Baegipiti banonginilila Juda
(1 Bomambo 14:25-28)1 Kwakati mbuso wa Rehoboamu watjisima, Rehoboamu ne Baiziraela bakabe bakantobela bakafupatila nlayo wa Yahwe. 2 Ngono kukati mu gole le bushanu le mbuso uwe Mambo Rehoboamu ngekwe kusahwa Yahwe kukwe, Shishaki mambo we Egipiti kanginilila Jerusalema 3 nge koloyi dze ngwa dzili tjiwulu tjina mazana ali mabili (1 200) ne batathi be mbizi bali zwiwulu zwili makumi ali tathatu (60 000) ne babhayani basina mbalo baakazha nabo bedwa ku shango ye Libhiya ne Sukimu ne Itopiya. 4 Ngono katapa matizhilo e mizi mikulu ye Juda ngono kaswika ku Jerusalema.
5 Ngono Shemaiya nlebesambeli kayenda kuna Rehoboamu ne batungamili be Juda bakabe bakakubungana mu Jerusalema ngekwa Shishaki. Wakabadwa kati, “Yahwe bakati kumuli, ‘Makandifupatila ngono ndizo ndamulashila mu simba la Shishaki’ ” 6 Batungamili na mambo we Iziraela bakazwiyisa pasi ngono bakabe beti, “Yahwe bakalulwama.”
7 Ngono Yahwe bakati bebona Baiziraela bazwiyisa pasi, bakalebeleka na Shemaiya beti, “Ngoti bazwiyisa pasi, anditjowobakolomodza koga ndowobapa kusununguka ne bushongola gwangu agutjowodelukila Jerusalema nge tjiazha tja Shishaki, 8 koga banowobe balanda babe bakaziba kuthubukana kwe kundishingila ne kushingila bushe gwe shango dzipoga.”
9 Ndizo Shishaki mambo we Egipiti kamukila Jerusalema katola tjimwe ne tjimwe, thundu yose ye Ng'umba ya Yahwe ne thundu yose ye ng'umba ya mambo, katola zwivikisi zwakathamwa nge golide zwakabe zwathamwa ndi Solomoni. 10 Ngono Rehoboamu wakathama zwivikisi zwe phangula kazwilonga mu maboko e balindi bakabe belinda nkoba we ng'umba ya mambo. 11 Kwakabe kuti tjibaka ne tjibaka mambo eyenda ku Ng'umba ya Yahwe balisi be mikoba bakabe besenga zwivikisi ngono kati apedza bakazwigwiliza ku ng'umba ye balisi. 12 Nge kuti wakazwiyisa pasi, bushongola gwa Yahwe aguzonlobesa koga zwithu zwakayenda zubuyanana mu Juda.
Mbuso wa Rehoboamu
13 Rehoboamu wakabusa mu Jerusalema ngono kawatsha masimba awe e bumambo. Rehoboamu wakabe ali makole ali makumi manna ana ling'ompela (41) paakabe mambo ngono kabusa makole ali gumi lina kutendeka (17) mu Jerusalema, nzi nkulu Yahwe wabakashalula mu njudzi dzose dze Iziraela kubiga zina labo muuli. Mme ba Rehoboamu bakabe bali Naama bedwa ku shango ye Amoni. 14 Ngono Rehoboamu wakathama kose kwakabipa ngobe wakabe asakazwimisila kushinga kuda kwa Yahwe.
15 Mishingo ya Rehoboamu kudwa mu kutangisa kunoti ku bupelo aizokwagwa mu Thawu dza Shemaiya Nlebesambeli ne mu Thawu dza Ido we mboni kene? Kwakabe kugala kuna kukwebakwebana kusingapele pakati kwa Rehoboamu na Jeroboamu. 16 Rehoboamu kafa kanobiganyiwa na bobatategulu babe, wakabiganyiwa mu nzi nkulu wa Dafite, nkololo uwe Abija kabe iye mambo.
An Egyptian Invasion of Judah
(1 Kings 14.25-28)1 As soon as Rehoboam had established his authority as king, he and all his people abandoned the Law of the Lord. 2 In the fifth year of Rehoboam's reign their disloyalty to the Lord was punished. King Shishak of Egypt attacked Jerusalem 3 with an army of twelve hundred chariots, sixty thousand cavalry, and more soldiers than could be counted, including Libyan, Sukkite, and Ethiopian troops. 4 He captured the fortified cities of Judah and advanced as far as Jerusalem.
5 Shemaiah the prophet went to King Rehoboam and the Judean leaders who had gathered in Jerusalem to escape Shishak. He said to them, “This is the Lord's message to you: ‘You have abandoned me, so now I have abandoned you to Shishak.’”
6 The king and the leaders admitted that they had sinned, and they said, “What the Lord is doing is just.”
7 When the Lord saw this, he spoke again to Shemaiah and said to him, “Because they admit their sin, I will not destroy them. But when Shishak attacks, they will barely survive. Jerusalem will not feel the full force of my anger, 8 but Shishak will conquer them, and they will learn the difference between serving me and serving earthly rulers.”
9 King Shishak came to Jerusalem and took the treasures from the Temple and from the palace. He took everything, including the gold shields that King Solomon had made. 10 To replace them, Rehoboam made bronze shields and entrusted them to the officers responsible for guarding the palace gates. 11 Every time the king went to the Temple, the guards carried the shields and then returned them to the guardroom. 12 Because he submitted to the Lord, the Lord's anger did not completely destroy him, and things went well for Judah.
Summary of Rehoboam's Reign
13 Rehoboam ruled in Jerusalem and increased his power as king. He was forty-one years old when he became king, and he ruled for seventeen years in Jerusalem, the city which the Lord had chosen from all the territory of Israel as the place where he was to be worshiped. Rehoboam's mother was Naamah, from the land of Ammon. 14 He did what was evil, because he did not try to find the Lord's will.
15 Rehoboam's acts from beginning to end and his family records are found in The History of Shemaiah the Prophet and The History of Iddo the Prophet. Rehoboam and Jeroboam were constantly at war with each other. 16 Rehoboam died and was buried in the royal tombs in David's City and his son Abijah succeeded him as king.