Mambo Manase we Juda
(2 Bomambo 21:1-9)1 Manase wakabe ana makole ali gumi lina makole mabili (12) tjibaka tjaakatangisa busa, wakabusa kwe makole ali makumi mashanu ana makole mashanu (55) mu Jerusalema. 2 Wakathama mbipo mumesho a Yahwe, etobela zwiyito zwakabipa zwe zwitjaba zwakabe zwatatiwa na Yahwe bezwitatila kutjena ne Baiziraela. 3 Wakamusa magalo apezhugwi akabe akolomogwa ndi tate babe Hezekiya kakale kamusa zwibeso zwa bo Bhaale, kamisa phanda dze ndzimukadzi Ashera, kanamata zose zwe zhuzhugwi. 4 Wakabaka zwibeso zwe midzimu mu Ng'umba ya Yahwe, ipo Yahwe pa bakati, “Zina langu lowogalila tjatjose mu Jerusalema.” 5 Mu zwibata nge bubili zwe Ng'umba ya Yahwe wakabaka zwibeso kuti kuthigamigwe midzimu ye nyenyedzi 6 Wakapisa bakololo babe ebathama zwibhayilo mu nkuku we nkololo wa Hinomi, kathama mishingo ye malipa neye midzimu eshinga ne mashabi ne baloyi. Wakathama mbipo isi shoma mu mesho a Yahwe ngono kathama kuti bazhale bushongola. 7 Wakabiga ifano tje ndzimu wakabezhiwa mu Ng'umba ye Ndzimu, iyo Ndzimu yawakadwa Dafite na Solomoni nkololo uwe uti, “Mu Ng'umba iyeyi, ne mu Jerusalema iyo yandakashalula mu zwitjaba zose zwe Iziraela, ndowobiga zina langu muili nge kusingapele, 8 kakale anditowothama kuti Baiziraela babhude mu shango yandakapa bobatategulu babo, koga ha bangabe ne njele bakalondolodza tjandakababudza kakale bakalondolodza milayo yabapiwa ne nlanda wangu Mushe.” 9 Koga Manase kapambusa bathu be Juda ne bagali be Jerusalema, bakathama bubi gunopinda gwe zwitjaba izo Yahwe zwabakalobesa mbeli kwe bathu be Iziraela.
Manase unoshandukila milandu iye
10 Ngono Yahwe bakalebeleka na Manase ne bathu babe koga bakasiteedze. 11 Ndizo Yahwe bakazhisa balauli be babhayani be ngwa ya mambo we Asiriya bakabhata Manase nge zwiweko ngono bakansunga nge ketani dze phangula ngono bakan'yisa ku Bhabhiloni. 12 Mukudziyidzika kukwe kazwiyisa pasi ngono kashandukila kuna Yahwe Ndzimu uwe kakumbila bhatsho. 13 Wakabatembezela, ngono Yahwe bakahwa tjililo tjitje ne kukumbila kukwe ngono bakan'yisa kakale ku Jerusalema ku mbuso uwe. Ipapo Manase kaziba kuti Yahwe Ndzimu.
14 Shule kwa ikoku Manase kabaka guma litja kuzhe kwe nzi nkulu wa Dafite kapapha bulefu gwe guma litja kuzhe le nzi nkulu wa Dafite kunomila zhuba kwe Gihoni ku nkuku kunoti ku Nkoba we Hwobe ngono kalipoteledza Ofele. Kabiga balauli be babhayani mu mizi ye matizhilo mu Juda. 15 Kadusa midzimu ne ifano tjaakabe abiga mu Ng'umba ya Yahwe kakolomola kose ne zwibeso zwaakabe abaka mu duthu lakabe lili ilo lakabakwa Ng'umba ya Yahwe ne zwimwe mu magalo mamwe mu Jerusalema, katola zwithu izwezwi zose kanozwilashila kuzhe kwe nzi nkulu. 16 Kudwapo kamusa tjibeso tjinopisigwa zwibhayilo tja Yahwe ngono kadusila zwibhayilo mutjili zwili zwibhayilo zwe mbakisano ne zwe mboko ngono kalaula Juda kuti bashingile Yahwe Ndzimu we Iziraela. 17 Ne kwakajalo bathu ibo bakadwilila koga bedusila zwibhayilo mu magalo a pezhugwi koga bepisila Yahwe Ndzimu wabo.
Bhelelo le mbuso wa Manase
(2 Bomambo 21:17-18)18 Zose zwe mishingo ya Manase ne ntembezelo uwe ku Ndzimu ne matama e balebesambeli bakabe belebeleka naye mu zina la Yahwe Ndzimu we Iziraela zose zwakakwagwa mu Zwiyitikalo zwabo Mambo be Iziraela. 19 Ntembezelo uwe ne Ndzimu sekwa wakadabila ntembezelo uwe ndiko ne ndongoloso ye jinyo laakathama asathu ashanduka, mbipo yose yaakathama ne magalo a pezhugwi aakabaka ne zwifano zwe ndzimukadzi Ashera zwaakathama kuti zwithigamigwe zose zwakakwagwa mu Thawu dze Balebesambeli. 20 Manase kafa, kabiganyiwa mu ng'umba ye bushe ngono nkololo uwe Amoni kan'gala thaka.
