Debora na Baraki
1 Kwakati shule kwe lufu gwa Ehudi, Baiziraela bakathama mbipo kakale mu mesho a Yahwe. 2 Yahwe bakabatengesa mu maboko a Jabini mambo we Kanana wakabe e busa mu Hazori, nlauli we ngwa iye kwakabe kuli Sisera wakabe egala mu Haroshetihagoyimu. 3 Ipapo bathu be Iziraela bakalilila kuna Yahwe beshaka bhatsho ngoti wakabe ana koloyi dze ngwa dze butale dzili mazana ali zhanalume (900), etshambilidza Baiziraela kwakabipa kwe makole ali makumi mabili (20). 4 Mu tjibaka itjetjo nlebesambeli unoyi Debora ali nkadzi wa Lapidoti ndiye wakabe ali nsumikilisi we Iziraela. 5 Wakabe eti kagala kusi kwe nlala wa Debora pakati kwe Rama ne Bhetele mu shango ye matuthu ya Ifureimi, ngono Baiziraela bakabe beyenda kunli ku sumikilisiwa. 6 Katuma kuti kudang'we Baraki nkololo wa Abinoyamu we Kedeshi mu Nafutali, ngono kandwa kati, “Yahwe Ndzimu we Iziraela, banokudwa beti, ‘Yenda, utole balume bali zwiwulu zwili gumi (10 000) be ludzi gwa Nafutali ne gwa Zebuluni uyende nabo ku Dombo le Tabori. 7 Ndowokwebela Sisera nlauli we ngwa ya Jabini kukuli pa gwizwi gwe Khishoni kose ne koloyi dzidze dze ngwa ne babhayani babe, ngono ndowonlonga mu maboko awo.’ ” 8 Baraki kashandula eti, “Apa uyenda nami, ndowoyenda, koga apa usingayende nami, anditoyenda.” 9 Debora kadabila eti, “Kwakalulwama ndowoyenda nawe, koga nge zila yaunotobela, gudzo akutowobe lilo, ngoti Yahwe banowolonga Sisera mu maboko e nkadzi.” Ndizo Debora kamilika kayenda na Baraki ku Kedeshi, 10 Baraki kadana Zebuluni na Nafutali ku Kedeshi, Balume bali zwiwulu zwili zana (10 000) bakantobela, ngono Debora kayendabo naye. 11 Ndizo Heberi we N'keni wakabe azwithubukanya ne Bakeni, zwizekugwana zwa Hobabu tezwale ba Mushe, ngono wakabe athama nshasha uwe tjose kunoti ku nti we n'oko mu Zananimu hwunde ye Kedeshi. 12 Kwakati kubikigwa Sisera kuti Baraki nkololo wa Abinoyamu wayenda ku Dombo le Tabori, 13 Sisera kakubunganya koloyi dzidze dze ngwa dzose dzili mazana ali zhanalume (900) dze butale, ne balume bose bakabe banaye, kudwa ku Haroshetihagoyimu kunoti ku gwizi gwe Khishoni. 14 Ngono Debora kadwa Baraki kati, “Milika, ngoti ndilo zhuba Yahwe labalonga Sisera mu maboko awo. Apa Yahwe abazokutungamila kene?” Ndizo Baraki kadeluka Dombo le Tabori ne balume bali zwiwulu zwili gumi (10 000) bakansalashule. 15 Yahwe bakadzikunula Sisera ne koloyi dzidze dzose dze ngwa nge thumo mbeli kwa Baraki, ngono Sisera kadeluka mu koloyi iye ye ngwa katizha nge makumbo. 16 Baraki katatana ne koloyi dze ngwa ne babhayani kunoti ku Haroshetihagoyimu, ngono ngwa yose ya Sisera ikabulawa nge thumo, akuna nthu wakasala. 17 Koga Sisera katizha nge gumbo kanoti ku nshasha wa Jayeli nkadzi wa Heberi we N'keni, ngoti kwakabe kuna mbakiso pakati kwa Jabini mambo we Hazori ne be nsha wa Heberi we N'keni. 18 Ngono Jayeli kabhuda kashanganidza Sisera kandwa kati, “Pambukilani ngeno tetshi wangu, pambukilani kundili, musitje.” Ndizo kapambukila kunli kangina mu nshasha ngono kankwididza nge ngubo. 19 Sisera kandwa kati, “Ndokumbila vula, ndina nyota.” Nkadzi kazhula gukhwa le nkaka kan'mwisa, ngono kankwididza. 20 Sisera kandwa kati, “Ima pankoba we nshasha, apa nthu angazha ekubhuzwa eti, ‘Kuna nthu imomu?’ Uti, Aa.” 21 Koga Jayeli nkadzi wa Heberi katola lubambo gwe nshasha, kabhata hamuli nge luboko, kanyangila kalobela lubambo kusi kwe zebe gukanongina pasi atjilele akanyala. Ndizo kafa. 22 Ngono Baraki wakati akatatamila Sisera, Jayeli kabhuda kunonshanganidza ngono kandwa kati, “Buya ndikulakidze nlume waunoshaka.” Ndizo kangina mu nshasha uwe, ngono kabona Sisera akafa, ne lubambo gwe nshasha guli kusi kwe zebe iye. 23 Ndizo mu zhuba ilelo Ndzimu bakayesa pasi Jabini mambo we Kanana mbeli kwe Baiziraela. 24 Luboko gwe Baiziraela guka simila mbeli kwazo muna Jabini mambo we Bakanana, kuswikila bempaladza.
