Thumwa dzakadwa ku Bhabhiloni
(2 Bomambo 20:12-19)1 Mu tjibaka itjetjo Merodakhi Baladani nkololo wa Baladani mambo we Bhabhiloni katuma thumwa kunopa Hezekiya hwalo ne zwipo ngoti wakabe ahwa kuti wakabe agwala ngono atjipola. 2 Hezekiya kabaamutjila ngono kabalakidza dula le fumwa iye. Kabalakidza siliva ne golide ne zwipayisi ne mafuta e themba ipezhugwi. Kabalakidza ne zwibhayano zwizwe zose, kabalakidza kose kwakabe kuli mu mbiganyilo dzidze dzose. Akuna tjimwe Hezekiya tjaakasiya mu ng'umba iye kene mu bushe gugwe asabalakidza itjo. 3 Ipapo nlebesambeli Isaya kazha kuna Mambo Hezekiya kan'dwa kati, “Balume ibaba badwa ngayi? Bakatini?” Hezekiya kadabila eti, “Bazha kundili bedwa ku shango ikule, shango ye Bhabhiloni.” 4 Isaya kabhuzwa eti, “Babonani mu ng'umba iyo?” Hezekiya kadabila eti, “Babona kose kungabong'wa mu ng'umba yangu, akuna tjimu matula angu tjandisabalakidza.”
5 Ipapo Isaya kabe eti kuna Hezekiya, “Ihwa kuti Yahwe Masimbawose bakatini? 6 Bona, anowozha mazhuba anowoti zose zwimu ng'umba iyo, naizo zose zwetjinga zwakakubunganyiwa ndi botate babo mu matula kuswikila nasi zwikasengegwa ku Bhabhiloni, akuna tjinowosala, Yahwe bakajalo. 7 Bamwe be bana babo bawakazwala banowotapiwa, banowobe ngomwa mu ng'umba ye bumambo ya mambo we Bhabhiloni.” 8 Ipapo Hezekiya kabe eti kuna Isaya, “Dama la Yahwe lawaleba lakalulwama.” Wakajalo ngoti wakakumbula eti, “Mbakiso ne mbakililo zowobe zwilipo muna angu mazhuba.”
Messengers from Babylonia
(2 Kings 20.12-19)1 About that same time the king of Babylonia, Merodach Baladan, son of Baladan, heard that King Hezekiah had been sick, so he sent him a letter and a present. 2 Hezekiah welcomed the messengers and showed them his wealth—his silver and gold, his spices and perfumes, and all his military equipment. There was nothing in his storerooms or anywhere in his kingdom that he did not show them. 3 Then the prophet Isaiah went to King Hezekiah and asked, “Where did these messengers come from and what did they say to you?”
Hezekiah answered, “They came from a very distant country, from Babylonia.”
4 “What did they see in the palace?”
“They saw everything. There is nothing in the storerooms that I didn't show them.”
5 Isaiah then told the king, “The Lord Almighty says that 6 a time is coming when everything in your palace, everything that your ancestors have stored up to this day, will be carried off to Babylonia. Nothing will be left. 7 Some of your own direct descendants will be taken away and made eunuchs to serve in the palace of the king of Babylonia.”
8 King Hezekiah understood this to mean that there would be peace and security during his lifetime, so he replied, “The message you have given me from the Lord is good.”