Ndzimu unowosumikilisa zwitjaba
1 “Ndizo bonani!
Mu misi iyeyo ne tjibaka itjetjo,
tjandinobuzila Juda ne Jerusalema thundu,
2 ndowokubunganya zwitjaba zose,
ndowozwidelusila ku guku la Jehoshafati.
Ndowobasumikilisa ikweno
ngekwe bathu bangu, lukata gwangu Iziraela,
ngobe bakabapaladza nge zwitjaba,
kakale bakakobana shango yangu.
3 Bakakandila bathu bangu,
beteetshanya mbisana nge fukula
betengesa mwanadi nge nkumbi we zhambi, ngono bakaung'wa.
4 “Apa muni kundili kene, imwi Tire na Sidoni ne mituthu yose ye Filisitiya? Apa kuna tjamunondibgwilizilila tjandakathama kene? Ha kuna tjamunondibgwilizilila, ndowomubgwilizila tjamakathama tjinyolotjo. 5 Ne kuti makanditolela siliva yangu ne golide yangu, makatutila thundu yangu mbuya mu ng'umba dzenyu dze midzimu. 6 Makatengesela Magiriki bathu be Juda ne Jerusalema, mubayisa kule kule ne shango yabo. 7 Bonani, ndowobadzonga kuti badwe mu magalo amakabatengesa kuali, amubgwilizila tjamakathama. 8 Ndowotengesela bathu be Juda bakololo ne bakololokadzi benyu. Banowobatengeselabo bathu be Sheba itjaba tji kule kule.” Kwaleba Yahwe.
9 Zibisani zwitjaba kuthu ikoku:
Muzwilulwamisile ngwa.
Musani balume bakasima,
balume be ngwa basedzele pejo baitange.
10 Thulani zwikara zwe mapadza enyu makanu,
mipanga inosunulila miti ibe mathumo.
Usakasima ati, “Ndakasima.”
11 Tjimbidzani muswike,
imwi zwitjaba kupoteleka,
muzwikubunganye ipapaje.
Yahwe, delusilani babhayani benyu ko.
12 “Zwitjaba zwizwimuse,
zwizhe ku guku la Jehoshafati.
Ndiko kwandinowogala ndisumikilisa zwitjaba zose,
kupoteleka kose.
13 Longani mpanga,
mathunde akabidwa.
Nginani mutshambe,
ngobe panokobolegwa zhambi pazhele,
makamba anotutuma,
ngobe mbipo yabo yapindilila.”
14 Mibungabunga ye bathu,
mu guku linotolegwa thambo,
ngobe zhuba la Yahwe labe pejo,
mu guku linotolegwa thambo.
15 Zhuba ne mwedzi zowotizwi,
nyenyedzi dzowotundubala.
Ndzimu unowokombolela bathu bawo.
16 Yahwe banobomba kudwa mu Ziyoni,
hwi labo lodwa mu Jerusalema.
Pezhugwi na pasi kowotengenyeka.
Yahwe banowobe mbakililo ye bathu babo,
dizhilo le bathu be Iziraela.
17 “Ipapo mowoziba kuti imi Yahwe Ndzimu wenyu,
ndogala mu Ziyoni, dombo langu lakayengemala.
Jerusalema unowoyengemala,
zwita azwitjoupalama kakale.
18 Mu zhuba ilelo,
matombo anowodotha nkumbi we zhambi unozipa,
matuthu anowowunga nkaka,
wobana dzose dze Juda dzowobe dziwunga vula.
Nsenya unowowunga udwa mu Ng'umba ya Yahwe,
unodilidzila guku le Shitimu.
19 “Egipiti inowobe dongo,
Edomu inowobe tjilambanyika tjisingamele tjimwe,
ngobe bakathamila bathu be Juda phipiti,
bakatebula lopa lisina nlandu mu shango yabo.
20 Koga Juda unowogaligwa tjose,
ne Jerusalema kunoti ku zwizekugwana zose.
21 Kutebula malopa kwabo,
kwandisakazwiibhatigwa, ndowokuzwiibhatigwa.”
Yahwe banogala mu Ziyoni.
God Will Judge the Nations
1 The Lord says,
“At that time I will restore
the prosperity of Judah and Jerusalem.
2 I will gather all the nations
and bring them to the Valley of Judgment.
There I will judge them
for all they have done to my people.
They have scattered the Israelites in foreign countries
and divided Israel, my land.
3 They threw dice to decide
who would get the captives.
They sold boys and girls into slavery
to pay for prostitutes and wine.
4 “What are you trying to do to me, Tyre, Sidon, and all of Philistia? Are you trying to pay me back for something? If you are, I will quickly pay you back! 5 You have taken my silver and gold and carried my rich treasures into your temples. 6 You have taken the people of Judah and Jerusalem far from their own country and sold them to the Greeks. 7 Now I am going to bring them out of the places to which you have sold them. I will do to you what you have done to them. 8 I will let your sons and daughters be sold to the people of Judah; they will sell them to the far-off Sabeans. I, the Lord, have spoken.
9 “Make this announcement among the nations:
‘Prepare for war;
call your warriors;
gather all your soldiers and march!
10 Hammer the points of your plows into swords
and your pruning knives into spears.
Even the weak must fight.
11 Hurry and come,
all you surrounding nations,
and gather in the valley.’”
Send down, O Lord, your army to attack them!
12 “The nations must get ready
and come to the Valley of Judgment.
There I, the Lord, will sit to judge
all the surrounding nations.
13 They are very wicked;
cut them down like grain
at harvest time;
crush them as grapes are crushed
in a full wine press
until the wine runs over.”
14 Thousands and thousands
are in the Valley of Judgment.
It is there that the day of the Lord
will soon come.
15 The sun and the moon grow dark,
and the stars no longer shine.
God Will Bless His People
16 The Lord roars from Mount Zion;
his voice thunders from Jerusalem;
earth and sky tremble.
But he will defend his people.
17 “Then, Israel, you will know that I am the Lord your God.
I live on Zion, my sacred hill.
Jerusalem will be a sacred city;
foreigners will never conquer it again.
18 At that time the mountains will be covered with vineyards,
and cattle will be found on every hill;
there will be plenty of water for all of Judah.
A stream will flow from the Temple of the Lord,
and it will water Acacia Valley.
19 “Egypt will become a desert,
and Edom a ruined waste,
because they attacked the land of Judah
and killed its innocent people.
20-21 I will avenge those who were killed;
I will not spare the guilty.
But Judah and Jerusalem will be inhabited forever,
and I, the Lord, will live on Mount Zion.”