Lumbo gwe kuboka Ndzimu
1 Dzene Ndzimu bangatihwila ngoni bakati kombolela
kakale bakatipenyesela buso gwabo.
2 Kuti ndizo zila yenyu izibgwe mu shango,
simba lenyu linotjidza lizibgwe mu zwitjaba zose.
3 Bathu ngabamukudze, imwi Ndzimu;
bathu bose ngabamukudze.
4 Tjaba ngadzishathe dzimbe dzipululudze,
ngobe mosumikilisa bathu nge kulizana,
kakale motungamila tjaba dzose dze shango.
5 Bathu ngabamukudze imwi Ndzimu;
bathu bose ngabamukudze.
6 Shango yakadusa zwizwalo zwakawanda;
Ndzimu, iwo Ndzimu wedu, wakatikombolela.
7 Dzene Ndzimu bangadwilila nge kutikombolela;
phelelo dzose dze shango ngadzitete Ndzimu.
© Kalanga Bible © Bible Society of Botswana, 2008, 2018.