1 Pa ndakabe ndili mu bulawo busiku
ndakanshaka, tjido tje moyo wangu,
ndakan'vima anshaya,
ndakandana, koga akasindidabile.
2 Ndowomilika ngwenu ha tendeleka ne nzi nkulu
mu dzizila ne mu matengeselo,
ndowonshaka iye wandinoda kwazo,
ndakan'vima, koga andizombona.
3 Balindi bakandiwana,
sekwa bakabe beyenda yenda mu nzi nkulu.
“Matongobona poni nthu wangu we pa moyo kene?”
4 Kwakati kusathu kukanoti ngayi ndisinobapinda,
ndikabe ndashangana newe pa moyo,
ndakan'gumbatila, asitongo nletja
kuswikila ndan'kotosa ku nzi wa mme bangu,
kunoti ku ng'umba ye wakandizwisenga.
5 Ndotunisa tjose, imwi bakololokadzi be Jerusalema,
nge phala kene phalapala dze shango,
musitange ludo,
kuswikila guzwilakidza agushaka.
Lumbo gwe butatu
6 Ndiyani iwowuje waswika unodwa ku tjilambanyika,
unonga bhulubusi,
lina nnuhwo we mira ne motsha
ne zwizholo zose zwe ntengesi kene?
7 Tjidzobona, i ngwa ya Solomoni!
Ina mikwita ye balume bali makumi matathatu (60),
mu mikwita ye balume be Iziraela,
8 bose bakashakatila zwibhayano,
bana luzibo gwe ngwa,
mmwe ne mmwe akadedela thumo pa thunji
akalinda tjibaka tjainowolobana busiku.
9 Mambo Solomoni wakazwibezhela koloyi
ye lukuni gwe Lebanoni.
10 Wakathama zwibhali zwayo nge siliva,
kushule yakathamiwa nge golide,
tjigalo tjayo tjina mbala nshaba wakabondelela,
mukati kwatjo tjakakuyungiwa kunodika
ne bakololokadzi be Jerusalema.
11 Bhudani imwi bakololokadzi be Ziyoni,
mu bone Mambo Solomoni,
aka ambala tjiala tjaakambadziwa na mmeyabe
mu zhuba le ndobolo iye,
mu zhuba le kushatha kwe moyo uwe.
© Kalanga Bible © Bible Society of Botswana, 2008, 2018.