Mambo Amoni we Juda
(2 Bomambo 21:19-26)21 Amoni wakabe ana makole ali makumi mabili (22) tjibaka tjaakatangisa busa, wakabusa makole ali mabili mu Jerusalema. 22 Wakathama mbipo mbeli kwa Yahwe, sa tate babe Manase. Amoni wakabe ethigamila kakale edusila midzimu yakabe yathamwa ndi Manase zwibhayilo. 23 Koga iye aazothama sa tate babe, azozwiyisa pasi mbeli kwa Yahwe kene kuli kushandukila ku bali. Wakabe mbi kupinda tate babe.
24 Balanda ba Amoni bakan'lukila gwanga kuti bambulaye mu ng'umba iye ye bushe. 25 Koga bathu be Juda bakabulaya bose bakabe balukila mambo gwanga, koga bakabiga Josiya nkololo kube mambo.
King Manasseh of Judah
(2 Kings 21.1-9)1 Manasseh was twelve years old when he became king of Judah, and he ruled in Jerusalem for fifty-five years. 2 Following the disgusting practices of the nations whom the Lord had driven out of the land as his people advanced, Manasseh sinned against the Lord. 3 He rebuilt the pagan places of worship that his father Hezekiah had destroyed. He built altars for the worship of Baal, made images of the goddess Asherah, and worshiped the stars. 4 He built pagan altars in the Temple, the place that the Lord had said was where he should be worshiped forever. 5 In the two courtyards of the Temple he built altars for the worship of the stars. 6 He sacrificed his sons in Hinnom Valley as burnt offerings. He practiced divination and magic and consulted fortunetellers and mediums. He sinned greatly against the Lord and stirred up his anger. 7 He placed an image in the Temple, the place about which God had said to David and his son Solomon: “Here in Jerusalem, in this Temple, is the place that I have chosen out of all the territory of the twelve tribes of Israel as the place where I am to be worshiped. 8 And if the people of Israel will obey all my commands and keep the whole Law that my servant Moses gave them, then I will not allow them to be driven out of the land that I gave to their ancestors.” 9 Manasseh led the people of Judah to commit even greater sins than those committed by the nations whom the Lord had driven out of the land as his people advanced.
Manasseh Repents
10 Although the Lord warned Manasseh and his people, they refused to listen. 11 So the Lord let the commanders of the Assyrian army invade Judah. They captured Manasseh, stuck hooks in him, put him in chains, and took him to Babylon. 12 In his suffering he became humble, turned to the Lord his God, and begged him for help. 13 God accepted Manasseh's prayer and answered it by letting him go back to Jerusalem and rule again. This convinced Manasseh that the Lord was God.
14 After this, Manasseh increased the height of the outer wall on the east side of David's City, from a point in the valley near Gihon Spring north to the Fish Gate and the area of the city called Ophel. He also stationed an army officer in command of a unit of troops in each of the fortified cities of Judah. 15 He removed from the Temple the foreign gods and the image that he had placed there, and the pagan altars that were on the hill where the Temple stood and in other places in Jerusalem; he took all these things outside the city and threw them away. 16 He also repaired the altar where the Lord was worshiped, and he sacrificed fellowship offerings and thanksgiving offerings on it. He commanded all the people of Judah to worship the Lord, the God of Israel. 17 Although the people continued to offer sacrifices at other places of worship, they offered them only to the Lord.
The End of Manasseh's Reign
(2 Kings 21.172 18)18 Everything else that Manasseh did, the prayer he made to his God, and the messages of the prophets who spoke to him in the name of the Lord, the God of Israel, are all recorded in The History of the Kings of Israel. 19 The king's prayer and God's answer to it, and an account of the sins he committed before he repented—the evil he did, the pagan places of worship and the symbols of the goddess Asherah that he made and the idols that he worshiped—are all recorded in The History of the Prophets. 20 Manasseh died and was buried at the palace, and his son Amon succeeded him as king.
King Amon of Judah
(2 Kings 21.19-26)21 Amon was twenty-two years old when he became king of Judah, and he ruled in Jerusalem for two years. 22 Like his father Manasseh, he sinned against the Lord, and he worshiped the idols that his father had worshiped. 23 But unlike his father, he did not become humble and turn to the Lord; he was even more sinful than his father had been.
24 Amon's officials plotted against him and assassinated him in the palace. 25 The people of Judah killed Amon's assassins and made his son Josiah king.