Ndzimu ne bathu bawo
(1 Zwiyitikalo 16:8-22)1 Tendani Yahwe, danani zina labo,
thamani kuti mishingo yabo izibike mu bathu.
2 Mubambile, imbani njimbo dzinobakudza,
lebani ngekwe mishingo yabo yose inotjenamisa.
3 Gudzo mu zina labo lakayengemala.
Mimoyo ya ibabo banoshaka Yahwe ngaishathe.
4 Shakani Yahwe nenge simba labo,
dwililani mushake buso gwabo.
5 Kumbulani mishingo inotjenamisa yabakathama,
matjenamiso abo, nenge kusumikilisa kwabakathama.
6 Imwi lutshinga gwa Abhurahama nlanda wabo,
bakololo ba Jakubo, bashalugwa babo.
7 Ndibo Yahwe Ndzimu wedu,
kusumikilisa kwabo kumu shango yose.
8 Banokumbulukigwa tjidumano tjabo nge kusingapele,
ngekwe dama labakadwa, zwizekugwana zwili tjiwulu.
9 Tjidumano tjabakathama na Abhurahama,
kutuna kwabo begadzabgwe Isaki,
10 kwabakatshambilidza muna Jakubo se nlayo,
muna Iziraela tjili tjidumano nge kusingapele,
11 beti, “Ndowomupa shango ye Kanana
se gobe lenyu kube lukata.”
12 Pabakabe basibangana nge mbalo,
bali bashomanana, kakale bali bazhi muili,
13 beyenda kudwa mu tjaba imwe benoti ku imwe,
bedwa mu mbuso mmwe benoti ku mmwe,
14 akuna wabakadumilila kuti abatshambilidze,
bakatjemela bomambo mu bumo gwabo,
15 beti, “Musitongo kuma bazhodziwa bangu,
musitongogwadzisa balebesambeli bangu.”
16 Bakati bezhisa bhamba mu shango
bakapedza zojiwa zose,
17 bakabe batungamidza nlume mbeli kwabo,
Josefa, wakabe atengesiwa ali nlanda.
18 Makumbo awe akahwisiwa zogwadza nge miketani,
ntshibha uwe wakapombedziwa tshipi,
19 kuswikila tjaakaleba tjishingikala,
dama la Yahwe lakanlika.
20 Mambo wakalaila kuti asunungugwe,
nlauli we itjaba wakansunungula.
21 Wakanthama she we ng'umba iye,
ne nlauli we thundu iye yose,
22 kuti ape ndaulo hadzasha dzawo se kwaanoda
kakale kuti adiye batungamili babe butjenjedu.
23 Ndizo Iziraela akazha mu Egipiti,
Jakubo wakagala se nzhi mu shango ya Hamu.
24 Ngono Yahwe bakawatsha bathu babo kwazo,
kakale bakabasimisa kupinda zwita zwabo,
25 bakashandula mimoyo yabo kuti babenge bathu babo,
kuti bashinge ne balanda babo nge bupitipiti.
26 Bakatuma nlanda wabo Mushe,
na Aroni ibo babakashalula.
27 Bakathama zwilakidzo zwabo pakati kwabo,
ne matjenamiso mu shango ya Hamu.
28 Bakatuma zhalima, bakathama kuti shango iti zwii,
bakashandukila matama abo
29 bakashandula vula dzabo dzikabe malopa,
bakathama kuti hwobe dzabo dzife.
30 Shango yabo ikazhala mazhula,
nenge mu ng'umba dza bomambo babo.
31 Bakalebeleka, kukazha nlunda we thuzi,
ne nyunyu dzikazhala mu shango yabo yose.
32 Bakabaligila tjivulamabgwe mu bumo gwe vula,
ne lupenyo gwe vula gukapenya mu shango yabo yose.
33 Bakaloba mizhambi ne mipaya yabo,
ngono bakavunilila miti ye shango yabo.
34 Bakalebeleka, phashu dzikazha
ne phashwana dze bunji gusingabalike,
35 dzakaja zwimela zose mu shango yabo.
36 Bakabulaya mbano dzose mu shango yabo,
zwizwalo zwe kutanga zwe simba labo lose.
