Lumbo gunokudza Ndzimu
1 Ndowomukudza, Ndzimu wangu kakale mambo wangu,
ngono ndowokudza zina lenyu nge kusingapele kose.
2 Zhuba ne zhuba ndowomukudza.
Ndowokudza zina lenyu nge kusingapele!
3 Yahwe bankulukulu kakale bakafanila kudziwa kukulu kwazo,
bukulu gwabo agutolondeka.
4 Tjizekugwana tjimwe tjowokudza mishingo yenyu kunoti ku tjimwe
ngono banowoleba ngekwe bukulu gwe mishingo yenyu.
5 Mu bubuya ne bukulu gwe mbuso wenyu,
ngekwe mishingo yenyu inotjenamisa,
akutowondidwa mu moyo.
6 Bathu banowosumikila ngekwe mishingo yenyu inotjenamisa
ngono ndowoleba ngekwe bukulu gwenyu.
7 Banowolumbidza ngekwe kuandama kwe bululwami gwenyu,
kakale banombila pezhugwi ngekwe ndulamo yenyu.
8 Yahwe bana ngoni ne lubu,
abatotjimbidza gwadzamoyo
kakale ludo gwabo nde gusingazunguzike.
9 Yahwe bakalulwamila bose,
kakale mahwilongoni abo
amuna zose zwabakathama.
10 Mishingo yenyu yose inowoboka, imwi Yahwe,
kakale bagalimoyo benyu bose banowomukudza.
11 Banowoleba ngekwe gudzo le bushe gwenyu,
bebuya beleba ngekwe simba lenyu,
12 kuzibisa bathu bose ngekwe mishingo yenyu mikulu,
ne gudzo le bubuya gwe bushe gwenyu.
13 Bushe gwenyu bushe gusingapele,
nenge ndaulo yenyu imile kuswikila zwizekugwana zose.
Yahwe banogalikabgwe mu matama abo wose,
kakale bana ngoni mu mishingo yabo yose.
14 Yahwe banosimisa bose ibabo banowa,
kakale banomisa nge makumbo bose bakatemeka mafupa.
15 Mesho abose akalinga kumuli,
ngono mobapa zojiwa zwabo nge nsi wakalingisana.
16 Mofumbatunula tjiazha tjenyu,
mugutsha njemulo dze zose zwinotjila.
17 Yahwe bakatambunuka mu zila dzabo dzose,
kakale bana moyontjena muna zose zwabakathama.
18 Yahwe bapejopejo na bose ibabo banobadana,
kuna bose banobadana nge malebeswa.
19 Banoshingikadza njemulo dza bose ibabo banobatja,
kakale banohwa zwililo zwabo, ngono banobatjidza.
20 Yahwe banotjengeta bose ibabo banobada,
koga banowolobesa babi bose.
21 Nlomo wangu unowogala ukudza Yahwe,
ne bathu bose ngabakudze zina
labo lakayengemala nge kusingapele kose.
A Hymn of Praise
1 I will proclaim your greatness, my God and king;
I will thank you forever and ever.
2 Every day I will thank you;
I will praise you forever and ever.
3 The Lord is great and is to be highly praised;
his greatness is beyond understanding.
4 What you have done will be praised from one generation to the next;
they will proclaim your mighty acts.
5 They will speak of your glory and majesty,
and I will meditate on your wonderful deeds.
6 People will speak of your mighty deeds,
and I will proclaim your greatness.
7 They will tell about all your goodness
and sing about your kindness.
8 The Lord is loving and merciful,
slow to become angry and full of constant love.
9 He is good to everyone
and has compassion on all he made.
10 All your creatures, Lord, will praise you,
and all your people will give you thanks.
11 They will speak of the glory of your royal power
and tell of your might,
12 so that everyone will know your mighty deeds
and the glorious majesty of your kingdom.
13 Your rule is eternal,
and you are king forever.
The Lord is faithful to his promises;
he is merciful in all his acts.
14 He helps those who are in trouble;
he lifts those who have fallen.
15 All living things look hopefully to you,
and you give them food when they need it.
16 You give them enough
and satisfy the needs of all.
17 The Lord is righteous in all he does,
merciful in all his acts.
18 He is near to those who call to him,
who call to him with sincerity.
19 He supplies the needs of those who honor him;
he hears their cries and saves them.
20 He protects everyone who loves him,
but he will destroy the wicked.
21 I will always praise the Lord;
let all his creatures praise his holy name forever.