Kukudziwa kwe Jerusalema
1 Ndakashatha pa bakandidwa beti,
“Ngatiyende ku Ng'umba ya Yahwe!”
2 Makumbo edu amile
mukati kwe mikoba iyo, iwe Jerusalema.
3 Jerusalema, wakabakwa se nzi nkulu
umile wakasomana kwakasima.
4 Njudzi dzoyenda ku uli,
njudzi dza Yahwe,
sekwa kwakalauligwa Iziraela,
kuti aboke zina la Yahwe.
5 Ngobe ndiko kwakabigwa zwigalo zwe bushe,
zwigalo zwe bushe zwe ng'umba ya Dafite.
6 Tembezelelani kunyalala kwe Jerusalema:
“Dzene bangabhudilila ibabo banokuda.
7 Kunyalala ngakube mukati kwe bhakasa lilo,
ne mbakililo mu thungamakole dzidzo.”
8 Kuthamila zwikamu ne bazwalani bangu.
Ndowoti, “Kunyalala ngakube nawe.”
9 Kuthamila ng'umba ya Yahwe Ndzimu wedu,
ndotembezelela kubhudilila kuko!
© Kalanga Bible © Bible Society of Botswana, 2008, 2018.