Deborah and Barak
1 After Ehud died, the people of Israel sinned against the Lord again. 2 So the Lord let them be conquered by Jabin, a Canaanite king who ruled in the city of Hazor. The commander of his army was Sisera, who lived at Harosheth-of-the-Gentiles. 3 Jabin had nine hundred iron chariots, and he ruled the people of Israel with cruelty and violence for twenty years. Then the people of Israel cried out to the Lord for help.
4 Now Deborah, the wife of Lappidoth, was a prophet, and she was serving as a judge for the Israelites at that time. 5 She would sit under a certain palm tree between Ramah and Bethel in the hill country of Ephraim, and the people of Israel would go there for her decisions. 6 One day she sent for Barak son of Abinoam from the city of Kedesh in Naphtali and said to him, “The Lord, the God of Israel, has given you this command: ‘Take ten thousand men from the tribes of Naphtali and Zebulun and lead them to Mount Tabor. 7 I will bring Sisera, the commander of Jabin's army, to fight you at the Kishon River. He will have his chariots and soldiers, but I will give you victory over him.’”
8 Then Barak replied, “I will go if you go with me, but if you don't go with me, I won't go either.”
9 She answered, “All right, I will go with you, but you won't get any credit for the victory, because the Lord will hand Sisera over to a woman.” So Deborah set off for Kedesh with Barak. 10 Barak called the tribes of Zebulun and Naphtali to Kedesh, and ten thousand men followed him. Deborah went with him.
11 In the meantime Heber the Kenite had set up his tent close to Kedesh near the oak tree at Zaanannim. He had moved away from the other Kenites, the descendants of Hobab, the brother-in-law of Moses.
12 When Sisera learned that Barak had gone up to Mount Tabor, 13 he called out his nine hundred iron chariots and all his men, and sent them from Harosheth-of-the-Gentiles to the Kishon River.
14 Then Deborah said to Barak, “Go! The Lord is leading you! Today he has given you victory over Sisera.” So Barak went down from Mount Tabor with his ten thousand men. 15 When Barak attacked with his army, the Lord threw Sisera into confusion together with all his chariots and men. Sisera got down from his chariot and fled on foot. 16 Barak pursued the chariots and the army to Harosheth-of-the-Gentiles, and Sisera's whole army was killed. Not a man was left.
17 Sisera ran away to the tent of Jael, the wife of Heber the Kenite, because King Jabin of Hazor was at peace with Heber's family. 18 Jael went out to meet Sisera and said to him, “Come in, sir; come into my tent. Don't be afraid.” So he went in, and she hid him behind a curtain. 19 He said to her, “Please give me a drink of water; I'm thirsty.” She opened a leather bag of milk, gave him a drink, and hid him again. 20 Then he told her, “Stand at the door of the tent, and if anyone comes and asks you if anyone is here, say no.”
21 Sisera was so tired that he fell sound asleep. Then Jael took a hammer and a tent peg, quietly went up to him, and killed him by driving the peg right through the side of his head and into the ground. 22 When Barak came looking for Sisera, Jael went out to meet him and said to him, “Come here! I'll show you the man you're looking for.” So he went in with her, and there was Sisera on the ground, dead, with the tent peg through his head.
23 That day God gave the Israelites victory over Jabin, the Canaanite king. 24 They pressed harder and harder against him until they destroyed him.