Ndzimu nng'ompela we malebeswa
1 Kusi ku tili, imwi Yahwe, kusi ku tili,
koga ku zina lenyu ngakube ne gudzo,
ngentha ye ludo gwenyu gusingazunguzike ne kugalikabgwe kwenyu.
2 Ini zwitjaba zwingati,
“Ndzimu wabo ungayi?”
3 Ndzimu wedu u kudzimu,
unothama tjaunoda.
4 Midzimu yabo i siliva ne golide,
zwakathamwa nge maboko e bathu.
5 Ina milomo koga ayitolebeleka,
ina mesho koga ayitobona.
6 Ina zebe koga ayitohwa,
zwimilo zwayo azwitonuhwigwa.
7 Ina maboko ngono ayitohwa tjayabhata,
ina makumbo ngono ayitoyenda,
ayina hwi lainothama nge hwulo dzayo.
8 Ibabo banoithama banonga iyo,
na bose banogalabgwe muili.
9 Iwe Iziraela, galabgwe muna Yahwe!
Ndibo bhatsho ne tjivikili tjabo.
10 Iwe ng'umba ya Aroni, galabgwe muna Yahwe,
ndibo bhatsho ne tjivikili tjabo.
11 Imwi banotja Yahwe, galanibgwe muna Yahwe!
Ndibo bhatsho ne tjivikili tjabo.
12 Yahwe bagala bakatikumbula, banowotikombolela,
banowokombolela ng'umba ya Iziraela,
banowokombolela ng'umba ya Aroni.
13 Banowokombolela ibabo banotja Yahwe,
batukununu ne bakulukulu bose ngofanana.
14 Dzene Yahwe bangamuwatsha,
mose imwi ne bana benyu.
15 Dzene mungakombolegwa ndi Yahwe,
ibo bakathama kudzimu ne shango.
16 Kudzimu ndekwa Yahwe,
koga shango bakaipa bathu.
17 Bafi abatokudza Yahwe,
kene ibo banodelukila ku lunyalalo.
18 Koga ndiswi tinowokudza Yahwe
kudwa ngwenu kunoti kusingapele.
Kudzani Yahwe.
The One True God
1 To you alone, O Lord, to you alone,
and not to us, must glory be given
because of your constant love and faithfulness.
2 Why should the nations ask us,
“Where is your God?”
3 Our God is in heaven;
he does whatever he wishes.
4 Their gods are made of silver and gold,
formed by human hands.
5 They have mouths, but cannot speak,
and eyes, but cannot see.
6 They have ears, but cannot hear,
and noses, but cannot smell.
7 They have hands, but cannot feel,
and feet, but cannot walk;
they cannot make a sound.
8 May all who made them and who trust in them
become like the idols they have made.
9 Trust in the Lord, you people of Israel.
He helps you and protects you.
10 Trust in the Lord, you priests of God.
He helps you and protects you.
11 Trust in the Lord, all you that worship him.
He helps you and protects you.
12 The Lord remembers us and will bless us;
he will bless the people of Israel
and all the priests of God.
13 He will bless everyone who honors him,
the great and the small alike.
14 May the Lord give you children—
you and your descendants!
15 May you be blessed by the Lord,
who made heaven and earth!
16 Heaven belongs to the Lord alone,
but he gave the earth to us humans.
17 The Lord is not praised by the dead,
by any who go down to the land of silence.
18 But we, the living, will give thanks to him
now and forever.
Praise the Lord!