Kutjenapadziwa kwa bomme shule kwe kutshibama
1 Yahwe bakadwa Mushe bakati, 2 Idwa bathu be Iziraela uti, “Ha nkadzi ezwisenga, ebe etshibama mwana we tjilume, unowotemapala kwe mazhuba ali kutendeka, kuyendidzana ne mazhuba awe e kungula kukwe, akatemapala. 3 Ngono mu zhuba le buzhanakadzi, mbisana athumbigwe. 4 Ndizo adwilile ali mu mazhuba awe e kutjenapadziwa kukwe kwe buzwele mazhuba ali makumi matatu ana matatu, asingabhate tjimwe tjakayengemala kene kuli kungina mu bugalo gwakayengemala kudzina mazhuba awe e kutjenapadziwa ewila.
5 “Koga ha nkadzi angatshibama mwana we tjikadzi, ipapo unowotemapala tshipi dzili mbili, kuyendidzana ne mazhuba awe e kungula kukwe, ebe edwilila egala buzwele gwe kutjenapadziwa kukwe mazhuba ali makumi ali matathatu ne ali matathatu.
6 “Ngono ha mazhuba awe e kutjenapadziwa kukwe awila, ali e mwana we tjilume kene we tjikazi, nkadzi iwoyu azhise pkhwizana ina gole ye tjibhayilo tjinopisiwa ne ngurukukwana kene njiba ye tjibhayilo tje tjibi, ku mpirisiti mbeli kwe nkoba we nshasha we bushanganilo. 7 Mpirisiti unoyisa tjibhayilo mbeli kwa Yahwe egadzanya nkadzi iwoyu na Yahwe, ndizo nkadzi unowotjenapadzigwa buzwele gugwe. Oyu ndiwo nlayo we nkadzi atshibama mwana, ali we tjilume kene we tjikadzi.
8 “Ha asingatubule kudusa pkhwizana, atole njiba mbili kene ngurukukwana mbili, imwe ili ye tjibhayilo tjinopisiwa imwe ili ye tjibhayilo tje tjibi, ngono mpirisiti unowogadzanya nkadzi iwoyu na Yahwe, ngono unowotjenapala.”
The Purification of Women after Childbirth
1 The Lord gave Moses the following regulations 2 for the people of Israel. For seven days after a woman gives birth to a son, she is ritually unclean, as she is during her monthly period. 3 On the eighth day, the child shall be circumcised. 4 Then it will be thirty-three more days until she is ritually clean from her loss of blood; she must not touch anything that is holy or enter the sacred Tent until the time of her purification is completed.
5 For fourteen days after a woman gives birth to a daughter, she is ritually unclean, as she is during her monthly period. Then it will be sixty-six more days until she is ritually clean from her loss of blood.
6 When the time of her purification is completed, whether for a son or daughter, she shall bring to the priest at the entrance of the Tent of the Lord's presence a one-year-old lamb for a burnt offering and a pigeon or a dove for a sin offering. 7 The priest shall present her offering to the Lord and perform the ritual to take away her impurity, and she will be ritually clean. This, then, is what a woman must do after giving birth.
8 If the woman cannot afford a lamb, she shall bring two doves or two pigeons, one for a burnt offering and the other for a sin offering, and the priest shall perform the ritual to take away her impurity, and she will be ritually clean.