Yahwe bapapha ne buyendasi mu zogwadza zwangu, ndanyadziwa nge kugomela kwangu kakale anditowana kunyaluluka.’
4 “Un'dwe uti, ‘Yahwe bakati, “Bona tjandakabaka ndotjiliga, tjandakalima ndotjidzikunula ndodwa shango yose. 5 Koga iwe unozwishakila zwithu zwikulu kene? Usizwishake ngoti bona, ndowozhisa mbatsha mu bathu bose, kojalo Yahwe. Koga ndowokupa butjilo gugo ili ndipo kumwe ne kumwe kwa unoyenda.” ’ ”
© Kalanga Bible © Bible Society of Botswana, 2008, 2018.