Bubuya gwe Ng'umba ye Ndzimu tshwa
1 Mu zhuba le bumakumi mabili ana ling'ompela (21) le mwedzi we kutendeka, dama la Yahwe lakazha nge nlebesambeli Hagayi liti,
2 “Lebeleka na Zerubhabeli nkololo wa Shealitiyele mbusi we Juda ne kuna Joshuwa nkololo wa Jehozadaki mpirisiti nkulu ne malimbelimbe e bathu ubabhuzwe uti, 3 ‘Ndiani wenyu wakasala wakabona ng'umba iyeyi mu bubuya gwayo gwe kutanga? Inolingika kumuli yakatini ngwenu? Apa ayitolingika kumuli se isitjimwe kene? 4 Koga ngwenu sima iwe Zerubhabeli.’ ”
Koleba Yahwe.“Sima iwe Joshuwa nkololo wa Jehozadaki mpirisiti nkulu, simani imwi bathu mose be shango iyeyi.”
Koleba Yahwe.“Shingani ngoti imi, ndinamwi.”
Koleba Yahwe Masimbawose.5 “Itjetji nditjo tjandakamugadzabgwe pamakabhuda mu Egipiti. Meya yangu igele pakati kwenyu. Musitje.
6 “Ngoti tjinoleba Yahwe Masimbawose etji, ‘Mu tjibaka tjifutshwanana ndowozunguza kudzimu ne shango ne gungwa na pasi pakawomelela. 7 Ndowozunguza njudzi dzose, ndizo fumwa ye njudzi dzose inowozha, ngono ndowozhadza ng'umba iyeyi nge gudzo.’ ”
Koleba Yahwe Masimbawose.8 “Siliva nge yangu ne golide nge yangu.”
Koleba Yahwe Masimbawose.9 “Gudzo le ng'umba iyeyi lowobe gulu kupinda le kutanga.”
Koleba Yahwe Masimbawose.“Kakale mu magalo iyawa ndowozhisa kunyalala.”
Koleba Yahwe Masimbawose.Nlebesambeli unokumbila bapirisiti
10 Mu zhuba le bumakumi mabili ana ali manna (24) e mwedzi we buzhanalume mu gole le bubili la Dariyasi, dama la Yahwe likazha nge nlebesambeli Hagayi liti,
11 “Tjinoleba Yahwe Masimbawose etji, ‘Bhuzwa bapirisiti kuti nlayo ukatini: 12 Ha nthu akasenga nyama yakayengemadziwa akaipetela nge n'dzibo we tjiambalo ngono tjiambalo itjetji tjibe tjikutha tjiwunga kene sopo kene mafuta kene nkumbi kene zojiwa zwimwe ne zwimwe apa zoyengemalabo kene?’ ”
Bapirisiti bakashandula beti, “Aa.”
13 Ipapo Hagayi kabe ebhuzwa eti, “Apa ha nthu wakatemapadziwa nge kubhata itumbu ebe ebhata tjimwe tje zwithu izwezwi tjotemapala kene?”
Bapirisiti bakadabila beti, “Ee.”
14 Ipapo Hagayi kabe eti, “Ndizo wali bathu ibaba ne ludzi igogu bakajalo mu mesho angu.”
Koleba Yahwe.“Tjimwe ne tjimwe tjabanothama ne tjimwe ne tjimwe tjabanodusa tjibhayilo tjakatemapala.”
Yahwe banogadzabgwe makombolelo abo
15 “Tjinoleba Yahwe Masimbawose etji, ‘Ndizo yelani njele ikoku kudwa mu zhuba ileli kuyenda mbeli, kumbulani kuti zwithu zwakabe zwili mile tjini kusathu kukabigwa bgwe pezhugwi kwe limwe mu ng'umba ya Yahwe. 16 Kwakabe kuti nthu ha eyenda ku dala le mathunde eyemula kuwana zwitundu zwili makumi mabili ebe ewana gumi koga. Nthu wakabe eti eyenda ku hali ye nkumbi we zhambi kudusa mikabo ili makumi ali mashanu (50) ewana kwakalizana mikabo ili makumi mabili (20) koga. 17 Ndakaloba zose zwamakadzwala nge hwuzwi ne mamwe magwele e zwidzwalo nenge tjivulamabgwe kutjinya kose kwamakalima, ngono nenguba kwakajalo amuzoshandukila kundili.’ ”
Koleba Yahwe.18 “Kumbulani kudwa mu zhuba ileli le bumakumi mabili ana ali manna (24) le mwedzi we buzhanalume, muyele njele zhuba lamakabiga thiwa ye ng'umba ya Yahwe. Kumbulani nge njele. 19 Apa kuna mbewu yakasala mu dula kene? Kuswikila ngwenu akuna nzhambi ne mpaya ne pomegiranate ne ntoba wathu ukazwala tjimwe. Kudwa nasi kuyenda mbeli ndowomukombolela.”
Yahwe banogadzabgwe Zerubhabeli
20 Dama la Yahwe likazha gwe bubili kuna Hagayi mu zhuba le bumakumi mabili ana ali manna (24) le mwedzi liti,
21 “Budza Zerubhabeli mbusi we Juda kuti ndowozunguza kudzimu ne shango. 22 Ndowopitula zwigalo zwe bushe apedza masimba e mibuso ye bataya. Ndowokolomodza koloyi dze ngwa ne bayendisi badzo, mbizi ne batathi badzo dzowowa, mmwe ne mmwe eligwa nge bukanu gwe hama iye.
23 “Mu zhuba ilelo, koleba Yahwe Masimbawose, ndowokutola iwe nlanda wangu Zerubhabeli nkololo wa Shealitiyele.
Koleba Yahwe.“Ngoti ndiwe nshalugwa wangu, unowobusa mu zina langu.”
Koleba Yahwe Masimbawose.© Kalanga Bible © Bible Society of Botswana, 2008, 2018.