Hoseya ne nkadzi usingagalikebgwe
1 Yahwe bakati kundili, “Yenda ku nkadzi uwo kakale unlakidze ludo nenguba edana ne mmwe kakale ali phombgwekadzi, un'de koga sa Yahwe beda Baiziraela nenguba Baiziraela benamata midzimu mimwe beda tjiwunga tjina zhambi dzakawomesiwa.”
2 Ndizo antenga nge shekele dze siliva dzili gumi lina dzilishanu (15) ne saka lina gaswa le bhali. 3 Ndikan'dwa ati, “Ugale nami mazhuba manjinji, usitongobe fukula naiko usitongo shangana ne mmwe nlume, namibo ndowothama saikoko kukuli.” 4 Ngoti Baiziraela banowogala mazhuba manjinji basina mambo kene mbusi, basina tjibhayilo kene mabgwe akayengemala, basina efodi kene zwifano. 5 Shule kwe tjibaka Baiziraela banowobgwilila bakashaka Yahwe Ndzimu wabo na Dafite mambo wabo. Banowotja Yahwe ne bubuya gwabo mu mazhuba e bupelo.
Hosea and the Unfaithful Woman
1 The Lord said to me, “Go again and show your love for a woman who is committing adultery with a lover. You must love her just as I still love the people of Israel, even though they turn to other gods and like to take offerings of raisins to idols.”
2 So I paid fifteen pieces of silver and seven bushels of barley to buy her. 3 I told her that for a long time she would have to wait for me without being a prostitute or committing adultery; and during this time I would wait for her. 4 In just this way the people of Israel will have to live for a long time without kings or leaders, without sacrifices or sacred stone pillars, without idols or images to use for divination. 5 But the time will come when the people of Israel will once again turn to the Lord their God and to a descendant of David their king. Then they will fear the Lord and will receive his good gifts.