Kudziwa kwe Ndzimu Masimbawose
1 Kudzani Yahwe!
Kwakanaka seni kumba njimbo
dzinokudza Ndzimu wedu,
ngobe una ngoni,
kakale lumbo gunobakudza gobafanila!
2 Yahwe banobaka Jerusalema,
banokubunganya Baiziraela bakabe batapiwa.
3 Banopodza be mimoyo yakapaluka,
kakale banosunga mabanga abo.
4 Banolaula mbalo ye nyenyedzi,
banodzitumila mazina adzo dzose.
5 She bedu bankulu kwazo,
kakale bana masimba makulu,
hwisiso yabo ayina tjilizanyo.
6 Yahwe banomilidza banozwiyisa pasi,
Yahwe banoposela babi pasi.
7 Mbilani Yahwe nge mboko,
thamilani Ndzimu wedu nlidzo
unozipa nge tjilidzo tje laya!
8 Yahwe banofukidza zhuzhugwi nge makole,
banonisa vula mu shango,
banomedza bushwa mu matuthu.
9 Banopa phuka zojiwa zwadzo,
ne majindana e makungubo ha elila.
10 Nzhazho wabo aute uli mu masimba e mbizi,
kene shatho yabo aite ili mu lubilo gwe nlabuki.
11 Koga Yahwe banoshathila ibabo banobatja,
muna banogalabgwe ludo gwabo gusingazunguzike.
12 Kudza Yahwe, iwe Jerusalema!
Kudza Ndzimu uwo, iwe Ziyoni!
13 Ngobe banosimisa mazhalilo e mikoba iyo,
banokombolela bathu ba mukuli.
14 Banokupa kunyalala mu migathu iyo,
banokugutsha nge korong mbuyanana.
15 Banotumilila ndaulo yabo mu shango,
dama labo lolabuka lilibilidza.
16 Banozhisa kapuku tjinonga wulu,
banoandamisa makaa se nlota.
17 Banoposela tjivulamabgwe pasi se mamburumburu,
apa ndiani ungamilila butotho gwabanozhisa kene?
18 Banotuma dama labo, ngono bakazwinyausa,
banothama phepo yabo ikawuwudza,
ne vula dzikawunga!
19 Banoleba dama labo kuna Jakubo,
milayo yabo ne ndaulo bakazwipa Iziraela.
20 Akuna tjimwe itjaba tjabakatongothamila sa ikoko,
abatoziba milayo yabo.
Kudzani Yahwe!
In Praise of God the Almighty
1 Praise the Lord!
It is good to sing praise to our God;
it is pleasant and right to praise him.
2 The Lord is restoring Jerusalem;
he is bringing back the exiles.
3 He heals the broken-hearted
and bandages their wounds.
4 He has decided the number of the stars
and calls each one by name.
5 Great and mighty is our Lord;
his wisdom cannot be measured.
6 He raises the humble,
but crushes the wicked to the ground.
7 Sing hymns of praise to the Lord;
play music on the harp to our God.
8 He spreads clouds over the sky;
he provides rain for the earth
and makes grass grow on the hills.
9 He gives animals their food
and feeds the young ravens when they call.
10 His pleasure is not in strong horses,
nor his delight in brave soldiers;
11 but he takes pleasure in those who honor him,
in those who trust in his constant love.
12 Praise the Lord, O Jerusalem!
Praise your God, O Zion!
13 He keeps your gates strong;
he blesses your people.
14 He keeps your borders safe
and satisfies you with the finest wheat.
15 He gives a command to the earth,
and what he says is quickly done.
16 He spreads snow like a blanket
and scatters frost like dust.
17 He sends hail like gravel;
no one can endure the cold he sends!
18 Then he gives a command, and the ice melts;
he sends the wind, and the water flows.
19 He gives his message to his people,
his instructions and laws to Israel.
20 He has not done this for other nations;
they do not know his laws.
Praise the Lord!