Lufu gwe nkololo wa Jeroboamu
1 Mu tjibaka itjetjo Abija nkololo wa Jeroboamu kagwala. 2 Jeroboamu kadwa nkadzi uwe kati, “Milika uyende ku Shilo, ngono uambale nge zila yausingawozibgwa ndiyo kuti u nkadzi wa Jeroboamu. Ngono bona, nlebesambeli Ahija uikweno, iye wakati ndakafanila kube mambo we bathu ibaba. 3 Uyende wakambhatila zwiwunga zwili gumi ne makhekhe ne tjilongo tje butji gwe nyutji. Ukumbile akubudze tjinowoshingikalila nkololo wedu.”
4 Nkadzi wa Jeroboamu kathama sekwa adwiwa nge nlume uwe, kamilika kayenda ku Shilo ku nzi wa Ahija. Ipapo Ahija wakabe asingabone, ngoti mesho awe akabe atjipofupala ngobe akwegula. 5 Ngono Yahwe bakadwa Ahija bakati, “Nkadzi wa Jeroboamu waswika kuhwokubhuzwa ngekwe nkololo uwe, ngoti unogwala. Ngono umbudze woku na woku.”
Wakati eswika kazwithama mmwe nkadzi upoga. 6 Koga kati eswika pa nkoba, Ahija kahwa nsindo we makumbo awe, kandwa kati, “Ngina, iwe nkadzi wa Jeroboamu. Apa ini uzwithama mmwe nkadzi upoga kene? Ndatumwa ku kuli kukubudza thawu dzinolema. 7 Yenda unobudza Jeroboamu uti, ‘Yahwe Ndzimu we Iziraela bakati bakakutola pakati kwe Baiziraela bakakumilidza bakakuthama mbusi we bathu babo Baiziraela, 8 “Ndakapalalanya mbuso mu nsha wa Dafite akupa iwo. Koga auzofanana na Dafite nlanda wangu, wakabe elondolodza milayo yangu, enditobela nge moyo uwe wose, ethama ndulamo koga mbeli kwangu. 9 Koga iwe wakandilamba, wakanditanga undilonga bushongola, ngothama mbipo kupinda bose bakabusa mbeli kuko, ubuya uzwithamila midzimu ipoga ye zwifano kuinamata. 10 Ndizo bona, ndozhisa mbipo mu ng'umba ya Jeroboamu, ndowolobesa bana bose babo be tjilume, bose bamu busungwa ne bakasununguka. Ndowobalobesa se nthu episa dokonobe litshwa lilota. 11 Mmwe ne mmwe we nsha wa Jeroboamu unowofila mu nzi nkulu unowojiwa nge mbgwa, mmwe ne mmwe wafila ku shango unowojiwa nge magola, koleba imi Yahwe.” ’
12 “Tjimilika uyende ku nzi uwo. Kowoti ulonga gumbo mu nzi nkulu, mwana unowobe efa. 13 Ngono Baiziraela bose banowonlilila, bebuya bembiganya. Ngoti ndiye ega unowobiganyiwa, ngobe mu nsha wa Jeroboamu, ndiye ega unowang'wa tjimwe munli tjinoshathisa Yahwe, Ndzimu we Iziraela. 14 Shule kwa ikoko Yahwe banozwimusila mambo unowobusa Iziraela, unowozhisa bhelelo mu mbuso wa Jeroboamu kudwa ngwenu, naiko ngwenu wali. 15 Yahwe banowoloba Iziraela, kwainowozunguzika se lushanga guli mu vula. Banowodzikunula Iziraela mu shango iyeyi yakanaka yabakapa bobatategulu babo, bakaipaladzila seli kwe Gwizi gwe Yufuratesi, ngobe bakalonga Yahwe bushongola ngozwithamila ndzimukadzi we Asherimu. 16 Yahwe banowolasha Iziraela ngekwe zwibi zwa Jeroboamu, zwaakathama kabuya kakwebela Iziraela mu kuzwithama.”
17 Ndizo nkadzi wa Jeroboamu kamilika kayenda ku Tireza. Ngono kwakati koga etshamba pa itubhu tje ng'umba, mwana kabe efa. 18 Baiziraela bose bakagalila mwana tjililo, bebuya bembiganya, kuyendidzana ne dama la Yahwe labakadwa nlebesambeli Ahija.
Lufu gwa Jeroboamu
19 Mimwe mishingo ya Jeroboamu ne ngwa dzaakagwa ne sekwa akabusa, yose yakakwagwa mu Lukwalo gwe Zwiyitikalo zwa Bomambo be Iziraela kene? 20 Jeroboamu wakatola makole ali makumi mabili ana ali mabili (22) ebusa. Akafa, katobela botate babe, ngono nkololo uwe Nadabu kan'gala thaka mu bumambo gugwe.
Mambo we Juda Rehoboamu
(2 Zwiyitikalo 11:5—12:15)21 Rehoboamu wakabusa mu Juda, ana makole ali makumi manna ana gole lili ling'ompela (41). Wakabusa makole ali gumi lina kutendeka mu nzi nkulu Jerusalema, nzi wakabe Yahwe bazwishalulila iwo mu njudzi dzose dze Iziraela, kubiga zina labo muuli. Zina la mmeyabe lakabe liyi Naama bali N'ammoni.
22 Bajuda bakathama mbipo mbeli kwa Yahwe, Yahwe bakazhala bushongola ngekwe zwibi zwabo zwabakathama kupinda zwakatongo thamwa ndi bobatategulu babo. 23 Ngoti naibo bo bakazwibakila magalo a pezhugwi e kunamata pezhugwi kwe duthu limwe ne limwe lefu ne zwifano zwe Ashera kusi kwe ntutshi we nti mmwe ne mmwe. 24 Kakale kwakabe kuna balume bakabe bezwitengesela kuwalilana mu magalo e kunamata midzimu ipoga mu shango. Bakathama zose zwinoshimisa zwakabe zwithamiwa nge zwitjaba zwakatatiwa mu shango ndi Yahwe mbeli kwe Baiziraela.
