Dama le butjilo
1 Tomuzibisa ngekwe dama le butjilo, ilo lakabe lilipo mu kutangisa, ilo latakahwa, latakabona nge mesho edu, latakalinga tikalibhata nge maboko edu, ilo Dama le butjilo. 2 Butjilo igogu gwakazumbunugwa, ngono tikagubona, totendeka nge kwago, timusumikilila ngekwe butjilo gusingapele gwakabe guna Tate ngono tikaguzumbunuligwa. 3 Tjatakabona kakale tikatjihwa nditjo tjatinomusumikilila, kuti ndizo mube bang'ompela naswi mu hwanano yatinayo na Tate ne Nkololo wabo Jesu Kirisiti. 4 Tokwala sa ikoku kuti ndizo tishathe nge buzhalo.
Ndzimu tjedza
5 Eyi ndiyo ndailo yatakahwa kuna Jesu, ngono tomubudza titi Ndzimu tjedza, muuli akuna zhalima ndodwa. 6 Ha titi tina hwanano nawo koga tidwilila nge kutjilila mu zhalima, tobe tinyepa tisingatjilile mu malebeswa. 7 Koga ha titjilila mu tjedza, sa iwo uli mu tjedza, tobe tina hwanano pakati kwedu, ngono malopa e Nkololo wawo Jesu anotisuka jinyo lose.
8 Ha titi atina jinyo, tozwitjengedza, ngono akuna malebeswa mutili. 9 Ha tileba matjinyo edu, Ndzimu unogalikamoyo kakale wakalulwama ngono unowotizwiibhatigwa matjinyo edu ukatisuka kusalulwama kose. 10 Ha titi atizotjinya tobe tiuthama nnyepi, ngono dama lawo lobe lisi mutili.
The Word of Life
1 We write to you about the Word of life, which has existed from the very beginning. We have heard it, and we have seen it with our eyes; yes, we have seen it, and our hands have touched it. 2 When this life became visible, we saw it; so we speak of it and tell you about the eternal life which was with the Father and was made known to us. 3 What we have seen and heard we announce to you also, so that you will join with us in the fellowship that we have with the Father and with his Son Jesus Christ. 4 We write this in order that our joy may be complete.
God Is Light
5 Now the message that we have heard from his Son and announce is this: God is light, and there is no darkness at all in him. 6 If, then, we say that we have fellowship with him, yet at the same time live in the darkness, we are lying both in our words and in our actions. 7 But if we live in the light—just as he is in the light—then we have fellowship with one another, and the blood of Jesus, his Son, purifies us from every sin.
8 If we say that we have no sin, we deceive ourselves, and there is no truth in us. 9 But if we confess our sins to God, he will keep his promise and do what is right: he will forgive us our sins and purify us from all our wrongdoing. 10 If we say that we have not sinned, we make a liar out of God, and his word is not in us.