Tjililo tje Baiziraela bali kutapiwa
1 Pa njizi dze Bhabhiloni,
takagala pasi ngono tikalila
ha tikumbula Ziyoni.
2 Mu miti inoyi wilo
tikatilika matende edu.
3 Ngobe batapi bedu
bakati tibambile njimbo,
ne balisi bedu beti tibambile tibashathise,
bakatidwa bakati,
“Mutimbile gumwe gwe njimbo dze Ziyoni!”
4 Apa tingamba lumbo gwa Yahwe tjini
mu shango ye butaya kene?
5 Ha ndingakukangang'wa, iwe Jerusalema,
luboko gwangu gwe luji ngagushweshwane!
6 Lulimi gwangu ngagunamatile bgwasha gwangu,
ha ndisinga mukumbulukigwe,
ha ndisinga tole Jerusalema
ili shatho yangu wulu.
7 Kumbulani, imwi Yahwe,
ngekwe tjakathamwa ne Baedomu
mu zhuba lakawa Jerusalema
sekwa bakalebeleka beti, “Muwulige! Muwulige!
Kudwa pezhugwi kunoti ku thiwa dzawo!”
8 Iwe nkololokadzi we Bhabhiloni, iwe mpaladzi!
Bakakombolegwa ibabo banowokubgwilizila
itjetji tjawakatithama!
9 Bakakombolegwa ibabo banotola ngawana dzidzo
bebe bedzipkhwanyila pa shongwe!
© Kalanga Bible © Bible Society of Botswana, 2008, 2018.