25 Mu gole le bushanu Mambo Rehoboamu ebusa, Mambo Shishaki we Egipiti kanginilila Jerusalema. 26 Katola fumwa yose mu ng'umba ya Yahwe ne mu ng'umba ye bumambo, nenge zwiviko zose zwe golide zwakabe zwathamwa ndi Solomoni. 27 Ngono mu bumo gwazo Rehoboamu kathama zwiviko zwe phangula kazwipa balisi be mikoba ye ng'umba ye bumambo. 28 Kwakabe kuti mambo angina mu ng'umba ya Yahwe, balindi bebe bezwitola, eti abhuda bezwibgwiliza ku ng'umba ye bulindi.
29 Apa mimwe mishingo ya Rehobhuamu aizokwagwa mu Lukwalo gwe Zwiyitikalo zwa Bomambo be Juda kene? 30 Kwakadwilila kube ne ngwa pakati kwa Rehoboamu na Jeroboamu. 31 Ngono Rehoboamu wakafa katobela botate babe, kabiganyiwa pakabiganyiwa botate babe mu nzi nkulu wa Dafite. Zina la mmeyabe lakabe liyi Naama bali N'ammoni. Nkololo wa Rehoboamu, Abijamu kan'gala thaka mu bushe gugwe.
The Death of Jeroboam's Son
1 At that time King Jeroboam's son Abijah got sick. 2 Jeroboam said to his wife, “Disguise yourself so that no one will recognize you, and go to Shiloh, where the prophet Ahijah lives, the one who said I would be king of Israel. 3 Take him ten loaves of bread, some cakes, and a jar of honey. Ask him what is going to happen to our son, and he will tell you.”
4 So she went to Ahijah's home in Shiloh. Old age had made Ahijah blind. 5 The Lord had told him that Jeroboam's wife was coming to ask him about her son, who was sick. And the Lord told Ahijah what to say.
When Jeroboam's wife arrived, she pretended to be someone else. 6 But when Ahijah heard her coming in the door, he said, “Come in. I know you are Jeroboam's wife. Why are you pretending to be someone else? I have bad news for you. 7 Go and tell Jeroboam that this is what the Lord, the God of Israel, says to him: ‘I chose you from among the people and made you the ruler of my people Israel. 8 I took the kingdom away from David's descendants and gave it to you. But you have not been like my servant David, who was completely loyal to me, obeyed my commands, and did only what I approve of. 9 You have committed far greater sins than those who ruled before you. You have rejected me and have aroused my anger by making idols and metal images to worship. 10 Because of this I will bring disaster on your dynasty and will kill all your male descendants, young and old alike. I will get rid of your family; they will be swept away like dung. 11 Any members of your family who die in the city will be eaten by dogs, and any who die in the open country will be eaten by vultures. I, the Lord, have spoken.’”
12 And Ahijah went on to say to Jeroboam's wife, “Now go back home. As soon as you enter the town, your son will die. 13 All the people of Israel will mourn for him and bury him. He will be the only member of Jeroboam's family who will be properly buried, because he is the only one with whom the Lord, the God of Israel, is pleased. 14 The Lord is going to place a king over Israel who will put an end to Jeroboam's dynasty. 15 The Lord will punish Israel, and she will shake like a reed shaking in a stream. He will uproot the people of Israel from this good land which he gave to their ancestors, and he will scatter them beyond the Euphrates River, because they have aroused his anger by making idols of the goddess Asherah. 16 The Lord will abandon Israel because Jeroboam sinned and led the people of Israel into sin.”
17 Jeroboam's wife went back to Tirzah. Just as she entered her home, the child died. 18 The people of Israel mourned for him and buried him, as the Lord had said through his servant, the prophet Ahijah.
The Death of Jeroboam
19 Everything else that King Jeroboam did, the wars he fought and how he ruled, are all recorded in The History of the Kings of Israel. 20 Jeroboam ruled as king for twenty-two years. He died and was buried, and his son Nadab succeeded him as king.
King Rehoboam of Judah
(2 Chronicles 11.5—12.15)21 Solomon's son Rehoboam was forty-one years old when he became king of Judah, and he ruled seventeen years in Jerusalem, the city which the Lord had chosen from all the territory of Israel as the place where he was to be worshiped. Rehoboam's mother was Naamah from Ammon.
22 The people of Judah sinned against the Lord and did more to arouse his anger against them than all their ancestors had done. 23 They built places of worship for false gods and put up stone pillars and symbols of Asherah to worship on the hills and under shady trees. 24 Worst of all, there were men and women who served as prostitutes at those pagan places of worship. The people of Judah practiced all the shameful things done by the people whom the Lord had driven out of the land as the Israelites advanced into the country.
25 In the fifth year of Rehoboam's reign King Shishak of Egypt attacked Jerusalem. 26 He took away all the treasures in the Temple and in the palace, including the gold shields Solomon had made. 27 To replace them, King Rehoboam made bronze shields and entrusted them to the officers responsible for guarding the palace gates. 28 Every time the king went to the Temple, the guards carried the shields and then returned them to the guardroom.
29 Everything else that King Rehoboam did is recorded in The History of the Kings of Judah. 30 During all this time Rehoboam and Jeroboam were constantly at war with each other. 31 Rehoboam died and was buried in the royal tombs in David's City and his son Abijah succeeded him as king.