Ndzimu mbusi we shango yose
1 Mbilani Yahwe lumbo butshwa,
ngobe bakathama zwithu zwinotjenamisa.
Tjiyazha tjabo tje luji ne luboko gwabo gwakayengemala
zwabathamila kukunda.
2 Yahwe bakazibisa jidzo labo,
bakazumbunulila zwitjaba ndulamo yabo.
3 Bakakumbulukigwa ludo gwabo gusingazunguzike
ne kugalikabgwe kwabo, ngekwe ng'umba ye Iziraela.
Midzibo yose ye shango yabona
kukunda kwe Ndzimu wedu.
4 Shathilani Yahwe nge mpululu, imwi shango yose,
shobani lumbo gwe shatho ne gunobakudza.
5 Imbani njimbo dzinokudza Yahwe nge tjilidzo tje laya,
ili laya ye nlidzo unozipa.
6 Pululudzani nge shatho mbeli kwa mambo, ibo Yahwe,
nge lunyanga.
7 Gungwa ngagubombe na zose zwimuguli,
shango na bose banogala muili.
8 Vula ye nkubila ngailobe phande,
matuthu ngaambe wose ngoshatha,
9 mbeli kwa Yahwe, ngobe baswika,
kowosumikilisa shango.
Banowosumikilisa shango nge ndulamo,
ne zwitjaba nge ndizandizanyo.
© Kalanga Bible © Bible Society of Botswana, 2008, 2018.