37 Ndizo kapeleka Baiziraela bakasenga siliva ne golide,
akuna ne nng'ompela mu ludzi gugwe wakakuthiwa.
38 Baiziraela bakati bemilika Egipiti ikashatha,
ngobe bakabe bobatja.
39 Bakatambunudza gole kubafukidza,
ne moto kuti kube ne tjedza busiku.
40 Bakakumbila, ngono bakabazhisila hwalishanga,
bakabapa zojiwa zwinodwa kudzimu zwili zwinjinji.
41 Bakazhula shongwe vula ikatebukana,
ikawunga ipalama tjilambanyika se gwizi,
42 ngobe bakakumbulukigwa kugadzabgwe kwabo kwakayengemala,
ne nlanda wabo Abhurahama.
43 Ndizo bakapeleka bathu babo ngekushatha,
bashalugwa babo bemba.
44 Bakabapa shango dze zwitjaba,
ngono bakazwitolegwa fumwa yakazwishabigwa nge zwitjaba,
45 kuti ndizo kubupelo babhate milayo yabo
ne kutjengeta ndaulo dzabo.
Kudzani Yahwe!
God and His People
(1 Chronicles 16.8-22)1 Give thanks to the Lord,
proclaim his greatness;
tell the nations what he has done.
2 Sing praise to the Lord;
tell the wonderful things he has done.
3 Be glad that we belong to him;
let all who worship him rejoice.
4 Go to the Lord for help;
and worship him continually.
5-6 You descendants of Abraham, his servant;
you descendants of Jacob, the man he chose:
remember the miracles that God performed
and the judgments that he gave.
7 The Lord is our God;
his commands are for all the world.
8 He will keep his covenant forever,
his promises for a thousand generations.
9 He will keep the agreement he made with Abraham
and his promise to Isaac.
10 The Lord made a covenant with Jacob,
one that will last forever.
11 “I will give you the land of Canaan,” he said.
“It will be your own possession.”
12 God's people were few in number,
strangers in the land of Canaan.
13 They wandered from country to country,
from one kingdom to another.
14 But God let no one oppress them;
to protect them, he warned the kings:
15 “Don't harm my chosen servants;
do not touch my prophets.”
16 The Lord sent famine to their country
and took away all their food.
17 But he sent a man ahead of them,
Joseph, who had been sold as a slave.
18 His feet were kept in chains,
and an iron collar was around his neck,
19 until what he had predicted came true.
The word of the Lord proved him right.
20 Then the king of Egypt had him released;
the ruler of nations set him free.
21 He put him in charge of his government
and made him ruler over all the land,
22 with power over the king's officials
and authority to instruct his advisers.
23 Then Jacob went to Egypt
and settled in that country.
24 The Lord gave many children to his people
and made them stronger than their enemies.
25 He made the Egyptians hate his people
and treat his servants with deceit.
26 Then he sent his servant Moses,
and Aaron, whom he had chosen.
27 They did God's mighty acts
and performed miracles in Egypt.
28 God sent darkness on the country,
but the Egyptians did not obey his command.
29 He turned their rivers into blood
and killed all their fish.
30 Their country was overrun with frogs;
even the palace was filled with them.
31 God commanded, and flies and gnats
swarmed throughout the whole country.
32 He sent hail and lightning on their land
instead of rain;
33 he destroyed their grapevines and fig trees
and broke down all the trees.
34 He commanded, and the locusts came,
countless millions of them;
35 they ate all the plants in the land;
they ate all the crops.
36 He killed the first-born sons
of all the families of Egypt.
37 Then he led the Israelites out;
they carried silver and gold,
and all of them were healthy and strong.
38 The Egyptians were afraid of them
and were glad when they left.
39 God put a cloud over his people
and a fire at night to give them light.
40 They asked, and he sent quails;
he gave them food from heaven to satisfy them.
41 He opened a rock, and water gushed out,
flowing through the desert like a river.
42 He remembered his sacred promise
to Abraham his servant.
43 So he led his chosen people out,
and they sang and shouted for joy.
44 He gave them the lands of other peoples
and let them take over their fields,
45 so that his people would obey his laws
and keep all his commands.
Praise the Lord!