1 Bose bamu jokwi le bulanda bakafanila linga botetshi bali bathu banofanigwa nge kutetiwa kwakapelela, kuti ndizo zina le Ndzimu ne zwidiyo zwisitjinyiwe. 2 Ibabo bana botetshi banogalamoyo abazofanila kubashayila mazwibhato ngobe bali zwikamu. Koga bakafanila kubashingila kupinda, ngobe ibabo banobuyigwa mu nshingo wabo bagalimoyo kakale bali badiwa.
Tjidiyo tje manyepkhwa ne fumwa dze malebeswa
Ezwi ndizo zwithu zwawakafanila kubadiya ne kubalaya.
3 Ha mmwe ediya zwidiyo zwipoga, asingadumane ne zwidiyo zwe malebeswa zwa She wedu Jesu Kirisiti ne zwidiyo zwinoyendidzana ngotja Ndzimu, 4 unozwida kakale akuna tjaanoziba. Unohwanana nge kunyanyayidzana nenge kukakabadzana ngekwe matama kunozhisa ndandala ne kutukana ne ndebo dzinotjinya bamwe mazina, kukumbulila kwakabipa 5 nenge kusayendidzana kusingapele pakati kwe bathu be mikumbulo yakaleleka bakalashikigwa nge malebeswa, kakale banokumbula kuti kunamata Ndzimu ndiyo zila ye kuwana fumwa ye mari.
6 Koga kunamata Ndzimu, i mbuyilo hwulu, ina kugutshika nge tjaunatjo. 7 Ngobe akuna tjatakazhisa mu shango, akuna tjatinowotola mu shango iyeyi. 8 Koga ha kuli kuti tina zojiwa ne zwiambalo, takafanila kugutshiwa ndi ikoko. 9 Koga ibabo banoshaka kufuma, banowowila mu kulikwa ne mu dati le njemulo njinji dze bulengwe dzinokubadza, kakale dzinolashila nthu mu kuloba ne kukolomoka. 10 Ngobe ludo gwe mari ndigo ndzi we bubi gose, bamwe bathu, ngoda mari, bakabhuda mu kugalamoyo, ngono bakazwihwisa zogwadza kunjinji.
Ndayo kuna Timoti
11 Koga iwe nthu we Ndzimu, tizha ikoku kose, uzwimisile ndulamo ne kutja Ndzimu ne kugalamoyo ne ludo ne kudzikitadza nenge moyonnyolo. 12 Igwa ngwa mbuyanana ye bugalimoyo. Uwane butjilo gusingapele gwawakadanigwa pawakazwileba bugalimoyo gugo kwakatambunuka mbeli kwe batendeki banjinji. 13 Mu mesho e Ndzimu iwo unopa tjimwe ne tjimwe butjilo ne mu mesho a Kirisiti Jesu iye wakati epa butendeki mbeli kwa Pontiyo Pilato kazwileba kwakatambunuka, ndokulaya kuti 14 ulondolodze ndayo iyeyi kusina itoyi kene nlandu kuswikila kuboneka kwa She wedu Jesu Kirisiti, 15 iko Ndzimu kwaunowozhisa nge tjibaka tjawo, Ndzimu iwo una makombolelo, iwo Mbusi ali yega. Iye Mambo wa bomambo, kakale She wa boshe, 16 iwo woga usingafe, kakale unogala mu tjedza tjisingasedzegwe kutjili, usina wakatongo ubona kene ungaubona. Ngakubepo gudzo ne simba lisingapele kuuli. Ngakujalo.
17 Idwa ibabo bakafuma fumwa ye shango iyeyi, kuti basishiye kene kubiga kugalabgwe kwabo mu fumwa dzisina malebeswa, koga bagalebgwe mu Ndzimu, iwo unotipa nge buzhalo tjimwe ne tjimwe tje kushatha kwedu. 18 Bakafanila kuthama zwakalulwama, babe ne fumwa mu mishingo yakalulwama ne kupana nenge kuzwimisila kukobana ne bamwe. 19 Nge zila iyeyi, banowozwibigila thiwa yakalulwama ye mangwana, kuti ndizo bawane butjilo gwe malebeswa.
20 Timoti, lisa tjawakapiwa mu maboko awo. Thubukana ne ndebo dzisina bundzimu nenge kukakabadzana kwe bulengwe iko kunodang'wa “Luzibo,” 21 bamwe gwabakati banago ngono nge zila iyeyi bakabhuda mu kugalamoyo.
Ngoni dze Ndzimu dzibe namwi.
1 Those who are slaves must consider their masters worthy of all respect, so that no one will speak evil of the name of God and of our teaching. 2 Slaves belonging to Christian masters must not despise them, for they are believers too. Instead, they are to serve them even better, because those who benefit from their work are believers whom they love.
False Teaching and True Riches
You must teach and preach these things. 3 Whoever teaches a different doctrine and does not agree with the true words of our Lord Jesus Christ and with the teaching of our religion 4 is swollen with pride and knows nothing. He has an unhealthy desire to argue and quarrel about words, and this brings on jealousy, disputes, insults, evil suspicions, 5 and constant arguments from people whose minds do not function and who no longer have the truth. They think that religion is a way to become rich.
6 Well, religion does make us very rich, if we are satisfied with what we have. 7 What did we bring into the world? Nothing! What can we take out of the world? Nothing! 8 So then, if we have food and clothes, that should be enough for us. 9 But those who want to get rich fall into temptation and are caught in the trap of many foolish and harmful desires, which pull them down to ruin and destruction. 10 For the love of money is a source of all kinds of evil. Some have been so eager to have it that they have wandered away from the faith and have broken their hearts with many sorrows.
Personal Instructions
11 But you, man of God, avoid all these things. Strive for righteousness, godliness, faith, love, endurance, and gentleness. 12 Run your best in the race of faith, and win eternal life for yourself; for it was to this life that God called you when you firmly professed your faith before many witnesses. 13 Before God, who gives life to all things, and before Christ Jesus, who firmly professed his faith before Pontius Pilate, I command you 14 to obey your orders and keep them faithfully until the Day when our Lord Jesus Christ will appear. 15 His appearing will be brought about at the right time by God, the blessed and only Ruler, the King of kings and the Lord of lords. 16 He alone is immortal; he lives in the light that no one can approach. No one has ever seen him; no one can ever see him. To him be honor and eternal power! Amen.
17 Command those who are rich in the things of this life not to be proud, but to place their hope, not in such an uncertain thing as riches, but in God, who generously gives us everything for our enjoyment. 18 Command them to do good, to be rich in good works, to be generous and ready to share with others. 19 In this way they will store up for themselves a treasure which will be a solid foundation for the future. And then they will be able to win the life which is true life.
20 Timothy, keep safe what has been entrusted to your care. Avoid the profane talk and foolish arguments of what some people wrongly call “Knowledge.” 21 For some have claimed to possess it, and as a result they have lost the way of faith.
God's grace be with you all.