Jerusalema ino lobgwa
1 Ipapo ahwa Ndzimu udana nge hwi gulu uti, “Sedzelani ngeno imwi batjengeti be nzi, mmwe ne mmwe azhe akabhata thumo lile linobulaya.” 2 Ngono bonani, kukazha balume bali kutathatu bedwa mu lubizho gwe nkoba upezhugwi wakalinga ku bunandzwa, mmwe ne mmwe akabhata thumo linobulaya mu luboko gugwe. Pakati kwabo kwakabe kuna nlume wakaambala zwiambalo zwe jila, akapakatila gobhodo lina zwikwalilo. Bakanginila tje mukati bakama pa tjibeso tjinopisigwa zwibhayilo tje phangula.
3 Ipapo tjedza tje Ndzimu we Iziraela tjakabe tjadwa pezhugwi kwe dzikherubhu kwatjakabe tjabe tjilipo ngono tjabe ku manginilo e ng'umba ye Ndzimu. Yahwe bakadana nlume wakaambala zwiambalo zwe jila wakapakatila gobhodo lina zwikwalilo, 4 bakabe beti kunli, “Yenda mu nzi nkulu wose, upalame Jerusalema ubige lutjwayo mu phazha dzaibabo banohwa zogwadza belila ngekwe zwithu zwinoshimisa zwinothamiwa muuli.” 5 Kuna ibaba bamwe Ndzimu ukati, “Palama nzi nkulu wose shule kukwe mubulaye, musitongo hwilangoni kene kutjidza mmwe. 6 Mubulaye bathuntana ne bazhuzha ne baanadi ne bana ne bakadzi koga musitongo thama tjimwe una lutjwayo. Tangisani mu bugalo gwangu gwakayengemala.” Ndizo bakatangisa ne sholotjena dzakabe dzili mbeli kwe ng'umba. 7 Ipapo ukabe uti ku bali, “Temapadzani ng'umba ye Ndzimu, muzhadze misha nge zwitumbu. Yendani!” Ngono bakatangisa kubulaya bathu mu nzi nkulu. 8 Bakati bebulaya saikoko, imi ndasala ndili ndoga, athigama akotamila pasi alila kwazo ati, “She Yahwe! Apa mowolobesa malimbelimbe wose e Iziraela mu kugwadzila moyo Jerusalema kene?”
9 Ndzimu bakandidabila beti, “Nlandu we bathu be Iziraela ne bathu be Juda nkulu kwazo, shango izhele kutebula malopa, nzi nkulu uzhele kutjebela, ngoti banoleba beti, ‘Yahwe bakafupatila shango, Yahwe abatotibona.’ 10 Ndizo wali andingabahwile ngoni kene kuli kubatjidza, koga ndowothama kuti babuyigwe nge zwe mishingo yabo.”
11 Bonani, ipapo nlume wakaambala zwiambalo zwe jila akapakatila gobhodo lina zwikwalilo kazhisa mbiko eti, “Ndathama sekwa mandidwa.”
Jerusalem Is Punished
1 Then I heard God shout, “Come here, you men who are going to punish the city. Bring your weapons with you.” 2 At once six men came from the outer north gate of the Temple, each one carrying a weapon. With them was a man dressed in linen clothes, carrying something to write with. They all came and stood by the bronze altar.
3 Then the dazzling light of the presence of the God of Israel rose up from the winged creatures where it had been, and moved to the entrance of the Temple. The Lord called to the man dressed in linen, 4 “Go through the whole city of Jerusalem and put a mark on the forehead of everyone who is distressed and troubled because of all the disgusting things being done in the city.”
5 And I heard God say to the other men, “Follow him through the city and kill. Spare no one; have mercy on no one. 6 Kill the old men, young men, young women, mothers, and children. But don't touch anyone who has the mark on his forehead. Start here at my Temple.” So they began with the leaders who were standing there at the Temple.
7 God said to them, “Defile the Temple. Fill its courtyards with corpses. Get to work!” So they began to kill the people in the city.
8 While the killing was going on, I was there alone. I threw myself face downward on the ground and shouted, “Sovereign Lord, are you so angry with Jerusalem that you are going to kill everyone left in Israel?”
9 God answered, “The people of Israel and Judah are guilty of terrible sins. They have committed murder all over the land and have filled Jerusalem with crime. They say that I, the Lord, have abandoned their country and that I don't see them. 10 But I will not have pity on them; I will do to them what they have done to others.”
11 Then the man wearing linen clothes returned and reported to the Lord, “I have carried out your orders.”